<p>ದೇಶದಲ್ಲಿ ರ್ಯಾಗಿಂಗ್ ತಡೆ ಅಭಿಯಾನಕ್ಕೆ ಬಾಲಿವುಡ್ ನಟಿ ಶಿಲ್ಪಾಶೆಟ್ಟಿ ಅವರನ್ನು ಸಕ್ರಿಯವಾಗಿ ಬಳಸಿಕೊಳ್ಳಲು ವಿಶ್ವವಿದ್ಯಾಲಯ ಧನಸಹಾಯ ಆಯೋಗ (ಯುಜಿಸಿ) ಮತ್ತು ನ್ಯಾಷನಲ್ ಫಿಲಂ ಡೆವಲಪ್ಮೆಂಟ್ ಕಾರ್ಪೊರೇಷನ್ (ಎನ್ಎಫ್ಡಿಸಿ) ಮುಂದಾಗಿವೆ.</p>.<p>ರ್ಯಾಗಿಂಗ್ ದುಷ್ಪರಿಣಾಮಗಳ ಕುರಿತು ಮತ್ತು ತಡೆಗಟ್ಟಬೇಕಾದ ಅಗತ್ಯ ಕುರಿತು ಈ ಎರಡೂ ಸಂಸ್ಥೆಗಳು ಜತೆಗೂಡಿ ನಿರ್ಮಿಸಲಿರುವ ಕಿರುಚಿತ್ರ, ಜಾಹೀರಾತುಗಳಲ್ಲಿ ಶಿಲ್ಪಾಶೆಟ್ಟಿ ನಟಿಸಲಿದ್ದಾರೆ.</p>.<p>ಸ್ವಚ್ಛ ಭಾರತ ಅಭಿಯಾನ ಮತ್ತು ಸ್ವಚ್ಛ ಸರ್ವೇಕ್ಷಣಾ ಅಭಿಯಾನಕ್ಕೆ ಸಂಬಂಧಿಸಿದಂತೆ 2017ರಲ್ಲಿ ಬಾಲಿವುಡ್ ಪ್ರಸಿದ್ಧ ನಟರಾದ ಅಮಿತಾಭ್ ಬಚ್ಚನ್, ಸಲ್ಮಾನ್ ಖಾನ್ ಜತೆ ಶಿಲ್ಪಾಶೆಟ್ಟಿಯೂ ರಾಯಭಾರಿಯಾಗಿದ್ದರು.</p>.<p>ಈ ಅಭಿಯಾನದ ವಿಡಿಯೊಗಳು ಸ್ವಚ್ಛತೆ ಕುರಿತು ಜಾಗೃತಿ ಮೂಡಿಸಲು ಸಾಕಷ್ಟು ನೆರವಾಗಿದ್ದವು. ಈ ಯಶಸ್ಸನ್ನು ಆಧರಿಸಿ ರ್ಯಾಗಿಂಗ್ ತಡೆಗೆ ಎನ್ಎಫ್ಡಿಸಿ ಚಿಂತಿಸಿತು. ಇದಕ್ಕೆ ಯುಜಿಸಿ ಸಮ್ಮತಿ ನೀಡಿದ್ದು, ಎರಡೂ ಸಂಸ್ಥೆಗಳು ಜಂಟಿಯಾಗಿ ಹೊಸ ಅಭಿಯಾನ ಕೈಗೊಳ್ಳಲಿವೆ.</p>.<p>ರ್ಯಾಗಿಂಗ್ ಪಿಡುಗಿಗೆ ಯಾವೊಬ್ಬ ವಿದ್ಯಾರ್ಥಿಯೂ ಬಲಿಯಾಗಬಾರದು. ಇದರಿಂದ ಯಾರೂ ವ್ಯಾಸಂಗ ತೊರೆಯಬಾರದು. ಈ ಪಿಡುಗನ್ನೇ ನಾಶಪಡಿಸಬೇಕು ಎಂದರೆ, ಅದರ ದುಷ್ಪರಿಣಾಮಗಳ ಕುರಿತು ವಿದ್ಯಾರ್ಥಿಗಳಲ್ಲಿ ಅರಿವು ಮೂಡಿಸಬೇಕು ಎಂಬ ನಿರ್ಧಾರಕ್ಕೆ ಈ ಸಂಸ್ಥೆಗಳು ಬಂದಿವೆ. ಈ ನಿಟ್ಟಿನಲ್ಲಿ ಹೊಸ ಪ್ರಯತ್ನವನ್ನು ಅವು ಕೈಗೊಂಡಿವೆ.</p>.<p>ಶಿಲ್ಪಾ ಶೆಟ್ಟಿ ಯೋಗಪಟು. ಅವರು ಯೂತ್ ಐಕಾನ್ ಸಹ ಹೌದು. ಅವರ ನಟನೆಯ ಜಾಹೀರಾತುಗಳು ಯುವ ಮನಸಿನ ಮೇಲೆ ಪರಿಣಾಮ ಬೀರುತ್ತವೆ. ಸಾಮಾಜಿಕ ಕಾಳಜಿಯ ಈ ಕಿರುಚಿತ್ರಗಳಲ್ಲಿ ಯುವ ಜನರನ್ನು ಸಕಾರಾತ್ಮಕ ಚಿಂತನೆಯತ್ತ ಸೆಳೆಯಲು, ತಮಾಷೆಗಾಗಿಯಾಗಲೀ, ಕಿರುಕುಳಕ್ಕಾಗಲೀ ರ್ಯಾಗಿಂಗ್ ಮಾಡಬಾರದು ಎಂಬ ಸಂದೇಶ ಒಳಗೊಂಡಿರುತ್ತವೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ದೇಶದಲ್ಲಿ ರ್ಯಾಗಿಂಗ್ ತಡೆ ಅಭಿಯಾನಕ್ಕೆ ಬಾಲಿವುಡ್ ನಟಿ ಶಿಲ್ಪಾಶೆಟ್ಟಿ ಅವರನ್ನು ಸಕ್ರಿಯವಾಗಿ ಬಳಸಿಕೊಳ್ಳಲು ವಿಶ್ವವಿದ್ಯಾಲಯ ಧನಸಹಾಯ ಆಯೋಗ (ಯುಜಿಸಿ) ಮತ್ತು ನ್ಯಾಷನಲ್ ಫಿಲಂ ಡೆವಲಪ್ಮೆಂಟ್ ಕಾರ್ಪೊರೇಷನ್ (ಎನ್ಎಫ್ಡಿಸಿ) ಮುಂದಾಗಿವೆ.</p>.<p>ರ್ಯಾಗಿಂಗ್ ದುಷ್ಪರಿಣಾಮಗಳ ಕುರಿತು ಮತ್ತು ತಡೆಗಟ್ಟಬೇಕಾದ ಅಗತ್ಯ ಕುರಿತು ಈ ಎರಡೂ ಸಂಸ್ಥೆಗಳು ಜತೆಗೂಡಿ ನಿರ್ಮಿಸಲಿರುವ ಕಿರುಚಿತ್ರ, ಜಾಹೀರಾತುಗಳಲ್ಲಿ ಶಿಲ್ಪಾಶೆಟ್ಟಿ ನಟಿಸಲಿದ್ದಾರೆ.</p>.<p>ಸ್ವಚ್ಛ ಭಾರತ ಅಭಿಯಾನ ಮತ್ತು ಸ್ವಚ್ಛ ಸರ್ವೇಕ್ಷಣಾ ಅಭಿಯಾನಕ್ಕೆ ಸಂಬಂಧಿಸಿದಂತೆ 2017ರಲ್ಲಿ ಬಾಲಿವುಡ್ ಪ್ರಸಿದ್ಧ ನಟರಾದ ಅಮಿತಾಭ್ ಬಚ್ಚನ್, ಸಲ್ಮಾನ್ ಖಾನ್ ಜತೆ ಶಿಲ್ಪಾಶೆಟ್ಟಿಯೂ ರಾಯಭಾರಿಯಾಗಿದ್ದರು.</p>.<p>ಈ ಅಭಿಯಾನದ ವಿಡಿಯೊಗಳು ಸ್ವಚ್ಛತೆ ಕುರಿತು ಜಾಗೃತಿ ಮೂಡಿಸಲು ಸಾಕಷ್ಟು ನೆರವಾಗಿದ್ದವು. ಈ ಯಶಸ್ಸನ್ನು ಆಧರಿಸಿ ರ್ಯಾಗಿಂಗ್ ತಡೆಗೆ ಎನ್ಎಫ್ಡಿಸಿ ಚಿಂತಿಸಿತು. ಇದಕ್ಕೆ ಯುಜಿಸಿ ಸಮ್ಮತಿ ನೀಡಿದ್ದು, ಎರಡೂ ಸಂಸ್ಥೆಗಳು ಜಂಟಿಯಾಗಿ ಹೊಸ ಅಭಿಯಾನ ಕೈಗೊಳ್ಳಲಿವೆ.</p>.<p>ರ್ಯಾಗಿಂಗ್ ಪಿಡುಗಿಗೆ ಯಾವೊಬ್ಬ ವಿದ್ಯಾರ್ಥಿಯೂ ಬಲಿಯಾಗಬಾರದು. ಇದರಿಂದ ಯಾರೂ ವ್ಯಾಸಂಗ ತೊರೆಯಬಾರದು. ಈ ಪಿಡುಗನ್ನೇ ನಾಶಪಡಿಸಬೇಕು ಎಂದರೆ, ಅದರ ದುಷ್ಪರಿಣಾಮಗಳ ಕುರಿತು ವಿದ್ಯಾರ್ಥಿಗಳಲ್ಲಿ ಅರಿವು ಮೂಡಿಸಬೇಕು ಎಂಬ ನಿರ್ಧಾರಕ್ಕೆ ಈ ಸಂಸ್ಥೆಗಳು ಬಂದಿವೆ. ಈ ನಿಟ್ಟಿನಲ್ಲಿ ಹೊಸ ಪ್ರಯತ್ನವನ್ನು ಅವು ಕೈಗೊಂಡಿವೆ.</p>.<p>ಶಿಲ್ಪಾ ಶೆಟ್ಟಿ ಯೋಗಪಟು. ಅವರು ಯೂತ್ ಐಕಾನ್ ಸಹ ಹೌದು. ಅವರ ನಟನೆಯ ಜಾಹೀರಾತುಗಳು ಯುವ ಮನಸಿನ ಮೇಲೆ ಪರಿಣಾಮ ಬೀರುತ್ತವೆ. ಸಾಮಾಜಿಕ ಕಾಳಜಿಯ ಈ ಕಿರುಚಿತ್ರಗಳಲ್ಲಿ ಯುವ ಜನರನ್ನು ಸಕಾರಾತ್ಮಕ ಚಿಂತನೆಯತ್ತ ಸೆಳೆಯಲು, ತಮಾಷೆಗಾಗಿಯಾಗಲೀ, ಕಿರುಕುಳಕ್ಕಾಗಲೀ ರ್ಯಾಗಿಂಗ್ ಮಾಡಬಾರದು ಎಂಬ ಸಂದೇಶ ಒಳಗೊಂಡಿರುತ್ತವೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
