ಏಷ್ಯಾದ ಶ್ರೇಷ್ಠ ತಂಡ ರೂಪಿಸಲಿರುವ ಸ್ಟಿಮ್ಯಾಚ್

ಬುಧವಾರ, ಜೂನ್ 19, 2019
27 °C
ಭಾರತ ಫುಟ್‌ಬಾಲ್‌ನ ರಾಹುಲ್‌ ಭೆಕೆ, ಬ್ರೆಂಡನ್‌ ಫರ್ನಾಂಡೀಸ್‌ ಹೇಳಿಕೆ

ಏಷ್ಯಾದ ಶ್ರೇಷ್ಠ ತಂಡ ರೂಪಿಸಲಿರುವ ಸ್ಟಿಮ್ಯಾಚ್

Published:
Updated:
Prajavani

ನವದೆಹಲಿ: ಭಾರತ ಫುಟ್‌ಬಾಲ್‌ ತಂಡದ ಕೋಚ್‌ ಇಗೊರ್‌ ಸ್ಟಿಮ್ಯಾಚ್‌ ಅವರು ತಂಡವನ್ನು ಏಷ್ಯಾದ ಶ್ರೇಷ್ಠ ತಂಡಗಳಲ್ಲಿ ಒಂದಾಗಿಸಲು ಬಯಸಿದ್ದಾರೆ ಎಂದು ತಂಡದ ಆಟಗಾರರಾದ ರಾಹುಲ್‌ ಭೆಕೆ ಹಾಗೂ ಬ್ರೆಂಡನ್‌ ಫರ್ನಾಂಡೀಸ್‌ ಹೇಳಿದ್ದಾರೆ.

ಕೋಚ್‌ ಹುದ್ದೆಗೆ ಸ್ಟಿಮ್ಯಾಚ್‌ ನೇಮಕವಾಗಿರುವುದು ಹಲವು ಆಟಗಾರರಲ್ಲಿ ಆಶಾವಾದ ಹೆಚ್ಚಿಸಿದೆ. ರಾಷ್ಟ್ರೀಯ ಹಾಕಿ ಶಿಬಿರಕ್ಕೆ ಒಂಬತ್ತು ನೂತನ ಆಟಗಾರರನ್ನು ಸೇರಿಕೊಂಡಿದ್ದೇ ಇದಕ್ಕೆ ಸಾಕ್ಷಿಯಾಗಿದೆ.

‘ಕೋಚ್‌ ಸ್ಟಿಮ್ಯಾಚ್‌ ನೇತೃತ್ವದಲ್ಲಿ ನಾವು ಹಲವು ಬಾರಿ ಮಾತುಕತೆ ನಡೆಸಿದ್ದೇವೆ. ತಂಡವಾಗಿ ಆಡುವ ನಮ್ಮ ಸಾಮರ್ಥ್ಯವನ್ನು ಅವರು ಸಕಾರಾತ್ಮಕವಾಗಿ ತೆಗೆದುಕೊಂಡಿದ್ದಾರೆ. ಏಷ್ಯನ್‌ ಟೂರ್ನಿಯಲ್ಲಿ ಈ ಬಾರಿ ತಂಡದಿಂದ ಉತ್ತಮ ಪ್ರದರ್ಶನ ಹೊಮ್ಮಿಸುವ ಗುರಿ ಇಟ್ಟುಕೊಂಡಿದ್ದಾರೆ. ಭಾರತ ತಂಡವನ್ನು ಏಷ್ಯಾದ ಶ್ರೇಷ್ಠ ತಂಡಗಳಲ್ಲಿ ಒಂದಾಗಿಸುವ  ಆಸೆ ಅವರದಾಗಿದೆ’ ಎಂಬುದು ಈ ಬಾರಿಯ ಇಂಡಿಯನ್‌ ಸೂಪರ್‌ ಲೀಗ್‌ನ ಫೈನಲ್‌ ಪಂದ್ಯದಲ್ಲಿ ಬೆಂಗಳೂರು ಎಫ್‌ಸಿ ಪರ ಗೆಲುವಿನ ಗೋಲು ಹೊಡೆದ ರಾಹುಲ್‌ ಭೆಕೆ ಅನಿಸಿಕೆ.

ಗೋವಾ ಫುಟ್‌ಬಾಲ್‌ ಕ್ಲಬ್‌ ಪರ ಆಡುವ ಬ್ರೆಂಡನ್‌ ಫರ್ನಾಂಡೀಸ್‌ ಕೂಡ ಇದೇ ರೀತಿಯ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ‘ಅನುಭವದ ಮೂಟೆ ಹೊತ್ತು ಸ್ಟಿಮ್ಯಾಚ್‌ ನಮ್ಮ ತಂಡ ಸೇರಿದ್ದಾರೆ. ಭಾರತ ತಂಡದ ಕೋಚ್‌ ಹುದ್ದೆಗೆ ಅವರು ಉತ್ತಮ ಆಯ್ಕೆ. ಆಟಗಾರರಿಂದ ಉತ್ತಮ ಪ್ರದರ್ಶನ ಬಯಸಿದ್ದಾರೆ’ ಎಂದು ನುಡಿದರು.

ಸ್ಟಿಮ್ಯಾಚ್‌ ಅವರು ಆಟಗಾರರಿಗೆ ಕೆಲವು ಫುಟ್‌ಬಾಲ್‌ ಕವಾಯತುಗಳೊಂದಿಗೆ ಫಿಟ್‌ನೆಸ್‌ ಪರೀಕ್ಷೆಯನ್ನು ನಡೆಸುತ್ತಿದ್ದು ಇದನ್ನು ಆಟಗಾರರು ತುಂಬ ಖುಷಿಯಿಂದಲೇ ಸ್ವೀಕರಿಸುತ್ತಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !