ಪುಣೆ: ಭಾರತದ ನಿವೃತ್ತ ಕರ್ನಲ್ ಡಾ.ಗಿರಿಜಾ ಶಂಕರ್ ಮುಂಗಲಿ ಅವರುಏಷ್ಯಾ ಮತ್ತು ಆಸ್ಟ್ರೇಲಿಯಾದಲ್ಲಿ ಫುಟ್ಬಾಲ್ ಕ್ಲಬ್ಗಳನ್ನು ನಿಯಂತ್ರಿಸುವ ಏಷ್ಯನ್ ಫುಟ್ಬಾಲ್ ಕಾನ್ಫೆಡರೇಷನ್ನ(ಎಎಫ್ಸಿ) ಕಾರ್ಯಪಡೆ ಸದಸ್ಯರಾಗಿ ನೇಮಕಗೊಂಡಿದ್ದಾರೆ.
ಗಿರಿಜಾ ಶಂಕರ್ ಅವರು ಸದ್ಯ ಅಖಿಲ ಭಾರತ ಫುಟ್ಬಾಲ್ ಫೆಡರೇಷನ್ನ (ಎಐಎಫ್ಎಫ್) ಕ್ಲಬ್ ಪರವಾನಗಿ ಸಮಿತಿಯ ಮುಖ್ಯಸ್ಥರಾಗಿದ್ದಾರೆ. ಎಎಫ್ಸಿಗೆ ನೇಮಕಗೊಂಡಿರುವ ಏಳು ಮಂದಿಯಲ್ಲಿ ಅವರು ಭಾರತದ ಏಕೈಕ ಸದಸ್ಯರಾಗಿದ್ದಾರೆ.
‘ದೇಶದ ಗ್ರಾಮೀಣ ಪ್ರದೇಶದಿಂದ ಬರುವ ಯುವ ಪ್ರತಿಭೆಗಳಿಗೆ ಫುಟ್ಬಾಲ್ನಲ್ಲಿ ಬದುಕು ಕಂಡುಕೊಳ್ಳಲು ವೇದಿಕೆ ಕಲ್ಪಿಸಲು ಪ್ರಯತ್ನಿಸುತ್ತೇನೆ‘ ಎಂದು ಗಿರಿಜಾ ಶಂಕರ್ ಹೇಳಿದ್ದಾರೆ.
ಎಎಫ್ಸಿಯ ಪ್ರಧಾನ ಕಾರ್ಯದರ್ಶಿ ಡ್ಯಾಟೊ ವಿಂಡ್ಸರ್ ಜಾನ್ ಅವರು ಗಿರಿಜಾ ಶಂಕರ್ ಅವರ ನೇಮಕದ ಆದೇಶ ಹೊರಡಿಸಿದ್ದಾರೆ. 2023ರವರೆಗೆ ಅವರು ಈ ಹುದ್ದೆಯಲ್ಲಿ ಇರಲಿದ್ದಾರೆ.