<p><strong>ನವದೆಹಲಿ</strong>: ಅಖಿಲ ಭಾರತ ಫುಟ್ಬಾಲ್ ಫೆಡರೇಷನ್ (ಎಐಎಫ್ಎಫ್) ಮಹಾ ಪ್ರಧಾನ ಕಾರ್ಯದರ್ಶಿ ಸ್ಥಾನದಿಂದ ಶಾಜಿ ಪ್ರಭಾಕರ್ ಅವರನ್ನು ವಜಾಗೊಳಿಸಿರುವ ಕ್ರಮವನ್ನು ಫೆಡರೇಷನ್ನ ಕಾರ್ಯಕಾರಿ ಸಮಿತಿ ಗುರುವಾರ ಸ್ಥಿರೀಕರಿಸಿದೆ. ಫೆಡರೇಷನ್ ಅಧ್ಯಕ್ಷ ಕಲ್ಯಾಣ್ ಚೌಬೆ, ನಂಬಿಕೆದ್ರೋಹದ ಕಾರಣ ನೀಡಿ ಶಾಜಿ ಅವರನ್ನು ಬುಧವಾರ ವಜಾಗೊಳಿಸಿದ್ದರು.</p>.<p>ಚೌಬೆ ಅಧ್ಯಕ್ಷತೆಯಲ್ಲಿ ನಡೆದ ಕಾರ್ಯಕಾರಿ ಸಮಿತಿ ಸಭೆಯು, ಕರ್ನಾಟಕದ ಎಂ.ಸತ್ಯನಾರಾಯಣ ಅವರನ್ನು ಮಹಾ ಪ್ರಧಾನ ಕಾರ್ಯದರ್ಶಿಯಾಗಿ ನೇಮಕ ಮಾಡಿದ ಕ್ರಮವನ್ನೂ ಅನುಮೋದಿಸಿತು. ಆ ಮೂಲಕ ಔಪಚಾರಿಕ ಕ್ರಮ ಪೂರೈಸಿತು. ಭಾರತ ತಂಡದ ಮಾಜಿ ನಾಯಕರಾದ ಬೈಚುಂಗ್ ಭುಟಿಯಾ, ಕ್ಲೈಮಾಕ್ಸ್ ಲಾರೆನ್ಸ್ ಸೇರಿ ನಾಲ್ವರು ಸದಸ್ಯರು ಸಭೆಗೆ ಗೈರುಹಾಜರಾಗಿದ್ದರು.</p>.<p>51 ವರ್ಷದ ಶಾಜಿ ಅವರ ಅಧಿಕಾರದ ಅವಧಿ 14 ತಿಂಗಳಿಗೆ ಕೊನೆಗೊಂಡಿತು.</p>.<p>ಸತ್ಯನಾರಾಯಣ ಅವರನ್ನು ಆಗಸ್ಟ್ನಲ್ಲಿ ಫೆಡರೇಷನ್ನ ಉಪ ಮಹಾಪ್ರಧಾನ ಕಾರ್ಯದರ್ಶಿಯನ್ನಾಗಿ ನೇಮಕ ಮಾಡಲಾಗಿತ್ತು.</p>.<p>‘ಫೀಫಾ ಸಂತೋಷ್ ಟ್ರೋಫಿ’:</p>.<p>ಸಂತೋಷ್ ಟ್ರೋಫಿಗಾಗಿ ನಡೆಯುವ ರಾಷ್ಟ್ರೀಯ ಫುಟ್ಬಾಲ್ ಚಾಂಪಿಯನ್ಷಿಪ್ನ ಹೆಸರನ್ನು ಇನ್ನು ಮುಂದೆ ‘ಫೀಫಾ ಸಂತೋಷ್ ಟ್ರೋಫಿ’ ಎಂದು ಕರೆಯಲಾಗುವುದು ಎಂದು ಸಭೆಯ ವೇಳೆ ಚೌಬೆ ತಿಳಿಸಿದರು. ಮುಂದಿನ ಸಾಲಿನ ಚಾಂಪಿಯನ್ಷಿಪ್ ಅರುಣಾಚಲಪ್ರದೇಶದಲ್ಲಿ ನಡೆಯಲಿದೆ. ಮಾರ್ಚ್ 9 ಅಥವಾ 10ರಂದು ಫೈನಲ್ ನಿಗದಿಯಾಗಿದ್ದು, ಫೀಫಾ ಅಧ್ಯಕ್ಷ ಗಿಯಾನಿ ಇನ್ಫಾಂಟಿನೊ ಹಾಜರಾಗಬಹುದೆಂಬ ನಿರೀಕ್ಷೆಯಲ್ಲಿದ್ದೇವೆ ಎಂದರು.</p>.<p>‘ಕೆಲಸ ಗುರುತಿಸಿ ಹೊಣೆ’:</p>.<p>ಬೆಂಗಳೂರು ವರದಿ: ‘ರಾಜ್ಯದಲ್ಲಿ ನಾನು ನಾಲ್ಕು ವರ್ಷಗಳಲ್ಲಿ ಮಾಡಿದ ಕೆಲಸ ಗುರುತಿಸಿ ಅಧ್ಯಕ್ಷರು ನನಗೆ ಈ ಜವಾಬ್ದಾರಿ ನೀಡಿದ್ದಾರೆ. ಈಗ ಒಳ್ಳೆಯ ತಂಡವಿದೆ. ಒಳ್ಳೆಯ ಕೆಲಸ ಮಾಡಲು ನನ್ನಿಂದಾಷ್ಟು ಪ್ರಯತ್ನಿಸುವೆ’ ಎಂದು ಮಹಾಪ್ರಧಾನ ಕಾರ್ಯದರ್ಶಿ ಹೊಣೆ ವಹಿಸಿಕೊಂಡಿರುವ ಸತ್ಯನಾರಾಯಣ ಅವರು ‘ಪ್ರಜಾವಾಣಿ’ಗೆ ಗುರುವಾರ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಅಖಿಲ ಭಾರತ ಫುಟ್ಬಾಲ್ ಫೆಡರೇಷನ್ (ಎಐಎಫ್ಎಫ್) ಮಹಾ ಪ್ರಧಾನ ಕಾರ್ಯದರ್ಶಿ ಸ್ಥಾನದಿಂದ ಶಾಜಿ ಪ್ರಭಾಕರ್ ಅವರನ್ನು ವಜಾಗೊಳಿಸಿರುವ ಕ್ರಮವನ್ನು ಫೆಡರೇಷನ್ನ ಕಾರ್ಯಕಾರಿ ಸಮಿತಿ ಗುರುವಾರ ಸ್ಥಿರೀಕರಿಸಿದೆ. ಫೆಡರೇಷನ್ ಅಧ್ಯಕ್ಷ ಕಲ್ಯಾಣ್ ಚೌಬೆ, ನಂಬಿಕೆದ್ರೋಹದ ಕಾರಣ ನೀಡಿ ಶಾಜಿ ಅವರನ್ನು ಬುಧವಾರ ವಜಾಗೊಳಿಸಿದ್ದರು.</p>.<p>ಚೌಬೆ ಅಧ್ಯಕ್ಷತೆಯಲ್ಲಿ ನಡೆದ ಕಾರ್ಯಕಾರಿ ಸಮಿತಿ ಸಭೆಯು, ಕರ್ನಾಟಕದ ಎಂ.ಸತ್ಯನಾರಾಯಣ ಅವರನ್ನು ಮಹಾ ಪ್ರಧಾನ ಕಾರ್ಯದರ್ಶಿಯಾಗಿ ನೇಮಕ ಮಾಡಿದ ಕ್ರಮವನ್ನೂ ಅನುಮೋದಿಸಿತು. ಆ ಮೂಲಕ ಔಪಚಾರಿಕ ಕ್ರಮ ಪೂರೈಸಿತು. ಭಾರತ ತಂಡದ ಮಾಜಿ ನಾಯಕರಾದ ಬೈಚುಂಗ್ ಭುಟಿಯಾ, ಕ್ಲೈಮಾಕ್ಸ್ ಲಾರೆನ್ಸ್ ಸೇರಿ ನಾಲ್ವರು ಸದಸ್ಯರು ಸಭೆಗೆ ಗೈರುಹಾಜರಾಗಿದ್ದರು.</p>.<p>51 ವರ್ಷದ ಶಾಜಿ ಅವರ ಅಧಿಕಾರದ ಅವಧಿ 14 ತಿಂಗಳಿಗೆ ಕೊನೆಗೊಂಡಿತು.</p>.<p>ಸತ್ಯನಾರಾಯಣ ಅವರನ್ನು ಆಗಸ್ಟ್ನಲ್ಲಿ ಫೆಡರೇಷನ್ನ ಉಪ ಮಹಾಪ್ರಧಾನ ಕಾರ್ಯದರ್ಶಿಯನ್ನಾಗಿ ನೇಮಕ ಮಾಡಲಾಗಿತ್ತು.</p>.<p>‘ಫೀಫಾ ಸಂತೋಷ್ ಟ್ರೋಫಿ’:</p>.<p>ಸಂತೋಷ್ ಟ್ರೋಫಿಗಾಗಿ ನಡೆಯುವ ರಾಷ್ಟ್ರೀಯ ಫುಟ್ಬಾಲ್ ಚಾಂಪಿಯನ್ಷಿಪ್ನ ಹೆಸರನ್ನು ಇನ್ನು ಮುಂದೆ ‘ಫೀಫಾ ಸಂತೋಷ್ ಟ್ರೋಫಿ’ ಎಂದು ಕರೆಯಲಾಗುವುದು ಎಂದು ಸಭೆಯ ವೇಳೆ ಚೌಬೆ ತಿಳಿಸಿದರು. ಮುಂದಿನ ಸಾಲಿನ ಚಾಂಪಿಯನ್ಷಿಪ್ ಅರುಣಾಚಲಪ್ರದೇಶದಲ್ಲಿ ನಡೆಯಲಿದೆ. ಮಾರ್ಚ್ 9 ಅಥವಾ 10ರಂದು ಫೈನಲ್ ನಿಗದಿಯಾಗಿದ್ದು, ಫೀಫಾ ಅಧ್ಯಕ್ಷ ಗಿಯಾನಿ ಇನ್ಫಾಂಟಿನೊ ಹಾಜರಾಗಬಹುದೆಂಬ ನಿರೀಕ್ಷೆಯಲ್ಲಿದ್ದೇವೆ ಎಂದರು.</p>.<p>‘ಕೆಲಸ ಗುರುತಿಸಿ ಹೊಣೆ’:</p>.<p>ಬೆಂಗಳೂರು ವರದಿ: ‘ರಾಜ್ಯದಲ್ಲಿ ನಾನು ನಾಲ್ಕು ವರ್ಷಗಳಲ್ಲಿ ಮಾಡಿದ ಕೆಲಸ ಗುರುತಿಸಿ ಅಧ್ಯಕ್ಷರು ನನಗೆ ಈ ಜವಾಬ್ದಾರಿ ನೀಡಿದ್ದಾರೆ. ಈಗ ಒಳ್ಳೆಯ ತಂಡವಿದೆ. ಒಳ್ಳೆಯ ಕೆಲಸ ಮಾಡಲು ನನ್ನಿಂದಾಷ್ಟು ಪ್ರಯತ್ನಿಸುವೆ’ ಎಂದು ಮಹಾಪ್ರಧಾನ ಕಾರ್ಯದರ್ಶಿ ಹೊಣೆ ವಹಿಸಿಕೊಂಡಿರುವ ಸತ್ಯನಾರಾಯಣ ಅವರು ‘ಪ್ರಜಾವಾಣಿ’ಗೆ ಗುರುವಾರ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>