ಪೃಥ್ವಿ ಶಾ ಬದಲಿಗೆ ಕೆ.ಎಲ್. ರಾಹುಲ್ ಆಡಬೇಕು: ಗವಾಸ್ಕರ್

"ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಭಾರತ ಎರಡು ಬದಲಾವಣೆಗೆ ಯೋಚಿಸಬಹುದು. ಮೊದಲನೆಯದಾಗಿ, ಪೃಥ್ವಿ ಶಾ ಬದಲಿಗೆ ಕೆ.ಎಲ್. ರಾಹುಲ್ ಅವರನ್ನು ಆರಂಭಿಕರಾಗಿ, ಶುಭ್ಮನ್ ಗಿಲ್ 5, 6 ಸ್ಥಾನಕ್ಕೆ ಬರಬೇಕು. ಕೆ.ಎಲ್. ರಾಹುಲ್ ಉತ್ತಮ್ಮ ಫಾರ್ಮ್‌ನಲ್ಲಿದ್ದು, ನಾವು ಈ ಪಂದ್ಯದಲ್ಲಿ ಉತ್ತಮ ಆರಂಭ ಪಡೆದರೆ ಪಂದ್ಯದ ಗತಿಯೇ ಬದಲಾಗುತ್ತದೆ’ ಎಂದು ಸುನಿಲ್ ಗವಾಸ್ಕರ್ ಹೇಳಿದ್ದಾರೆ.

ಧನಾತ್ಮಕ ಮನೋಭಾವದಿಂದ ಆಡದಿದ್ದರೆ ಭಾರತಕ್ಕೆ 0–4ರ ಸೋಲು ಕಟ್ಟಿಟ್ಟ ಬುತ್ತಿ ಎಂದು ಎಚ್ಚರಿಸಿದ್ದಾರೆ.

"ಟೆಸ್ಟ್ ಸರಣಿಯ ಉಳಿದ ಪಂದ್ಯಗಳಲ್ಲಿ ಕಮ್ ಬ್ಯಾಕ್ ಮಾಡುವ ಮನೋಭಾವದಿಂದ ಭಾರತ ಆಡಬೇಕು. ಒಂದೊಮ್ಮೆ, ಧನಾತ್ಮಕತೆ ಪ್ರದರ್ಶಿಸದಿದ್ದರೆ 0–4 ಸೋಲು ಸಂಭವಿಸಬಹು’ ಎಂದಿದ್ದಾರೆ.

"ಮೆಲ್ಬೋರ್ನ್ ಟೆಸ್ಟ್ ಪಂದ್ಯವನ್ನು ಭಾರತ ಉತ್ತಮವಾಗಿ ಆರಂಭಿಸಬೇಕು. ಧನಾತ್ಮಕ ಮನೋಭಾವದಿಂದ ಮೈದಾನಕ್ಕಿಳಿಯುವುದು ಅವರಿಗೆ ಅತ್ಯಂತ ಅವಶ್ಯಕ. ಆಸ್ಟ್ರೇಲಿಯಾದ ದೌರ್ಬಲ್ಯ ಅವರ ಬ್ಯಾಟಿಂಗ್"ಎಂದು ಸಲಹೆ ನೀಡಿದ್ದಾರೆ.