ಅಕ್ರಮ ಉದ್ಯೋಗ ಭಾಗ್ಯ

ನೇಮಕಾತಿ ನಿಯಮಗಳನ್ನೆಲ್ಲಾ ಗಾಳಿಗೆ ತೂರಿ ಮುಖ್ಯಮಂತ್ರಿ, ಸ್ಪೀಕರ್, ಸಚಿವಾಲಯದ ಕಾರ್ಯದರ್ಶಿ, ಜಂಟಿ ಕಾರ್ಯದರ್ಶಿ ಮತ್ತು ಮುಖ್ಯ ಸಚೇತಕರು ತಮ್ಮ ಕ್ಷೇತ್ರದವರಿಗೇ ಉದ್ಯೋಗ ಕೊಟ್ಟಿರುವುದನ್ನು ನೋಡಿದರೆ, ಅಕ್ರಮ ಕಣ್ಣಿಗೆ ರಾಚುತ್ತದೆ. ಹೆಸರಿಗೆ ಮಾತ್ರ ನೇಮಕಾತಿ ಸಮಿತಿ ರಚಿಸಿ, ಸಂದರ್ಶನ ನಡೆಸುವ ನಾಟಕವಾಡಿ ತಮ್ಮವರಿಗೆಲ್ಲಾ ‘ಉದ್ಯೋಗ ಭಾಗ್ಯ’ ನೀಡಿದ್ದಾರೆ.

ಚುನಾವಣೆಗೆ ಮುನ್ನ ಇಂಥ ಅಕ್ರಮ ನೇಮಕಾತಿ ನಡೆಸಿರುವುದು ನಾಚಿಕೆಗೇಡಿನ ನಡೆ. ಅಕ್ರಮ ಮತ್ತು ಸ್ವಜನಪಕ್ಷಪಾತದ ಬಗ್ಗೆ ಕೇಳಿದ ಪ್ರಶ್ನೆಗೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಬೇಜವಾಬ್ದಾರಿಯ ಉತ್ತರ ನೀಡಿರುವುದನ್ನು ನೋಡಿದರೆ ತಾವು ಪ್ರಶ್ನಾತೀತರೆಂದು ಅವರು ಭಾವಿಸಿದಂತಿದೆ. ಇದು ಮುಖ್ಯಮಂತ್ರಿಗೆ ಶೋಭೆಯಲ್ಲ.