<p><strong>ಡೋರ್ಟ್ಮುಂಡ್:</strong> ‘ಇಂಜುರಿ ಟೈಮ್’ನಲ್ಲಿ ಸಬ್ಸ್ಟಿಟ್ಯೂಟ್ ಆಟಗಾರ ಓಲಿ ವಾಟ್ಕಿನ್ಸ್ ಗಳಿಸಿದ ಗೋಲಿನ ನೆರವಿನಿಂದ ಇಂಗ್ಲೆಂಡ್ ತಂಡ 2–1 ಗೋಲುಗಳಿಂದ ನೆದರ್ಲೆಂಡ್ಸ್ ತಂಡವನ್ನು ಸೋಲಿಸಿ ಯುರೋಪಿಯನ್ ಫುಟ್ಬಾಲ್ ಚಾಂಪಿಯನ್ಷಿಪ್ನಲ್ಲಿ (ಯುರೊ 2024) ಸತತ ಎರಡನೇ ಬಾರಿ ಫೈನಲ್ ತಲುಪಿತು.</p>.<p>ಗರೆತ್ ಸೌತ್ಗೇಟ್ ತರಬೇತಿಯ ಇಂಗ್ಲೆಂಡ್ ತಂಡ ಬರ್ಲಿನ್ನಲ್ಲಿ ಭಾನುವಾರ ನಡೆಯುವ ಫೈನಲ್ ಪಂದ್ಯದಲ್ಲಿ ಸ್ಪೇನ್ ತಂಡವನ್ನು ಎದುರಿಸಲಿದೆ.</p>.<p>ಪಂದ್ಯ 1–1 ಡ್ರಾ ಆಗಿ ಹೆಚ್ಚುವರಿ ಅವಧಿಯತ್ತ ಸಾಗುವಂತೆ ಕಂಡಾಗಲೇ, 80ನೇ ನಿಮಿಷ ಆಟಕ್ಕಿಳಿದಿದ್ದ ವಾಟ್ಕಿನ್ಸ್, ಇನ್ನೊಬ್ಬ ಸಬ್ಸ್ಟಿಟ್ಯೂಟ್ ಕೋಲ್ ಪಾಮರ್ ಅವರಿಂದ ಪಡೆದ ಉತ್ತಮ ಪಾಸ್ನಲ್ಲಿ ಚೆಂಡನ್ನು ಸಮೀಪದಿಂದ ಬಲವಾಗಿ ಒದ್ದು ಗೋಲಿನ ಮೂಲೆಗೆ ಸೇರಿಸಿದರು.</p>.<p>ನಾಯಕ ಹ್ಯಾರಿ ಕೇನ್ ಬದಲು ವಾಟ್ಕಿನ್ಸ್ ಕಣಕ್ಕಿಳಿದಿದ್ದರು. ಅವರು ಈ ಕೂಟದಲ್ಲಿ ಎರಡನೇ ಬಾರಿ ಸಬ್ಸ್ಟಿಟ್ಯೂಟ್ ಆಗಿ ಅಡುವ ಅವಕಾಶ ಪಡೆದರು.</p>.<p>21 ವರ್ಷದ ಕ್ಸೇವಿ ಸೈಮನ್ಸ್ ಏಳನೇ ನಿಮಿಷ ನೆದರ್ಲೆಂಡ್ಸ್ ತಂಡಕ್ಕೆ ಮುನ್ನಡೆ ಒದಗಿಸಿದರು. ಅವರು 40 ಗಜ ದೂರದಿಂದ ಗೋಲು ಹೊಡೆದು ಗಮನ ಸೆಳೆದರು. ಆದರೆ 18ನೇ ನಿಮಿಷ ಇಂಗ್ಲೆಂಡ್ ಸಮ ಮಾಡಿಕೊಂಡಿತು. ಹ್ಯಾರಿ ಕೇನ್ ‘ಪೆನಾಲ್ಟಿ’ ಮೂಲಕ ಗೋಲು ಗಳಿಸಿದರು.</p>.<p>ವಿರಾಮದ ನಂತರ ಡಚ್ ಆಟಗಾರರು ಮೇಲುಗೈ ಸಾಧಿಸಿದರೂ, ಒಂದೂ ಅವಕಾಶ ಗೋಲಾಗಿ ಪರಿವರ್ತನೆ ಆಗಲಿಲ್ಲ.</p>.<p>ಇಂಗ್ಲೆಂಡ್ ಅಭಿಮಾನಿಗಳು ಈಗ ದೀರ್ಘ ಕಾಲದ ನಂತರ ಮೊದಲ ಪ್ರಮುಖ ಫುಟ್ಬಾಲ್ ಟ್ರೋಫಿಗಾಗಿ ತುದಿಗಾಲಲ್ಲಿ ಕಾಯುತ್ತಿದ್ದಾರೆ. ‘ಇತಿಹಾಸ ನಿರ್ಮಾಣಕ್ಕೆ ಇನ್ನೊಂದೇ ಪಂದ್ಯ ಉಳಿದಿದೆ’ ಎಂದು ನಾಯಕ ಕೇನ್ ಪ್ರತಿಕ್ರಿಯಿಸಿದ್ದಾರೆ.</p>.<p>1966ರಲ್ಲಿ ವಿಶ್ವಕಪ್ ಗೆದ್ದ ನಂತರ ಇಂಗ್ಲೆಂಡ್ ಯಾವುದೇ ಪ್ರಮುಖ ಪ್ರಶಸ್ತಿ ಗೆದ್ದಿಲ್ಲ. ಇಂಗ್ಲೆಂಡ್ ಒಮ್ಮೆಯೂ ಯುರೊ ಕಪ್ ಗೆದ್ದಿಲ್ಲ. ಕಳೆದ ಬಾರಿ (2021) ವೆಂಬ್ಲಿ ಕ್ರೀಡಾಂಗಣದಲ್ಲಿ ನಡೆದ ಫೈನಲ್ನಲ್ಲಿ ಇಟಲಿಗೆ ಮಣಿದಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಡೋರ್ಟ್ಮುಂಡ್:</strong> ‘ಇಂಜುರಿ ಟೈಮ್’ನಲ್ಲಿ ಸಬ್ಸ್ಟಿಟ್ಯೂಟ್ ಆಟಗಾರ ಓಲಿ ವಾಟ್ಕಿನ್ಸ್ ಗಳಿಸಿದ ಗೋಲಿನ ನೆರವಿನಿಂದ ಇಂಗ್ಲೆಂಡ್ ತಂಡ 2–1 ಗೋಲುಗಳಿಂದ ನೆದರ್ಲೆಂಡ್ಸ್ ತಂಡವನ್ನು ಸೋಲಿಸಿ ಯುರೋಪಿಯನ್ ಫುಟ್ಬಾಲ್ ಚಾಂಪಿಯನ್ಷಿಪ್ನಲ್ಲಿ (ಯುರೊ 2024) ಸತತ ಎರಡನೇ ಬಾರಿ ಫೈನಲ್ ತಲುಪಿತು.</p>.<p>ಗರೆತ್ ಸೌತ್ಗೇಟ್ ತರಬೇತಿಯ ಇಂಗ್ಲೆಂಡ್ ತಂಡ ಬರ್ಲಿನ್ನಲ್ಲಿ ಭಾನುವಾರ ನಡೆಯುವ ಫೈನಲ್ ಪಂದ್ಯದಲ್ಲಿ ಸ್ಪೇನ್ ತಂಡವನ್ನು ಎದುರಿಸಲಿದೆ.</p>.<p>ಪಂದ್ಯ 1–1 ಡ್ರಾ ಆಗಿ ಹೆಚ್ಚುವರಿ ಅವಧಿಯತ್ತ ಸಾಗುವಂತೆ ಕಂಡಾಗಲೇ, 80ನೇ ನಿಮಿಷ ಆಟಕ್ಕಿಳಿದಿದ್ದ ವಾಟ್ಕಿನ್ಸ್, ಇನ್ನೊಬ್ಬ ಸಬ್ಸ್ಟಿಟ್ಯೂಟ್ ಕೋಲ್ ಪಾಮರ್ ಅವರಿಂದ ಪಡೆದ ಉತ್ತಮ ಪಾಸ್ನಲ್ಲಿ ಚೆಂಡನ್ನು ಸಮೀಪದಿಂದ ಬಲವಾಗಿ ಒದ್ದು ಗೋಲಿನ ಮೂಲೆಗೆ ಸೇರಿಸಿದರು.</p>.<p>ನಾಯಕ ಹ್ಯಾರಿ ಕೇನ್ ಬದಲು ವಾಟ್ಕಿನ್ಸ್ ಕಣಕ್ಕಿಳಿದಿದ್ದರು. ಅವರು ಈ ಕೂಟದಲ್ಲಿ ಎರಡನೇ ಬಾರಿ ಸಬ್ಸ್ಟಿಟ್ಯೂಟ್ ಆಗಿ ಅಡುವ ಅವಕಾಶ ಪಡೆದರು.</p>.<p>21 ವರ್ಷದ ಕ್ಸೇವಿ ಸೈಮನ್ಸ್ ಏಳನೇ ನಿಮಿಷ ನೆದರ್ಲೆಂಡ್ಸ್ ತಂಡಕ್ಕೆ ಮುನ್ನಡೆ ಒದಗಿಸಿದರು. ಅವರು 40 ಗಜ ದೂರದಿಂದ ಗೋಲು ಹೊಡೆದು ಗಮನ ಸೆಳೆದರು. ಆದರೆ 18ನೇ ನಿಮಿಷ ಇಂಗ್ಲೆಂಡ್ ಸಮ ಮಾಡಿಕೊಂಡಿತು. ಹ್ಯಾರಿ ಕೇನ್ ‘ಪೆನಾಲ್ಟಿ’ ಮೂಲಕ ಗೋಲು ಗಳಿಸಿದರು.</p>.<p>ವಿರಾಮದ ನಂತರ ಡಚ್ ಆಟಗಾರರು ಮೇಲುಗೈ ಸಾಧಿಸಿದರೂ, ಒಂದೂ ಅವಕಾಶ ಗೋಲಾಗಿ ಪರಿವರ್ತನೆ ಆಗಲಿಲ್ಲ.</p>.<p>ಇಂಗ್ಲೆಂಡ್ ಅಭಿಮಾನಿಗಳು ಈಗ ದೀರ್ಘ ಕಾಲದ ನಂತರ ಮೊದಲ ಪ್ರಮುಖ ಫುಟ್ಬಾಲ್ ಟ್ರೋಫಿಗಾಗಿ ತುದಿಗಾಲಲ್ಲಿ ಕಾಯುತ್ತಿದ್ದಾರೆ. ‘ಇತಿಹಾಸ ನಿರ್ಮಾಣಕ್ಕೆ ಇನ್ನೊಂದೇ ಪಂದ್ಯ ಉಳಿದಿದೆ’ ಎಂದು ನಾಯಕ ಕೇನ್ ಪ್ರತಿಕ್ರಿಯಿಸಿದ್ದಾರೆ.</p>.<p>1966ರಲ್ಲಿ ವಿಶ್ವಕಪ್ ಗೆದ್ದ ನಂತರ ಇಂಗ್ಲೆಂಡ್ ಯಾವುದೇ ಪ್ರಮುಖ ಪ್ರಶಸ್ತಿ ಗೆದ್ದಿಲ್ಲ. ಇಂಗ್ಲೆಂಡ್ ಒಮ್ಮೆಯೂ ಯುರೊ ಕಪ್ ಗೆದ್ದಿಲ್ಲ. ಕಳೆದ ಬಾರಿ (2021) ವೆಂಬ್ಲಿ ಕ್ರೀಡಾಂಗಣದಲ್ಲಿ ನಡೆದ ಫೈನಲ್ನಲ್ಲಿ ಇಟಲಿಗೆ ಮಣಿದಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
