ಕರಾಚಿ: ಪ್ರೀತಿಗೆ ಗಡಿ, ಭಾಷೆ, ದ್ವೇಷಗಳ ಹಂಗಿಲ್ಲ ಎನ್ನುವ ಮಾತಿಗೆ ಐಪಿಎಲ್ ಕ್ರಿಕೆಟ್ ಕೂಡ ಒಂದು ಉತ್ತಮ ಉದಾಹರಣೆ.
ಭಾರತ ಮತ್ತು ಪಾಕಿಸ್ತಾನ ದೇಶ ಗಳ ನಡುವೆ ರಾಜಕೀಯ ಭಿನ್ನಾಭಿಪ್ರಾ ಯಗಳು ಭುಗಿಲೆದ್ದಿರುವ ಈ ಸಮಯ ದಲ್ಲಿಯೂ ಐಪಿಎಲ್ ಪಂದ್ಯಗಳನ್ನು ನೋಡಲು ಪಾಕ್ ಅಭಿಮಾನಿಗಳು ಮುಗಿಬಿದ್ದಿದ್ದಾರೆ. ಆದರೆ, ಪಾಕಿಸ್ತಾನ ಸರ್ಕಾರವು ಟಿವಿ ವಾಹಿನಿಗಳಲ್ಲಿ ಐಪಿಎಲ್ ಪ್ರಸಾರವನ್ನು ನಿರ್ಬಂಧಿಸಿದೆ.
ಆದರೆ ಅಲ್ಲಿಯ ಕ್ರಿಕೆಟ್ಪ್ರಿಯರು ಐಪಿಎಲ್ ವೆಬ್ಸೈಟ್ ಮತ್ತು ಸಾಮಾಜಿಕ ಜಾಲತಾಣಗಳಿಗೆ ಮೊರೆ ಹೋಗಿದ್ದಾರೆ.
‘ಭಾರತದಲ್ಲಿ ಪಿಎಸ್ಎಲ್ ಟೂರ್ನಿ ಯ ಪ್ರಸಾರವನ್ನು ನಿರ್ಬಂಧಿಸಲಾಗಿತ್ತು. ಅದಕ್ಕಾಗಿ ಪಾಕ್ ಸರ್ಕಾರವೂ ಐಪಿಎಲ್ ಪ್ರಸಾರವನ್ನು ನಿರ್ಬಂಧಿಸಿದೆ’ ಎಂದು ಪಾಕ್ ಟೆಸ್ಟ್ ತಂಡದ ಮಾಜಿ ಆಟಗಾರರೊಬ್ಬರು ಅಭಿಪ್ರಾಯಪಟ್ಟಿದ್ದಾರೆ.