ಅರಚುತ್ತಿರುವ ಅಲಾರಾಂ ತಲೆ ಮೇಲೆ ಬಡಿದು ಮತ್ತೆ ನಿದ್ದೆಗೆ ಜಾರುವುದು ಹಲವರ ಅಭ್ಯಾಸ. ಬೆಳಗಿನ ನಿದ್ದೆಯ ಗಮ್ಮತ್ತೇ ಹಾಗೆ ಅದು ಏಳಲು ಬಿಡದು. ಇಂಥವರ ನಿದ್ದೆ ಹಾರಿಸಲೆಂದೇ ಈಗ ಹೊಸ ವಿನ್ಯಾಸದ ಮಂಚ ರೂಪುಗೊಂಡಿದೆ.
ನಿಗದಿತ ಸಮಯವಾಗುತ್ತಿದ್ದಂತೆಯೆ ಲಂಬಾಕಾರವಾಗಿ ಎದ್ದು ನಿಲ್ಲುವ ಈ ಮಂಚ ತನ್ನ ಮೇಲೆ ಮಲಗಿರುವವರನ್ನು ಕೆಳಗೆ ಬೀಳಿಸುತ್ತದೆ.
ಅಮೆರಿಕಾದ ಫ್ರೆಜ್ ಎಂಬಾತ ಈ ಹಾಸಿಗೆಯನ್ನು ಸಂಶೋಧಿಸಿದ್ದಾನೆ. ಹೈಡ್ರಾಲಿಕ್ ತಂತ್ರ ಬಳಕೆಯಾಗಿದೆ.
ಅಲಾರಾಂಗೆ ಸಮಯ ಸೆಟ್ ಮಾಡುವಂತೆ ಇದಕ್ಕೂ ಸಮಯ ನಿಗದಿಪಡಿಸಬಹುದಾಗಿದೆ. ಮೊದಲು ಅಲಾರಾಂನಂತೆ ಶಬ್ದ ಮಾಡುವ ಬೆಡ್ ನಂತರ ತನ್ನ ಮೇಲೆ ಮಲಗಿದವನನ್ನು ಕೆಳಗೆ ಬೀಳಿಸುತ್ತದೆ.