PHOTOS | ಡಬ್ಲ್ಯುಡಬ್ಲ್ಯುಇ ಅಖಾಡಕ್ಕಿಳಿಯಲು ಭಾರತ ಮೂಲದ ಸಂಜನಾ ಜಾರ್ಜ್ ಸಿದ್ಧ
ವರ್ಲ್ಡ್ ವ್ರೆಸ್ಲಿಂಗ್ ಎಂಟರ್ಟೈನ್ಮೆಂಟ್ನಲ್ಲಿ (ಡಬ್ಲ್ಯುಡಬ್ಲ್ಯುಇ) ಸ್ಪರ್ಧಿಸಲು ಭಾರತ ಮೂಲದ ಸಂಜನಾ ಜಾರ್ಜ್ ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ. ಈ ಸಂತೋಷದ ಸುದ್ದಿಯನ್ನು ಕೇರಳ ಮೂಲದ ಸಂಜನಾ ಅವರೇ ಬಹಿರಂಗಪಡಿಸಿದ್ದಾರೆ. ಈ ಮೂಲಕ ಡಬ್ಲ್ಯುಡಬ್ಲ್ಯುಇನಲ್ಲಿ ಸ್ಪರ್ಧಿಸಲು ಅವಕಾಶ ಗಿಟ್ಟಿಸಿಕೊಂಡಿರುವ ಬೆರಳೆಣಿಕೆಯಭಾರತೀಯ ಮಹಿಳಾ ಸ್ಪರ್ಧಿಗಳ ಸಾಲಿಗೆ ಸೇರ್ಪಡೆಯಾಗಿದ್ದಾರೆ. (ಚಿತ್ರ ಕೃಪೆ: ಸಂಜನಾ ಜಾರ್ಜ್, ಇನ್ಸ್ಟಾಗ್ರಾಂ)
ಚಿಕ್ಕವನಿಂದಲೂ ರೆಸ್ಲಿಂಗ್ ಬಗ್ಗೆ ಅತೀವ ಉತ್ಸುಕತೆಯನ್ನು ಸಂಜನಾ ಹೊಂದಿದ್ದರು.
ADVERTISEMENT
ಅಮೆರಿಕದಲ್ಲಿ ತರಬೇತಿ ಪಡೆಯುತ್ತಿರುವ ಸಂಜನಾ 17ರ ಹರೆಯದಲ್ಲೇ ಮಿಕ್ಸೆಡ್ ಮಾರ್ಷಿಯಲ್ ಆರ್ಟ್ಸ್ ಪರಿಣತಿ ಪಡೆದಿದ್ದರು.
ಭಾರತದಲ್ಲಿ ಜನಿಸಿ ಡಬ್ಲ್ಯುಡಬ್ಲ್ಯುಇನಲ್ಲಿ ಕಣಕ್ಕಿಳಿಯುತ್ತಿರುವ ಎರಡನೇ ಮಹಿಳೆ ಎಂಬ ಖ್ಯಾತಿಗೆ ಸಂಜನಾ ಪಾತ್ರವಾಗಲಿದ್ದಾರೆ.
ಈ ಹಿಂದೆ ಕವಿತಾ ದೇವಿ (ಕವಿತಾ ದಲಾಲ್), ಡಬ್ಲ್ಯುಡಬ್ಲ್ಯುಇನಲ್ಲಿ ಪಾಲ್ಗೊಂಡಿದ್ದರು. ಪುರುಷ ವಿಭಾಗದಲ್ಲಿ 'ದಿ ಗ್ರೇಟ್ ಕಲಿ' ಖ್ಯಾತಿಯ ದಲೀಪ್ ಸಿಂಗ್ ರಾಣಾ ಹೆಚ್ಚು ಹೆಸರು ಮಾಡಿದ್ದರು.
ಡಬ್ಲ್ಯುಡಬ್ಲ್ಯುಇನಲ್ಲಿ ಹೊಡೆದಾಡಲು ದೇಹದಾರ್ಢ್ಯ ಜೊತೆಗೆ ಮಾನಿಸಿಕ ಬಲವೂ ಅತಿ ಮುಖ್ಯಮುವೆನಿಸುತ್ತದೆ.
ಡಬ್ಲ್ಯುಡಬ್ಲ್ಯುಇನಲ್ಲಿ ವರ್ಷದಲ್ಲಿ 500ರಷ್ಟು ಸ್ಪರ್ಧೆಗಳನ್ನು ಆಯೋಜಿಸಲಾಗುತ್ತದೆ.
ವಿಶ್ವದ ಜನಪ್ರಿಯ ಶೋದಲ್ಲಿ ಪ್ರವೇಶಿಸುವ ಮುನ್ನ ಸಂಜನಾ ಅಮೆರಿಕದಲ್ಲಿ ಕಠಿಣ ತರಬೇತಿಯನ್ನು ಪಡೆಯುತ್ತಿದ್ದಾರೆ ಎಂದು ವರದಿಯಾಗಿದೆ.