<p><strong>ವಾಸ್ಕೊ: </strong>ಗೆಲುವಿನ ಸರಣಿ ಮುಂದುವರಿಸುವ ಹಂಬಲದಲ್ಲಿರುವ ಎಟಿಕೆ ಮೋಹನ್ ಬಾಗನ್ (ಎಟಿಕೆಎಂಬಿ) ತಂಡವು ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಫುಟ್ಬಾಲ್ ಟೂರ್ನಿಯಲ್ಲಿ ಸೋಮವಾರ ಜಮ್ಶೆಡ್ಪುರ ಎಫ್ಸಿ ತಂಡವನ್ನು ಎದುರಿಸಲಿದೆ. ಇಲ್ಲಿಯ ತಿಲಕ್ ಕ್ರೀಡಾಂಗಣದಲ್ಲಿ ಪಂದ್ಯ ನಡೆಯಲಿದೆ.</p>.<p>ಟೂರ್ನಿಯಲ್ಲಿ ಆಡಿರುವ ಮೂರೂ ಪಂದ್ಯಗಳನ್ನು ಜಯಿಸಿರುವ ಎಟಿಕೆ, ದಾಳಿ ಹಾಗೂ ಡಿಫೆನ್ಸ್ ವಿಭಾಗಗಳಲ್ಲಿ ಅದ್ಭುತ ಸಾಮರ್ಥ್ಯ ತೋರಿದೆ. ಎದುರಾಳಿಗಳಿಗೆ ಒಂದು ಗೋಲನ್ನೂ ಈ ತಂಡ ಬಿಟ್ಟುಕೊಟ್ಟಿಲ್ಲ. ಪಾಯಿಂಟ್ಸ್ ಪಟ್ಟಿಯಲ್ಲೂ ಅಗ್ರಸ್ಥಾನದಲ್ಲಿದೆ.</p>.<p>ಎರಡು ಡ್ರಾ ಹಾಗೂ ಒಂದು ಪಂದ್ಯದಲ್ಲಿ ಸೋಲು ಅನುಭವಿಸಿರುವ ಜಮ್ಶೆಡ್ಪುರ ತಂಡವು ಮೊದಲ ಜಯದ ನಿರೀಕ್ಷೆಯಲ್ಲಿದೆ.</p>.<p>‘ಪ್ರತಿ ಪಂದ್ಯವೂ ಸವಾಲಿನದ್ದು. ಲೀಗ್ನ ಪ್ರತಿ ಹಣಾಹಣಿಯಲ್ಲೂ ಪೈಪೋಟಿ ಕಂಡುಬರುತ್ತಿದೆ. ಗಳಿಸಿರುವ ಪಾಯಿಂಟ್ಸ್ ಪರಿಗಣಿಸುವುದಾದರೆ ಎಟಿಕೆಎಂಬಿ ಉತ್ತಮ ಆಟವಾಡಿದೆ. ಉತ್ತಮ ಫಲಿತಾಂಶವನ್ನೂ ಪಡೆದಿದೆ. ಹೀಗಾಗಿ ಆ ತಂಡವನ್ನು ಎದುರಿಸಲು ಕಾತರರಾಗಿದ್ದೇವೆ‘ ಎಂದು ಜಮ್ಶೆಡ್ಪುರ ತಂಡದ ಕೋಚ್ ಓವೆನ್ ಕೊಯ್ಲೆ ಹೇಳಿದ್ದಾರೆ.</p>.<p>ಈ ಹಂತದಲ್ಲಿ ಒಂದು ಗೆಲುವು ಮುನ್ನಡೆಗೆ ಹೆಚ್ಚಿನ ಆವೇಗವನ್ನು ನೀಡುತ್ತದೆ ಎಂಬುದು ಕೊಯ್ಲೆ ಅಂಬೋಣ.</p>.<p>‘ನಮ್ಮ ತಂಡದ ಡಿಫೆನ್ಸ್ ವಿಭಾಗ ಉತ್ತಮವಾದ ಆಟ ಆಡಿದ್ದರಿಂದ ಟೂರ್ನಿಯಲ್ಲಿ ಮುನ್ನಡೆ ಸಾಧಿಸಿದ್ದೇವೆ. ಇದೇ ವಿಶ್ವಾಸದೊಂದಿಗೆ ಮುಂದಡಿ ಇಡಲಿದ್ದೇವೆ. ತಾಂತ್ರಿಕ ಶಿಸ್ತು ಹಾಗೂ ಪ್ರಯತ್ನವೇ ನಮ್ಮ ಯಶಸ್ಸಿನ ಗುಟ್ಟು‘ ಎಂದು ಎಟಿಕೆಎಂಬಿ ತಂಡದ ಕೋಚ್ ಅಂಟೋನಿಯೊ ಹಬಾಸ್ ಹೇಳಿದ್ದಾರೆ.</p>.<p>‘ಪಂದ್ಯದ ಮಿಡ್ಫೀಲ್ಡ್ ವಿಭಾಗದಲ್ಲಿ ನಾವು ಇನ್ನಷ್ಟು ಸುಧಾರಿಸಬೇಕಿದೆ‘ ಎಂದೂ ಅವರು ನುಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಸ್ಕೊ: </strong>ಗೆಲುವಿನ ಸರಣಿ ಮುಂದುವರಿಸುವ ಹಂಬಲದಲ್ಲಿರುವ ಎಟಿಕೆ ಮೋಹನ್ ಬಾಗನ್ (ಎಟಿಕೆಎಂಬಿ) ತಂಡವು ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಫುಟ್ಬಾಲ್ ಟೂರ್ನಿಯಲ್ಲಿ ಸೋಮವಾರ ಜಮ್ಶೆಡ್ಪುರ ಎಫ್ಸಿ ತಂಡವನ್ನು ಎದುರಿಸಲಿದೆ. ಇಲ್ಲಿಯ ತಿಲಕ್ ಕ್ರೀಡಾಂಗಣದಲ್ಲಿ ಪಂದ್ಯ ನಡೆಯಲಿದೆ.</p>.<p>ಟೂರ್ನಿಯಲ್ಲಿ ಆಡಿರುವ ಮೂರೂ ಪಂದ್ಯಗಳನ್ನು ಜಯಿಸಿರುವ ಎಟಿಕೆ, ದಾಳಿ ಹಾಗೂ ಡಿಫೆನ್ಸ್ ವಿಭಾಗಗಳಲ್ಲಿ ಅದ್ಭುತ ಸಾಮರ್ಥ್ಯ ತೋರಿದೆ. ಎದುರಾಳಿಗಳಿಗೆ ಒಂದು ಗೋಲನ್ನೂ ಈ ತಂಡ ಬಿಟ್ಟುಕೊಟ್ಟಿಲ್ಲ. ಪಾಯಿಂಟ್ಸ್ ಪಟ್ಟಿಯಲ್ಲೂ ಅಗ್ರಸ್ಥಾನದಲ್ಲಿದೆ.</p>.<p>ಎರಡು ಡ್ರಾ ಹಾಗೂ ಒಂದು ಪಂದ್ಯದಲ್ಲಿ ಸೋಲು ಅನುಭವಿಸಿರುವ ಜಮ್ಶೆಡ್ಪುರ ತಂಡವು ಮೊದಲ ಜಯದ ನಿರೀಕ್ಷೆಯಲ್ಲಿದೆ.</p>.<p>‘ಪ್ರತಿ ಪಂದ್ಯವೂ ಸವಾಲಿನದ್ದು. ಲೀಗ್ನ ಪ್ರತಿ ಹಣಾಹಣಿಯಲ್ಲೂ ಪೈಪೋಟಿ ಕಂಡುಬರುತ್ತಿದೆ. ಗಳಿಸಿರುವ ಪಾಯಿಂಟ್ಸ್ ಪರಿಗಣಿಸುವುದಾದರೆ ಎಟಿಕೆಎಂಬಿ ಉತ್ತಮ ಆಟವಾಡಿದೆ. ಉತ್ತಮ ಫಲಿತಾಂಶವನ್ನೂ ಪಡೆದಿದೆ. ಹೀಗಾಗಿ ಆ ತಂಡವನ್ನು ಎದುರಿಸಲು ಕಾತರರಾಗಿದ್ದೇವೆ‘ ಎಂದು ಜಮ್ಶೆಡ್ಪುರ ತಂಡದ ಕೋಚ್ ಓವೆನ್ ಕೊಯ್ಲೆ ಹೇಳಿದ್ದಾರೆ.</p>.<p>ಈ ಹಂತದಲ್ಲಿ ಒಂದು ಗೆಲುವು ಮುನ್ನಡೆಗೆ ಹೆಚ್ಚಿನ ಆವೇಗವನ್ನು ನೀಡುತ್ತದೆ ಎಂಬುದು ಕೊಯ್ಲೆ ಅಂಬೋಣ.</p>.<p>‘ನಮ್ಮ ತಂಡದ ಡಿಫೆನ್ಸ್ ವಿಭಾಗ ಉತ್ತಮವಾದ ಆಟ ಆಡಿದ್ದರಿಂದ ಟೂರ್ನಿಯಲ್ಲಿ ಮುನ್ನಡೆ ಸಾಧಿಸಿದ್ದೇವೆ. ಇದೇ ವಿಶ್ವಾಸದೊಂದಿಗೆ ಮುಂದಡಿ ಇಡಲಿದ್ದೇವೆ. ತಾಂತ್ರಿಕ ಶಿಸ್ತು ಹಾಗೂ ಪ್ರಯತ್ನವೇ ನಮ್ಮ ಯಶಸ್ಸಿನ ಗುಟ್ಟು‘ ಎಂದು ಎಟಿಕೆಎಂಬಿ ತಂಡದ ಕೋಚ್ ಅಂಟೋನಿಯೊ ಹಬಾಸ್ ಹೇಳಿದ್ದಾರೆ.</p>.<p>‘ಪಂದ್ಯದ ಮಿಡ್ಫೀಲ್ಡ್ ವಿಭಾಗದಲ್ಲಿ ನಾವು ಇನ್ನಷ್ಟು ಸುಧಾರಿಸಬೇಕಿದೆ‘ ಎಂದೂ ಅವರು ನುಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>