ಅಂತೆಯೇ ಸಾರಿಗೆ ಸಂಪರ್ಕವಿಲ್ಲದ ಅನೇಕ ಗ್ರಾಮಗಳೂ ಇದ್ದು, ಸಾವಿರಾರು ಜನರು ಇಂಥ ಗ್ರಾಮಗಳಲ್ಲಿ ವಾಸಿಸುತ್ತಿದ್ದಾರೆ. ಅವರಿಗೂ ಮತದಾನದ ಹಕ್ಕು ಇದೆ. ಇಂಥವರು ಯಾವುದೇ ಅಭಿವೃದ್ಧಿಯನ್ನು ಕಾಣದೆ ಕಂಗಾಲಾಗಿದ್ದಾರೆ. ಮತಗಟ್ಟೆಗಳಿಗೆ ಬರಲು ಇವರಿಗೆ ಸಾರಿಗೆ ವ್ಯವಸ್ಥೆ ಸಹ ಇಲ್ಲ. ಚುನಾವಣೆಯ ಸಂದರ್ಭದಲ್ಲಿ ಅಭ್ಯರ್ಥಿಗಳೇ ವಾಹನ ಸೌಲಭ್ಯ ಒದಗಿಸಿ, ಆಮಿಷ ತೋರಿಸಿ ಅವರ ಮತಗಳನ್ನು ಪಡೆಯುವುದೂ ಉಂಟು. ಇದನ್ನು ತಡೆಯುವ ಒಂದು ಉಪಾಯವೆಂದರೆ ‘ಸಂಚಾರಿ ಮತಗಟ್ಟೆ’ ಆರಂಭಿಸುವುದು.
