ಗುರುವಾರ , ಮೇ 6, 2021
26 °C

ಮೈ ಲಾರ್ಡ್ ನನ್ನ‌ ವಾದ...

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಚಲನಚಿತ್ರವೊಂದರಲ್ಲಿ ‘ಮೈ ಲಾರ್ಡ್, ನನ್ನ ವಾದ ಕೇಳಿ, ಕೇಳಿ, ಕೇಳಿ...’ ಎಂದು ಡಾ. ರಾಜ್‌ಕುಮಾರ್‌ ಅವರು ಹಾಡುವುದನ್ನು ಕೇಳಿದ್ದೇವೆ. ಇದರ ಜೊತೆಗೆ ಸಿನಿಮಾಗಳ ನ್ಯಾಯಾಲಯ ಕಲಾಪದ ಸನ್ನಿವೇಶಗಳಲ್ಲಿ ನ್ಯಾಯಮೂರ್ತಿ ಗಳನ್ನು ವಕೀಲರು ‘ಮೈ ಲಾರ್ಡ್’ ಎಂದು ಸಂಬೋಧಿಸುವುದನ್ನು ಕೇಳುತ್ತಿರುತ್ತೇವೆ. ಆದರೀಗ ನಮ್ಮ ಹೈಕೋರ್ಟ್‌ ನ್ಯಾಯಮೂರ್ತಿ ಪಿ.ಕೃಷ್ಣಭಟ್‌ ಅವರು ‘ನಮ್ಮನ್ನು ಲಾರ್ಡ್ ಎಂದು ಕರೆಯಬೇಡಿ, ಸರ್ ಎಂದು ಕರೆಯಿರಿ’ ಎಂದು ವಕೀಲರಿಗೆ ಹೇಳಿದ್ದಾರೆ.

ಈ ಹಿಂದೆ ರಾಜಸ್ಥಾನ ಹಾಗೂ ಕೋಲ್ಕತ್ತ ಹೈಕೋರ್ಟ್‌ಗಳು, ನ್ಯಾಯಾಧೀಶರನ್ನು ಮೈ ಲಾರ್ಡ್ ಎಂದು ಸಂಬೋಧಿಸದಂತೆ ತಿಳಿಸಿ ದ್ದವು. ಅದರ ಮುಂದುವರಿದ ಭಾಗವಾಗಿ ಈಗ ನಮ್ಮ‌ ಹೈಕೋರ್ಟ್‌ ನ್ಯಾಯಮೂರ್ತಿಗಳೂ ಇದನ್ನೇ ಹೇಳಿದ್ದಾರೆ. ನ್ಯಾಯಾಲಯಗಳ ಈ ಅಭಿಪ್ರಾಯವನ್ನು ನೋಡಿದಾಗ, ನಾಗರಿಕ ಸಮಾಜದಲ್ಲಿ ದೇವರ ಸಮಾನ ಯಾರೂ ಇಲ್ಲ ಎಂಬುದು ಮನದಟ್ಟಾಗುತ್ತದೆ. ಇದನ್ನು ನೋಡಿಯಾದರೂ ರಾಜಕೀಯ ಪಕ್ಷಗಳ ಕಾರ್ಯಕರ್ತರು ತಮ್ಮ ನಾಯಕರುಗಳನ್ನು ಇಂದ್ರ ಚಂದ್ರರಿಗೆ ಹೋಲಿಸುವುದನ್ನು ನಿಲ್ಲಿಸಲಿ.

- ಲಕ್ಷ್ಮೀಕಾಂತರಾಜು ಎಂ.ಜಿ., ಮಠಗ್ರಾಮ, ಗುಬ್ಬಿ

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು