<p><strong>ಪೋರ್ಟ್ ಆಫ್ ಸ್ಪೇನ್:</strong> ವೆಸ್ಟ್ ಇಂಡೀಸ್ನ ಆಕರ್ಷಕ ಬ್ಯಾಟರ್ ನಿಕೋಲಸ್ ಪೂರನ್ ಮಂಗಳವಾರ ಅಂತರರಾಷ್ಟ್ರೀಯ ಕ್ರಿಕೆಟ್ಗೆ ದಿಢೀರ್ ವಿದಾಯ ಹೇಳಿದರು. 29 ವರ್ಷ ಆಟಗಾರನ ನಿರ್ಧಾರ ಕ್ರಿಕೆಟ್ ವಲಯಗಳಲ್ಲಿ ಆಘಾತ ಮೂಡಿಸಿದೆ.</p><p>ಈ ನಿರ್ಧಾರಕ್ಕೆ ಅವರು ನಿರ್ದಿಷ್ಟ ಕಾರಣ ತಿಳಿಸಿಲ್ಲ. ಆದರೆ ಸಾಕಷ್ಟು ಯೋಚಿಸಿ ನಿರ್ಧಾರಕ್ಕೆ ಬಂದಿರುವುದಾಗಿ ಎಡಗೈ ಆಟಗಾರ ತಿಳಿಸಿದ್ದಾರೆ. ಇಂಗ್ಲೆಂಡ್ ವಿರುದ್ಧ ಅವರು ಇತ್ತೀಚೆಗೆ ಟಿ20 ಸರಣಿಯಿಂದ ಹಿಂದೆಸರಿದಿದ್ದರು. ಟ್ರಿನಿಡಾಡಿನ ಈ ಆಟಗಾರ ವೆಸ್ಟ್ ಇಂಡೀಸ್ ಪರ ಅತಿ ಹೆಚ್ಚು, 106 ಟಿ20 ಪಂದ್ಯಗಳನ್ನು ಆಡಿದ್ದಾರೆ. ಅತಿ ಹೆಚ್ಚು ರನ್ (2,275) ಗಳಿಸಿದ ಶ್ರೇಯವೂ ಅವರದಾಗಿದೆ.</p><p>2016ರಲ್ಲಿ ಅವರು ಟಿ20 ಪಂದ್ಯ ಆಡುವ ಮೂಲಕ ರಾಷ್ಟ್ರೀಯ ತಂಡಕ್ಕೆ ಪದಾರ್ಪಣೆ ಮಾಡಿದ್ದರು. 61 ಏಕದಿನ ಪಂದ್ಯಗಳನ್ನು ಆಡಿದ್ದಾರೆ. ಸೀಮಿತ ಓವರುಗಳ ತಂಡಕ್ಕೆ ನಾಯಕರೂ ಆಗಿದ್ದರು. ಆದರೆ ಅವರು ಒಂದೂ ಟೆಸ್ಟ್ ಆಡಿಲ್ಲ.</p><p>‘ಕಡುಗೆಂಪು ಬಣ್ಣದ ಜರ್ಸಿ ಧರಿಸಿ ರಾಷ್ಟ್ರಗೀತೆಗೆ ನಿಲ್ಲುವುದು, ಫೀಲ್ಡ್ನಲ್ಲಿದ್ದಾಗ ನನ್ನಲ್ಲಿರುವ ಎಲ್ಲ ಆಟ ನೀಡುವುದು.... ಇದನ್ನೆಲ್ಲಾ ಪದಗಳಲ್ಲಿ ಹಿಡಿದಿಡುವುದು ಕಷ್ಟ. ತಂಡದ ನಾಯಕತ್ವ ವಹಿಸಿವುದು ಗೌರವದ ವಿಷಯ. ಇದು ನನ್ನ ಹೃದಯಕ್ಕೆ ಹತ್ತಿರವಾದುದು’ ಎಂದು ಇನ್ಸ್ಟಾಗ್ರಾಮ್ನಲ್ಲಿ ಭಾವನಾತ್ಮಕವಾಗಿ ಬರೆದಿದ್ದಾರೆ.</p><p>2024ರಲ್ಲಿ ಅವರು ಅತಿ ಹೆಚ್ಚು ಸಿಕ್ಸರ್ (170) ಬಾರಿಸಿದ್ದರು. 2025ರ ಐಪಿಎಲ್ ಲಖನೌ ಸೂಪರ್ ಜೈಂಟ್ಸ್ ಪರ 196.25ರ ಸ್ಟ್ರೈಕ್ರೇಟ್ನಲ್ಲಿ 524 ರನ್ ಬಾರಿಸಿದ್ದರು. ಇದರಲ್ಲಿ ಐದು ಅರ್ಧ ಶತಕಗಳಿದ್ದವು.</p><p>ಅವರು 2023ರ ವಿಶ್ವಕಪ್ ಅರ್ಹತಾ ಸುತ್ತಿನಿಂದ ವೆಸ್ಟ್ ಇಂಡೀಸ್ ಹೊರಬಿದ್ದ ನಂತರ ಅವರು ಏಕದಿನ ತಂಡದಲ್ಲಿ ಆಡಿರಲಿಲ್ಲ. ಪ್ರವಾಸಿ ಬಾಂಗ್ಲಾದೇಶ ವಿರುದ್ಧ ಕಿಂಗ್ಸ್ಟೌನ್ನಲ್ಲಿ ಕೊನೆಯ ಬಾರಿ ವೆಸ್ಟ್ ಇಂಡೀಸ್ ತಂಡವನ್ನು (ಟಿ20 ಸರಣಿ) ಪ್ರತಿನಿಧಿಸಿದ್ದರು.</p><p>ಕೆರೀಬಿಯನ್ ಕ್ರಿಕೆಟ್ಗೆ ಪೂರನ್ ಸಲ್ಲಿಸಿದ್ದ ಕಾಣಿಕೆಯನ್ನು ಕ್ರಿಕೆಟ್ ವೆಸ್ಟ್ ಇಂಡೀಸ್ ಕೊಂಡಾಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪೋರ್ಟ್ ಆಫ್ ಸ್ಪೇನ್:</strong> ವೆಸ್ಟ್ ಇಂಡೀಸ್ನ ಆಕರ್ಷಕ ಬ್ಯಾಟರ್ ನಿಕೋಲಸ್ ಪೂರನ್ ಮಂಗಳವಾರ ಅಂತರರಾಷ್ಟ್ರೀಯ ಕ್ರಿಕೆಟ್ಗೆ ದಿಢೀರ್ ವಿದಾಯ ಹೇಳಿದರು. 29 ವರ್ಷ ಆಟಗಾರನ ನಿರ್ಧಾರ ಕ್ರಿಕೆಟ್ ವಲಯಗಳಲ್ಲಿ ಆಘಾತ ಮೂಡಿಸಿದೆ.</p><p>ಈ ನಿರ್ಧಾರಕ್ಕೆ ಅವರು ನಿರ್ದಿಷ್ಟ ಕಾರಣ ತಿಳಿಸಿಲ್ಲ. ಆದರೆ ಸಾಕಷ್ಟು ಯೋಚಿಸಿ ನಿರ್ಧಾರಕ್ಕೆ ಬಂದಿರುವುದಾಗಿ ಎಡಗೈ ಆಟಗಾರ ತಿಳಿಸಿದ್ದಾರೆ. ಇಂಗ್ಲೆಂಡ್ ವಿರುದ್ಧ ಅವರು ಇತ್ತೀಚೆಗೆ ಟಿ20 ಸರಣಿಯಿಂದ ಹಿಂದೆಸರಿದಿದ್ದರು. ಟ್ರಿನಿಡಾಡಿನ ಈ ಆಟಗಾರ ವೆಸ್ಟ್ ಇಂಡೀಸ್ ಪರ ಅತಿ ಹೆಚ್ಚು, 106 ಟಿ20 ಪಂದ್ಯಗಳನ್ನು ಆಡಿದ್ದಾರೆ. ಅತಿ ಹೆಚ್ಚು ರನ್ (2,275) ಗಳಿಸಿದ ಶ್ರೇಯವೂ ಅವರದಾಗಿದೆ.</p><p>2016ರಲ್ಲಿ ಅವರು ಟಿ20 ಪಂದ್ಯ ಆಡುವ ಮೂಲಕ ರಾಷ್ಟ್ರೀಯ ತಂಡಕ್ಕೆ ಪದಾರ್ಪಣೆ ಮಾಡಿದ್ದರು. 61 ಏಕದಿನ ಪಂದ್ಯಗಳನ್ನು ಆಡಿದ್ದಾರೆ. ಸೀಮಿತ ಓವರುಗಳ ತಂಡಕ್ಕೆ ನಾಯಕರೂ ಆಗಿದ್ದರು. ಆದರೆ ಅವರು ಒಂದೂ ಟೆಸ್ಟ್ ಆಡಿಲ್ಲ.</p><p>‘ಕಡುಗೆಂಪು ಬಣ್ಣದ ಜರ್ಸಿ ಧರಿಸಿ ರಾಷ್ಟ್ರಗೀತೆಗೆ ನಿಲ್ಲುವುದು, ಫೀಲ್ಡ್ನಲ್ಲಿದ್ದಾಗ ನನ್ನಲ್ಲಿರುವ ಎಲ್ಲ ಆಟ ನೀಡುವುದು.... ಇದನ್ನೆಲ್ಲಾ ಪದಗಳಲ್ಲಿ ಹಿಡಿದಿಡುವುದು ಕಷ್ಟ. ತಂಡದ ನಾಯಕತ್ವ ವಹಿಸಿವುದು ಗೌರವದ ವಿಷಯ. ಇದು ನನ್ನ ಹೃದಯಕ್ಕೆ ಹತ್ತಿರವಾದುದು’ ಎಂದು ಇನ್ಸ್ಟಾಗ್ರಾಮ್ನಲ್ಲಿ ಭಾವನಾತ್ಮಕವಾಗಿ ಬರೆದಿದ್ದಾರೆ.</p><p>2024ರಲ್ಲಿ ಅವರು ಅತಿ ಹೆಚ್ಚು ಸಿಕ್ಸರ್ (170) ಬಾರಿಸಿದ್ದರು. 2025ರ ಐಪಿಎಲ್ ಲಖನೌ ಸೂಪರ್ ಜೈಂಟ್ಸ್ ಪರ 196.25ರ ಸ್ಟ್ರೈಕ್ರೇಟ್ನಲ್ಲಿ 524 ರನ್ ಬಾರಿಸಿದ್ದರು. ಇದರಲ್ಲಿ ಐದು ಅರ್ಧ ಶತಕಗಳಿದ್ದವು.</p><p>ಅವರು 2023ರ ವಿಶ್ವಕಪ್ ಅರ್ಹತಾ ಸುತ್ತಿನಿಂದ ವೆಸ್ಟ್ ಇಂಡೀಸ್ ಹೊರಬಿದ್ದ ನಂತರ ಅವರು ಏಕದಿನ ತಂಡದಲ್ಲಿ ಆಡಿರಲಿಲ್ಲ. ಪ್ರವಾಸಿ ಬಾಂಗ್ಲಾದೇಶ ವಿರುದ್ಧ ಕಿಂಗ್ಸ್ಟೌನ್ನಲ್ಲಿ ಕೊನೆಯ ಬಾರಿ ವೆಸ್ಟ್ ಇಂಡೀಸ್ ತಂಡವನ್ನು (ಟಿ20 ಸರಣಿ) ಪ್ರತಿನಿಧಿಸಿದ್ದರು.</p><p>ಕೆರೀಬಿಯನ್ ಕ್ರಿಕೆಟ್ಗೆ ಪೂರನ್ ಸಲ್ಲಿಸಿದ್ದ ಕಾಣಿಕೆಯನ್ನು ಕ್ರಿಕೆಟ್ ವೆಸ್ಟ್ ಇಂಡೀಸ್ ಕೊಂಡಾಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
