ಮೀಸತ್‌ ಓಜಿಲ್‌ ವಿದಾಯ

7
ರಿಸೆಪ್‌ ತಯ್ಯಿಪ್‌ ಎರ್ಡೋಗನ್‌ ಅವರೊಂದಿಗಿನ ಚಿತ್ರ ವಿವಾದಕ್ಕೆ ಬೇಸರ

ಮೀಸತ್‌ ಓಜಿಲ್‌ ವಿದಾಯ

Published:
Updated:
ಮೀಸತ್‌ ಓಜಿಲ್‌

ಬರ್ಲಿನ್‌: ಜರ್ಮನಿ ಫುಟ್‌ಬಾಲ್‌ ತಂಡದ ಪ್ರಮುಖ ಮಿಡ್‌ಫೀಲ್ಡರ್‌ ಆಗಿದ್ದ ಮೀಸತ್‌ ಓಜಿಲ್‌ ಅವರು ಅಂತರರಾಷ್ಟ್ರೀಯ ಫುಟ್‌ಬಾಲ್‌ಗೆ ಸೋಮವಾರ ವಿದಾಯ ಹೇಳಿದ್ದಾರೆ. 

ಎರಡು ತಿಂಗಳ ಹಿಂದೆ ಟರ್ಕಿಯ ಅಧ್ಯಕ್ಷ ರಿಸೆಪ್‌ ತಯ್ಯಿಪ್‌ ಎರ್ಡೋಗನ್‌ ಅವರನ್ನು ಭೇಟಿಯಾಗಿದ್ದ ಮೀಸತ್‌, ಅವರೊಂದಿಗೆ ಚಿತ್ರ ತೆಗೆಸಿಕೊಂಡಿದ್ದರು. ಈ ಚಿತ್ರವು ‌ತೀವ್ರ ಟೀಕೆಗೆ ಗುರಿಯಾಗಿತ್ತು. ವಿವಾದದಿಂದ ಬೇಸತ್ತಿರುವ ಅವರು ಈ ನಿರ್ಧಾರಕ್ಕೆ ಬಂದಿದ್ದಾರೆ. 

ಟರ್ಕಿ ಮೂಲದ ವ್ಯಕ್ತಿಗಳೊಂದಿಗೆ ಚಿತ್ರ ತೆಗೆಸಿಕೊಳ್ಳುವ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ ಜರ್ಮನಿಯ ಫುಟ್‌ಬಾಲ್‌ ಮಂಡಳಿಯ ಅಧ್ಯಕ್ಷ ಹಾಗೂ ಪದಾಧಿಕಾರಿಗಳು, ಮಾಧ್ಯಮವರು, ಅಭಿಮಾನಿಗಳನ್ನು ಮೀಸತ್‌ ಟ್ವಿಟರ್‌ನಲ್ಲಿ ತೀವ್ರ ತರಾಟೆಗೆ ತೆಗೆದುಕೊಂಡಿದ್ದಾರೆ. 

‘ಜನಾಂಗೀಯ ದ್ವೇಷದಿಂದ ಅನ್ಯರೆಡೆಗೆ ಅಗೌರವ ತೋರುವ ಇಂತಹ ವರ್ತನೆಯನ್ನು ಸಹಿಸಲು ಸಾಧ್ಯವಿಲ್ಲ’ ಎಂದು ಈ ಆಟಗಾರ ಟ್ವೀಟ್‌ ಮಾಡಿದ್ದಾರೆ. 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !