ಭುವನೇಶ್ವರದ ರಸ್ತೆಯಲ್ಲಿ ಬರಿಗಾಲಿನಲ್ಲಿ ನಡೆದು ಹೋಗುತ್ತಿದ್ದ ಅರೆಬೆತ್ತಲೆ ವ್ಯಕ್ತಿ (ಪ್ರ.ವಾ ಚಿತ್ರ, ಆ. 11), ಎಡಗೈಯಲ್ಲಿ ಹಿಡಿದ ಚೀಲದಲ್ಲಿ ಇಣುಕಿ ನೋಡುತ್ತಿರುವ ಪುಟ್ಟ ಮಗುವಿನ ಚಿತ್ರ ಒಮ್ಮೆ ಖುಷಿ ನೀಡಿತಾದರೂ, ಆ ವ್ಯಕ್ತಿಯ ಪರಿಸ್ಥಿತಿ ನೆನೆದು ವಿಷಾದವೆನಿಸಿತು.
ಎಡಗೈನಲ್ಲಿರುವ ಚೀಲದ ಮೇಲಿರುವ ಚಿತ್ರದಲ್ಲಿ ಉದಯಿಸುತ್ತಿರುವ ಸೂರ್ಯ, ಮಗು ಚೀಲದಲ್ಲಿ ಕುಳಿತು ಕುತೂಹಲದಿಂದ ಹಿಂದೆ ನೋಡುತ್ತಿರುವುದು, ವ್ಯಕ್ತಿ ದಾಪುಗಾಲಿಡುತ್ತಿರುವುದು- ಎಲ್ಲವೂ ಹತ್ತು ಹಲವು ಅರ್ಥಗಳನ್ನು ಧ್ವನಿಸುವಂತಿವೆ.