ಉತ್ತಮ ಆಟಗಾರ ಪ್ರಶಸ್ತಿ ಪಟ್ಟಿಯಲ್ಲಿ ರೊನಾಲ್ಡೊ, ಮಾಡ್ರಿಚ್‌

7

ಉತ್ತಮ ಆಟಗಾರ ಪ್ರಶಸ್ತಿ ಪಟ್ಟಿಯಲ್ಲಿ ರೊನಾಲ್ಡೊ, ಮಾಡ್ರಿಚ್‌

Published:
Updated:
Deccan Herald

ಲಂಡನ್‌: ಪೋರ್ಚುಗಲ್‌ನ ಕ್ರಿಸ್ಟಿಯಾನೊ ರೊನಾಲ್ಡೊ, ಕ್ರೊವೇಷ್ಯಾದ ಲೂಕಾ ಮಾಡ್ರಿಚ್‌ ಮತ್ತು ಈಜಿಪ್ಟ್‌ನ ಮೊಹಮ್ಮದ್ ಸಲಾ ಅವರು ಫಿಫಾ ನೀಡುವ ವರ್ಷದ ಉತ್ತಮ ಆಟಗಾರ ಪ್ರಶಸ್ತಿಯ ಅಂತಿಮ ಪಟ್ಟಿಯಲ್ಲಿ ಸ್ಥಾನ ಗಳಿಸಿದ್ದಾರೆ.

ರೊನಾಲ್ಡೊ ಈ ಸಲವೂ ಈ ಪ್ರಶಸ್ತಿ ಗಳಿಸಿದರೆ ಆರು ಬಾರಿ ಈ ಗರಿಮೆಗೆ ಪಾತ್ರರಾದ ಆಟಗಾರ ಎನಿಸಲಿದ್ದಾರೆ. ಒಂದು ದಶಕದಿಂದ ರೊನಾಲ್ಡೊ ಜೊತೆ ಪ್ರಶಸ್ತಿಗೆ ಪೈಪೋಟಿಯಲ್ಲಿರುತ್ತಿದ್ದ ಲಯೊನೆಲ್ ಮೆಸ್ಸಿ ಅವರನ್ನು ಪಟ್ಟಿಯಿಂದ ಕೈಬಿಡಲಾಗಿದೆ.

ಈ ಬಾರಿಯ ವಿಶ್ವಕಪ್‌ನ ಮೊದಲ ಪಂದ್ಯದಲ್ಲಿ ಹ್ಯಾಟ್ರಿಕ್‌ ಗೋಲು ಗಳಿಸಿದ್ದ ರೊನಾಲ್ಡೊ ನಂತರ ನಿರೀಕ್ಷಿತ ಸಾಮರ್ಥ್ಯ ತೋರಲು ವಿಫಲರಾಗಿದ್ದರು. ಆದರೆ ಚಾಂಪಿಯನ್ಸ್‌ ಲೀಗ್‌ನಲ್ಲಿ ಮಿಂಚಿ ನಾಲ್ಕನೇ ಬಾರಿ ಪ್ರಶಸ್ತಿ ಎತ್ತಿ ಹಿಡಿದಿದ್ದರು. ಜುಲೈನಲ್ಲಿ ಯುವೆಂಟಸ್‌ ತಂಡವನ್ನು ಸೇರಿದ್ದರು.

ಉತ್ತಮ ಕೋಚ್‌ ಪ್ರಶಸ್ತಿ ಪಟ್ಟಿಯಲ್ಲಿ ಫ್ರಾನ್ಸ್‌ನ ಡಿಡಿಯರ್ ದೆಶ್ಚಾಂಪ್ಸ್‌, ಜಿನೆದಿನ್ ಜಿದಾನೆ ಮತ್ತು ಕ್ರೊವೇಷ್ಯಾದ ಲಾಟ್ಕೊ ಡಾಲಿಚ್‌ ಉತ್ತಮ ಕೋಚ್‌ ಪ್ರಶಸ್ತಿಯ ಪಟ್ಟಿಯಲ್ಲಿದ್ದಾರೆ.

ವೈಫಲ್ಯ ಕಾಣುತ್ತಿರುವ ರೊನಾಲ್ಡೊ
ರೋಮ್ (ಎಪಿ):
ಯುವೆಂಟಸ್‌ ತಂಡವನ್ನು ಸೇರಿದ ನಂತರ ರೊನಾಲ್ಡೊ ನಿರಂತರ ವೈಫಲ್ಯ ಕಾಣುತ್ತಿದ್ದಾರೆ. ಸೀರಿ ಎ ಟೂರ್ನಿಯ ಮೂರನೇ ಪಂದ್ಯದಲ್ಲೂ ಅವರಿಗೆ ಗೋಲು ಗಳಿಸಲು ಸಾಧ್ಯವಾಗಲಿಲ್ಲ. ಭಾನುವಾರ ರಾತ್ರಿ ನಡೆದ ಪಾರ್ಮ ತಂಡದ ಎದುರಿನ ಪಂದ್ಯದಲ್ಲಿ ಯುವೆಂಟಸ್‌ 3–0 ಅಂತರದಿಂದ ಗೆದ್ದಿತು. ಆದರೆ ರೊನಾಲ್ಡೊ ಸಂಪಾದನೆ ಶೂನ್ಯವಾಗಿತ್ತು.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !