ಮಂಗಳವಾರ ಸುದ್ದಿಸಂಸ್ಥೆಯ ಜೊತೆ ಮಾತನಾಡಿದ ಅವರು ’ಸೆಹ್ವಾಗ್ ಬ್ಯಾಟಿಂಗ್‌ನ ಎಲ್ಲ ಗುಣಗಳು ಮಯಂಕ್ ಅವರಲ್ಲಿವೆ. ಒಂದೇ ಒಂದು ವ್ಯ‌ತ್ಯಾಸವೆಂದರೆ ಮಯಂಕ್ ಸುಲಭವಾಗಿ ವಿಕೆಟ್ ಕಳೆದುಕೊಳ್ಳುವುದಿಲ್ಲ. ಅವರು ಆಕ್ರಮಣಕಾರಿ ಆಟದ ಮೂಲಕ ಭಾರತ ತಂಡದ ಆಸ್ತಿಯಾಗಬಲ್ಲರು’ ಎಂದರು. ‘ಮಯಂಕ್ ಯಾವುದೇ ಪಂದ್ಯಗಳನ್ನು ಲಘುವಾಗಿ ಕಾಣುವುದಿಲ್ಲ. ಅವರು ಗಂಭೀರ ಪ್ರವೃತ್ತಿಯ ಆಟಗಾರ. ಉತ್ತಮ ತಂತ್ರಗಳನ್ನು ಬಳಸಿ ಬ್ಯಾಟಿಂಗ್ ಮಾಡುವ ಅವರು ದೇಶಿ ಕ್ರಿಕೆಟ್‌ನಲ್ಲಿ ತೋರಿದ ಸಾಮರ್ಥ್ಯವನ್ನು ಆಸ್ಟ್ರೇಲಿಯಾ ಎದುರಿನ ಟೆಸ್ಟ್‌ನಲ್ಲೂ ಮುಂದುವರಿಸುವ ಭರವಸೆ ಇದೆ’ ಎಂದರು.
