ಇವರನ್ನು ಹಿಂದುಳಿದವರೆಂದು ನಾವು ಗುರುತಿಸುತ್ತೇವೆ. ಕೆನ್ಯಾ, ಇಥಿಯೋಪಿಯಾ, ನೈಜೀರಿಯಾ, ಮೊರೊಕ್ಕೊದಂಥ ಆಫ್ರಿಕನ್ ದೇಶದ ಆಟಗಾರ್ತಿಯರು ಗೆದ್ದುಕೊಂಡಿದ್ದಾರೆ ಬಂಗಾರ, ಬೆಳ್ಳಿ, ಕಂಚಿನ ಪದಕಗಳ ಸರಮಾಲೆಯನ್ನು! ಜನಸಂಖ್ಯೆಯಲ್ಲಿ ನಮ್ಮದು ಎರಡನೆಯ ಸ್ಥಾನ. ದೇಶದ ಜನಸಂಖ್ಯೆಯಲ್ಲಿ ಸುಮಾರು ಅರ್ಧದಷ್ಟು ಮಹಿಳೆಯರು ಇದ್ದಾಗಲೂ ಒಲಿಂಪಿಕ್ಸ್ನಂಥ ವಿಶ್ವ ಮಟ್ಟದ ಆಟೋಟ ಸ್ಪರ್ಧೆಗಳಿಂದ ಏಕೆ ಹಿಂದೆ ಸರಿದಿದ್ದಾರೆ? ವಿಶ್ವವಿದ್ಯಾಲಯಗಳಲ್ಲಿ ಇವರು ಬಂಗಾರದ ಪದಕಗಳನ್ನು ಬಾಚಿಕೊಂಡಿದ್ದಾರೆ. ಆದರೆ ಇಂಥ ಆಟೋಟಗಳಿಗೆ ನಮ್ಮ ದೇಶದಲ್ಲಿ ಪ್ರೋತ್ಸಾಹವೇಕೆ ಸಿಗುತ್ತಿಲ್ಲ? ಆಧುನಿಕ ಜಗತ್ತಿನಲ್ಲಿ ಒಲಿಂಪಿಕ್ಸ್ ವೇದಿಕೆಯ ಮೇಲೆ ನಮ್ಮ ಹುಡುಗಿಯರು ಭಾರತದ ಪತಾಕೆಯನ್ನು ಏಕೆ ಹಾರಿಸಲು ಸಾಧ್ಯವಾಗಿಲ್ಲ? ಈ ಪ್ರಶ್ನೆಗಳಿಗೆ ಉತ್ತರಿಸಬೇಕಾದವರು ನಮ್ಮನ್ನಾಳುವ ಜನನಾಯಕರು, ಶಿಕ್ಷಣ ತಜ್ಞರು, ಸಮಾಜಸೇವಕರು, ಮಹಿಳಾ ಪ್ರತಿನಿಧಿಗಳು, ಶಿಕ್ಷಕರು, ಪಾಲಕರು ಹಾಗೂ ಸ್ವತಃ ಮಹಿಳೆಯರು ಕೂಡಾ!