ಚನ್ನಪಟ್ಟಣದಲ್ಲಿ ವ್ಯಕ್ತಿಯೊಬ್ಬ ಮೂಲಾ ನಕ್ಷತ್ರದಲ್ಲಿ ಹುಟ್ಟಿದ ಮಗು ಮತ್ತು ಪತ್ನಿಯನ್ನು ಮನೆಯಿಂದ ಹೊರಕ್ಕೆ ಕಳುಹಿಸಿರುವ ಸುದ್ದಿ (ಪ್ರ.ವಾ., ನ. 4) ಓದಿ ಅತೀವ ಬೇಸರವಾಯಿತು. ಇಂತಹವುಗಳ ಬಗ್ಗೆ ಹಿಂದೆ ಕತೆ,ಕಾದಂಬರಿಗಳಲ್ಲಿ ತುಂಬಾ ಓದುತ್ತಿದ್ದೆವು.
ಆದರೆ ಈ ಮುಂದುವರಿದ ಕಾಲಘಟ್ಟದಲ್ಲೂ ಈ ಮೂಢನಂಬಿಕೆ ಹೀಗೆಯೇ ಮುಂದುವರಿಯುತ್ತಿದೆಯೇ? ಇದಕ್ಕೆ ಪರಿಹಾರವೇ ಇಲ್ಲವೆ? ತಿಳಿದವರು ಖಂಡಿತಾ ತಿಳಿಸಿಕೊಡಬೇಕು. ಏಕೆಂದರೆ ಇದು ಬಹುಜನರ ಕಣ್ಣೊರೆಸುವ ತಂಪು ವಸ್ತ್ರವಾಗಬಲ್ಲದು.
