<p><strong>ಮುಂಬೈ: </strong>‘ಈ ವರ್ಷ ಟ್ವೆಂಟಿ–20 ವಿಶ್ವಕಪ್ ಹಾಗೂ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ನಡೆದರೆ, ಎರಡು ಟೂರ್ನಿಗಳಲ್ಲೂ ಕಣಕ್ಕಿಳಿಯುತ್ತೇನೆ’..</p>.<p>‘ಐಪಿಎಲ್ ಮತ್ತು ವಿಶ್ವಕಪ್’ ಇವೆರಡರಲ್ಲಿ ನೀವು ಯಾವ ಟೂರ್ನಿಯಲ್ಲಿ ಆಡಲು ಇಷ್ಟಪಡುತ್ತೀರಿ ಎಂದು ಅಭಿಮಾನಿಯೊಬ್ಬರು ಇನ್ಸ್ಟಾಗ್ರಾಮ್ನಲ್ಲಿ ಕೇಳಿದ ಪ್ರಶ್ನೆಗೆ ಭಾರತ ಕ್ರಿಕೆಟ್ ತಂಡದ ಆರಂಭಿಕ ಬ್ಯಾಟ್ಸ್ಮನ್ ರೋಹಿತ್ ಶರ್ಮಾ ನೀಡಿದ ಉತ್ತರವಿದು.</p>.<p>ಭಾನುವಾರ ನಡೆದ ‘ಲೆಟ್ಸ್ ಹ್ಯಾವ್ ಚಾಟಿ ಸಂಡೇ’ ಸಂವಾದದಲ್ಲಿ ರೋಹಿತ್ ಅವರು ಅಭಿಮಾನಿಗಳ ಜೊತೆ ಹರಟಿದ್ದಾರೆ.</p>.<p>ದೇಹದಲ್ಲಿ ಸಂಗ್ರಹವಾಗಿರುವ ಅನಗತ್ಯ ಕೊಬ್ಬನ್ನು ಕರಗಿಸುವುದು ಹೇಗೆ ಎಂಬ ಪ್ರಶ್ನೆ ಎದುರಾದಾಗ ‘ಭಾರತದ ಹಿರಿಯ ಸ್ಪಿನ್ನರ್ ಪ್ರಗ್ಯಾನ್ ಓಜಾ ಅವರನ್ನು ಕೇಳಿದರೆ ಒಳಿತು’ ಎಂದು ಅಭಿಮಾನಿಯೊಬ್ಬರಿಗೆ ಸಲಹೆ ನೀಡಿದ್ದಾರೆ.</p>.<p>ಲಾಕ್ಡೌನ್ ನಂತರದ ಯೋಜನೆಯ ಕುರಿತ ಪ್ರಶ್ನೆಗೆ ‘ಮತ್ತೆ ಮೈದಾನಕ್ಕಿಳಿದು ಚೆಂಡನ್ನು ಸಿಕ್ಸರ್ಗೆ ಅಟ್ಟುವುದು’ ಎಂದಿದ್ದಾರೆ.</p>.<p>‘ಆಸ್ಟ್ರೇಲಿಯಾದ ಸ್ಟೀವ್ ಸ್ಮಿತ್ ಮತ್ತು ಇಂಗ್ಲೆಂಡ್ನ ಜೇಸನ್ ರಾಯ್ ಅವರು ಬ್ಯಾಟಿಂಗ್ ಮಾಡುವುದನ್ನು ನೋಡುವುದಕ್ಕೆ ಖುಷಿಯಾಗುತ್ತದೆ. ಬಿಡುವಿನ ವೇಳೆಯಲ್ಲಿ ಮಗಳದೊಂದಿಗೆ ಆಟ ಆಡಲು ಇಷ್ಟಪಡುತ್ತೇನೆ. ಆಹಾರದ ವಿಚಾರಕ್ಕೆ ಬಂದರೆ ನನಗೆ ಅವಲಕ್ಕಿ ಎಂದರೆ ನನಗೆ ಪಂಚಪ್ರಾಣ’ ಎಂದೂ ತಿಳಿಸಿದ್ದಾರೆ.</p>.<p>ಸಚಿನ್ ತೆಂಡೂಲ್ಕರ್ ಮತ್ತು ವಿರೇಂದ್ರ ಸೆಹ್ವಾಗ್, ಇವರಲ್ಲಿ ನಿಮ್ಮ ಆಯ್ಕೆ ಯಾರು ಎಂಬ ಪ್ರಶ್ನೆಗೆ ‘ಇಬ್ಬರಿಂದಲೂ ನನಗೆ ಒದೆ ತಿನ್ನಿಸಬೇಕೆಂದುಕೊಂಡಿದ್ದಿರೇನು’ ಎಂದು ಹಾಸ್ಯದ ಧಾಟಿಯಲ್ಲಿ ಅಭಿಮಾನಿಯನ್ನೇ ಪ್ರಶ್ನಿಸಿದ್ದಾರೆ.</p>.<p>‘ಈಗಲಾದರೂ ಹೋಗಿ ಹೇರ್ ಕಟ್ ಮಾಡಿಸಿಕೊಳ್ಳಿ’ ಎಂದು ಭಾರತದ ಹಿರಿಯ ಕ್ರಿಕೆಟಿಗ ಯುವರಾಜ್ ಸಿಂಗ್ಗೆ ಸಲಹೆ ನೀಡಿರುವ ರೋಹಿತ್ ಅವರು ಮಹೇಂದ್ರ ಸಿಂಗ್ ಧೋನಿ, ದಿಗ್ಗಜ ಆಟಗಾರ ಎಂದು ನುಡಿದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ: </strong>‘ಈ ವರ್ಷ ಟ್ವೆಂಟಿ–20 ವಿಶ್ವಕಪ್ ಹಾಗೂ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ನಡೆದರೆ, ಎರಡು ಟೂರ್ನಿಗಳಲ್ಲೂ ಕಣಕ್ಕಿಳಿಯುತ್ತೇನೆ’..</p>.<p>‘ಐಪಿಎಲ್ ಮತ್ತು ವಿಶ್ವಕಪ್’ ಇವೆರಡರಲ್ಲಿ ನೀವು ಯಾವ ಟೂರ್ನಿಯಲ್ಲಿ ಆಡಲು ಇಷ್ಟಪಡುತ್ತೀರಿ ಎಂದು ಅಭಿಮಾನಿಯೊಬ್ಬರು ಇನ್ಸ್ಟಾಗ್ರಾಮ್ನಲ್ಲಿ ಕೇಳಿದ ಪ್ರಶ್ನೆಗೆ ಭಾರತ ಕ್ರಿಕೆಟ್ ತಂಡದ ಆರಂಭಿಕ ಬ್ಯಾಟ್ಸ್ಮನ್ ರೋಹಿತ್ ಶರ್ಮಾ ನೀಡಿದ ಉತ್ತರವಿದು.</p>.<p>ಭಾನುವಾರ ನಡೆದ ‘ಲೆಟ್ಸ್ ಹ್ಯಾವ್ ಚಾಟಿ ಸಂಡೇ’ ಸಂವಾದದಲ್ಲಿ ರೋಹಿತ್ ಅವರು ಅಭಿಮಾನಿಗಳ ಜೊತೆ ಹರಟಿದ್ದಾರೆ.</p>.<p>ದೇಹದಲ್ಲಿ ಸಂಗ್ರಹವಾಗಿರುವ ಅನಗತ್ಯ ಕೊಬ್ಬನ್ನು ಕರಗಿಸುವುದು ಹೇಗೆ ಎಂಬ ಪ್ರಶ್ನೆ ಎದುರಾದಾಗ ‘ಭಾರತದ ಹಿರಿಯ ಸ್ಪಿನ್ನರ್ ಪ್ರಗ್ಯಾನ್ ಓಜಾ ಅವರನ್ನು ಕೇಳಿದರೆ ಒಳಿತು’ ಎಂದು ಅಭಿಮಾನಿಯೊಬ್ಬರಿಗೆ ಸಲಹೆ ನೀಡಿದ್ದಾರೆ.</p>.<p>ಲಾಕ್ಡೌನ್ ನಂತರದ ಯೋಜನೆಯ ಕುರಿತ ಪ್ರಶ್ನೆಗೆ ‘ಮತ್ತೆ ಮೈದಾನಕ್ಕಿಳಿದು ಚೆಂಡನ್ನು ಸಿಕ್ಸರ್ಗೆ ಅಟ್ಟುವುದು’ ಎಂದಿದ್ದಾರೆ.</p>.<p>‘ಆಸ್ಟ್ರೇಲಿಯಾದ ಸ್ಟೀವ್ ಸ್ಮಿತ್ ಮತ್ತು ಇಂಗ್ಲೆಂಡ್ನ ಜೇಸನ್ ರಾಯ್ ಅವರು ಬ್ಯಾಟಿಂಗ್ ಮಾಡುವುದನ್ನು ನೋಡುವುದಕ್ಕೆ ಖುಷಿಯಾಗುತ್ತದೆ. ಬಿಡುವಿನ ವೇಳೆಯಲ್ಲಿ ಮಗಳದೊಂದಿಗೆ ಆಟ ಆಡಲು ಇಷ್ಟಪಡುತ್ತೇನೆ. ಆಹಾರದ ವಿಚಾರಕ್ಕೆ ಬಂದರೆ ನನಗೆ ಅವಲಕ್ಕಿ ಎಂದರೆ ನನಗೆ ಪಂಚಪ್ರಾಣ’ ಎಂದೂ ತಿಳಿಸಿದ್ದಾರೆ.</p>.<p>ಸಚಿನ್ ತೆಂಡೂಲ್ಕರ್ ಮತ್ತು ವಿರೇಂದ್ರ ಸೆಹ್ವಾಗ್, ಇವರಲ್ಲಿ ನಿಮ್ಮ ಆಯ್ಕೆ ಯಾರು ಎಂಬ ಪ್ರಶ್ನೆಗೆ ‘ಇಬ್ಬರಿಂದಲೂ ನನಗೆ ಒದೆ ತಿನ್ನಿಸಬೇಕೆಂದುಕೊಂಡಿದ್ದಿರೇನು’ ಎಂದು ಹಾಸ್ಯದ ಧಾಟಿಯಲ್ಲಿ ಅಭಿಮಾನಿಯನ್ನೇ ಪ್ರಶ್ನಿಸಿದ್ದಾರೆ.</p>.<p>‘ಈಗಲಾದರೂ ಹೋಗಿ ಹೇರ್ ಕಟ್ ಮಾಡಿಸಿಕೊಳ್ಳಿ’ ಎಂದು ಭಾರತದ ಹಿರಿಯ ಕ್ರಿಕೆಟಿಗ ಯುವರಾಜ್ ಸಿಂಗ್ಗೆ ಸಲಹೆ ನೀಡಿರುವ ರೋಹಿತ್ ಅವರು ಮಹೇಂದ್ರ ಸಿಂಗ್ ಧೋನಿ, ದಿಗ್ಗಜ ಆಟಗಾರ ಎಂದು ನುಡಿದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>