ದೇಶದಲ್ಲಿ ಮಂಕಿಪಾಕ್ಸ್ ವೈರಾಣು ಸೋಂಕಿನ ಪ್ರಕರಣಗಳ ಸಂಖ್ಯೆ ಏರುತ್ತಿರುವ ಹಿನ್ನೆಲೆಯಲ್ಲಿ ಕೇಂದ್ರ ಆರೋಗ್ಯ ಸಚಿವಾಲಯವು ಮುನ್ನೆಚ್ಚರಿಕೆ ಕ್ರಮಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಬರೀ ಒಂಬತ್ತೋ ಹತ್ತೋ ಪ್ರಕರಣಗಳು ವರದಿಯಾಗಿವೆ ಎಂದು ಉಪೇಕ್ಷೆ ಮಾಡದೆ ಮುನ್ನೆಚ್ಚರಿಕೆ ವಹಿಸುವುದು ಎಲ್ಲರ ಜವಾಬ್ದಾರಿ. ರೋಗ ಹರಡಲು ಅನುವು ಮಾಡಿಕೊಟ್ಟು ಬಳಿಕ ಪರಿತಪಿಸುವುದಕ್ಕಿಂತ ಹರಡುವಿಕೆಯನ್ನೇ ತಡೆಯುವುದು ಜಾಣ್ಮೆಯ ನಡೆ. ರೋಗ ಹರಡುವಿಕೆ ತಡೆಯಲು ನಾಗರಿಕರ ಸಹಕಾರ ಮುಖ್ಯ. ಸುತ್ತಮುತ್ತಲಿನ ಪರಿಸರವನ್ನು ಸ್ವಚ್ಛವಾಗಿಟ್ಟುಕೊಳ್ಳಲು ಎಲ್ಲರೂ ಗಮನಹರಿಸಬೇಕು.