ಮಧ್ಯ ವಯಸ್ಸು ದಾಟಿದವರಿಗೆ ತಂತ್ರಜ್ಞಾನ ರೂಢಿಸಿಕೊಳ್ಳುವುದು ಕಷ್ಟ ಎಂಬುದು ಹೆಚ್ಚಿನವರ ಅನುಭವ. ಹೀಗಾಗಿ, ನಾಲ್ಕೈದು ವರ್ಷಗಳ ಹಿಂದೆ ಸರ್ಕಾರಿ ನೌಕರರಿಗೆ ಕಂಪ್ಯೂಟರ್ ಸಾಕ್ಷರತಾ ಪರೀಕ್ಷೆಯನ್ನು ಕಡ್ಡಾಯ ಮಾಡಿದಾಗ, ಐವತ್ತು ವರ್ಷ ಮೀರಿದವರಿಗೆ ವಿನಾಯಿತಿ ನೀಡಲಾಗಿತ್ತು. ಆದರೆ, ಕಳೆದ ವರ್ಷದಿಂದ ಪ್ರೌಢಶಾಲಾ ಶಿಕ್ಷಕರಿಗೆ ಮತ್ತು ಈ ವರ್ಷದಿಂದ ಪಿಯು ಉಪನ್ಯಾಸಕರಿಗೆ ನೀಡಲಾಗುತ್ತಿರುವ ಟಾಲ್ಪ್ (ತಂತ್ರಜ್ಞಾನ ಆಧಾರಿತ ಕಲಿಕಾ ಯೋಜನೆ) ತರಬೇತಿಗೆ ಐವತ್ತೈದು ವರ್ಷ ಮೀರಿದವರೂ ಕಡ್ಡಾಯವಾಗಿ ಹಾಜರಾಗಲು ಶಿಕ್ಷಣ ಇಲಾಖೆ ಆದೇಶಿಸಿದೆ.
