ಕ್ರಿಕೆಟ್‌ | ಭಾರತ ಮಹಿಳಾ ತಂಡದ ಬ್ಯಾಟರ್‌ ವನಿತಾ ವಿದಾಯ

31 ವರ್ಷದ ವನಿತಾ ಅವರು 2014–2016ರ ಅವಧಿಯಲ್ಲಿ ಆರು ಏಕದಿನ ಮತ್ತು 16 ಟಿ20 ಪಂದ್ಯಗಳಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿದ್ದರು. ದೇಶಿ ಟೂರ್ನಿಗಳಲ್ಲಿ ಕರ್ನಾಟಕ ಮತ್ತು ಬಂಗಾಳ ರಾಜ್ಯ ತಂಡಗಳ ಪರವೂ ಅವರು ಆಡಿದ್ದರು.

ಟ್ವಿಟರ್‌ ಮೂಲಕ ಅವರು ನಿವೃತ್ತಿ ಪ್ರಕಟಿಸಿದ್ದು, ತಂಡದ ಸಹ ಆಟಗಾರ್ತಿಯರಾದ ಜೂಲನ್ ಗೋಸ್ವಾಮಿ ಮತ್ತು ಮಿಥಾಲಿ ರಾಜ್ ಅವರಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ. 2014ರ ಜನವರಿಯಲ್ಲಿ ಶ್ರೀಲಂಕಾ ಎದುರಿನ ಏಕದಿನ ಪಂದ್ಯದ ಮೂಲಕ ಅವರು ಏಕದಿನ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ್ದರು. ಏಕದಿನ ಪಂದ್ಯಗಳಲ್ಲಿ 85 ಮತ್ತು ಟಿ20ಯಲ್ಲಿ 216 ರನ್‌ಗಳನ್ನು ಕಲೆಹಾಕಿದ್ದರು.