ಮಾಧ್ಯಮಗಳು ಉತ್ತಮ ಫಲಿತಾಂಶ ಪಡೆದ ಮಕ್ಕಳನ್ನು ವೈಭವೀಕರಿಸುತ್ತವೆ. ಪೋಷಕರಂತೂ ತಮ್ಮ ಮಕ್ಕಳನ್ನು ಬೇರೆ ಮಕ್ಕಳ ಜೊತೆ ಹೋಲಿಕೆ ಮಾಡಿ ಪರಾಮರ್ಶಿಸುತ್ತಾರೆ. ಇದರಿಂದ ಇಂತಹ ಕೆಲವು ಮಕ್ಕಳು ಹತಾಶ ಸ್ಥಿತಿಗೆ ತಲುಪುವುದೂ ಇದೆ. ಉತ್ತಮ ಫಲಿತಾಂಶ ಪಡೆದ ಮಕ್ಕಳನ್ನು ಪ್ರಶಂಸಿಸಬೇಕು ಸರಿ. ಆದರೆ, ಕಡಿಮೆ ಅಂಕ ಪಡೆದ ಮಕ್ಕಳ ಮನಃಸ್ಥಿತಿಯನ್ನೂ ನಾವು ಅರಿಯಬೇಕಾಗುತ್ತದೆ. ಮುಂದೆಯೂ ಅವಕಾಶಗಳು ಇದ್ದೇ ಇರುತ್ತವೆ ಎಂಬ ವಾಸ್ತವವನ್ನು ಅವರಿಗೆ ಮನದಟ್ಟು ಮಾಡಿಸಬೇಕಾದುದು ಅತ್ಯಗತ್ಯ.