ಮತ್ತೆ ಬೆಳಗಿದ ಕೃತಿಕ್, ನಿಕಿನ್
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಕೃತಿಕ್ ಕೃಷ್ಣ (128, 138 ಎಸೆತ, 6 ಬೌಂಡರಿ, 3 ಸಿಕ್ಸರ್‌) ಹಾಗೂ ನಿಕಿನ್ ಜೋಸ್‌ (108, 142 ಎಸೆತ, 5 ಬೌಂಡರಿ) ಅವರು ಮತ್ತೊಮ್ಮೆ ಶತಕಗಳ ಮೂಲಕ ಮಿಂಚಿದರು. ಅವರಿಬ್ಬರ ಭರ್ಜರಿ ಆಟದಿಂದಾಗಿ ಮೈಸೂರು ತಂಡವು ಕೆಎಸ್‌ಸಿಎ 23 ವರ್ಷದೊಳಗಿನವರ ಅಂತರವಲಯ ಕ್ರಿಕೆಟ್ ಟೂರ್ನಿಯಲ್ಲಿ ಶುಕ್ರವಾರ ಧಾರವಾಡ ತಂಡವನ್ನು 99 ರನ್‌ಗಳಿಂದ ಸೋಲಿಸಿತು.
ಮತ್ತೊಂದು ಪಂದ್ಯದಲ್ಲಿ ಸೌರಭ್ ಮುತ್ತೂರ್‌ ಅವರ ಶತಕವು (109) ರಾಯಚೂರು ವಲಯಕ್ಕೆ ಶಿವಮೊಗ್ಗ ತಂಡದ ಎದುರು 14 ರನ್‌ಗಳ ಜಯ ತಂದುಕೊಟ್ಟಿತು. ಇನ್ನೊಂದು ಹಣಾಹಣಿಯಲ್ಲಿ ತುಮಕೂರು ವಲಯ ತಂಡವು 8 ವಿಕೆಟ್‌ಗಳಿಂದ ಮಂಗಳೂರು ವಲಯದ ವಿರುದ್ಧ ಗೆದ್ದಿತು.
ಸಂಕ್ಷಿಪ್ತ ಸ್ಕೋರುಗಳು: ಐಎಎಫ್‌ ಕ್ರೀಡಾಂಗಣ: ಮೈಸೂರು ವಲಯ: 50 ಓವರ್‌ಗಳಲ್ಲಿ 2 ವಿಕೆಟ್‌ಗೆ 279 (ನಿಕಿನ್ ಜೋಸ್‌ 108, ಕೃತಿಕ್ ಕೃಷ್ಣ 128). ಧಾರವಾಡ ವಲಯ: 50 ಓವರ್‌ಗಳಲ್ಲಿ 9 ವಿಕೆಟ್‌ಗೆ 180 (ಸಚಿನ್ ರಜಪೂತ್‌ 39, ಅಂಗದರಾಜ್‌ ಹಿತ್ತಲಮನಿ 39, ಮುದಸ್ಸಿರ್ ನಜರ್‌ 23, ರೋಹಿತ್ ಪಾಟೀಲ್‌ ಔಟಾಗದೆ 26; ವೆಂಕಟೇಶ್‌ ಎಂ. 33ಕ್ಕೆ 2, ಸಾಯಿಶಿವ ನಾರಾಯಣ್‌ 25ಕ್ಕೆ 4). ಫಲಿತಾಂಶ: ಮೈಸೂರು ವಲಯ ತಂಡಕ್ಕೆ 99 ರನ್‌ಗಳ ಗೆಲುವು.
ಗ್ರೀನ್ ಸ್ಪೋರ್ಟ್ಸ್ ವಿಲೇಜ್‌ ಕ್ರೀಡಾಂಗಣ: ಮಂಗಳೂರು ವಲಯ: 42.3 ಓವರ್‌ಗಳಲ್ಲಿ 159 ಆಲೌಟ್‌ (ಹರ್ಷಿತ್ ಪೂಜಾರಿ 22, ಸತ್ಯ ಸ್ವರೂಪ್‌ 21, ಯಶ್‌ ಕಳಸಣ್ಣವರ 27, ಮೊಹಮ್ಮದ್ ಅರ್ಮಾನ್‌ 20, ಅಭಿಲಾಷ್‌ 40; ಮಂಜುನಾಥ್ ಜಿ. 31ಕ್ಕೆ 3, ಅಭಿಷೇಕ್ ಎಚ್‌.ಪಿ. 29ಕ್ಕೆ 2, ಪುನೀತ್‌ 30ಕ್ಕೆ2, ಸಂಜಯ್ ಬಿ. 29ಕ್ಕೆ 2). ತುಮಕೂರು ವಲಯ: 47.1 ಓವರ್‌ಗಳಲ್ಲಿ 2 ವಿಕೆಟ್‌ಗೆ 163 (ಸಂಜಯ್ ವಿ.ಎನ್‌. ಔಟಾಗದೆ 66, ಶ್ರೇಯಸ್ ಕೆ.ಬಿ. ಔಟಾಗದೆ 63). ಫಲಿತಾಂಶ: ತುಮಕೂರು ವಲಯ ತಂಡಕ್ಕೆ 8 ವಿಕೆಟ್‌ಗಳ ಗೆಲುವು.
ಕಿಣಿ ಸ್ಪೋರ್ಟ್ಸ್ ಅರೆನಾ: ರಾಯಚೂರು ವಲಯ: 50 ಓವರ್‌ಗಳಲ್ಲಿ 279 ಆಲೌಟ್‌ (ಸೌರಭ್ ಮುತ್ತೂರ್‌ 109, ಮಹೇಶ್ ಜಾಧವ್‌ 49, ಅಭಿಷೇಕ್ ಎಸ್‌.ಕೆ. 37; ಆದಿತ್ಯ ಎಸ್‌.ಎಸ್‌. 55ಕ್ಕೆ 2). ಶಿವಮೊಗ್ಗ ವಲಯ: 50 ಓವರ್‌ಗಳಲ್ಲಿ 9 ವಿಕೆಟ್‌ಗೆ 265 (ಚಂದನ್‌ ಡಿ.ಪಿ. 68, ನಿಕ್ಷೇಪ್ ಪಿ. ಖಾನಾಪುರ 71, ಸೌರಭ್ ಎಸ್‌.ಆರ್‌. 59; ವಿದ್ಯಾಧರ ಪಾಟೀಲ್‌ 54ಕ್ಕೆ 3, ಮಾಧವ ಪಿ.ಬಜಾಜ್‌ 36ಕ್ಕೆ 3). ಫಲಿತಾಂಶ: ರಾಯಚೂರು ವಲಯಕ್ಕೆ 14 ರನ್‌ಗಳ ಜಯ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
