ಬೆಂಗಳೂರು: ಕರ್ನಾಟಕದ ಸುಜಲ್ ಜಾಧವ್ ಅವರು ರಾಷ್ಟ್ರೀಯ ರಸ್ತೆ ಸೈಕ್ಲಿಂಗ್ ಚಾಂಪಿಯನ್‌ಷಿಪ್‌ನಲ್ಲಿ ಬೆಳ್ಳಿ ಪದಕ ಗೆದ್ದುಕೊಂಡಿದ್ದಾರೆ.
ಮಹಾರಾಷ್ಟ್ರದ ನಾಸಿಕ್‌ನ ಸಿನ್ನರ್‌ನಲ್ಲಿ ನಡೆಯುತ್ತಿರುವ ಚಾಂಪಿಯನ್‌ಷಿಪ್‌ನಲ್ಲಿ ಸೋಮವಾರ 16 ವರ್ಷದೊಳಗಿನ ಬಾಲಕರ 40 ಕಿಲೊ ಮೀಟರ್‌ ವೈಯಕ್ತಿಕ ರೋಡ್‌ ರೇಸ್‌ನಲ್ಲಿ ಸುಜಲ್ 1 ತಾಸು 31 ನಿಮಿಷ 52 ಸೆಕೆಂಡುಗಳಲ್ಲಿ ಗುರಿ ತಲುಪಿದರು.
18 ವರ್ಷದೊಳಗಿನವರ ತಂಡ ವಿಭಾಗದ ಬಾಲಕರ 40 ಕಿ.ಮೀ ಟೈಮ್‌ ಟ್ರಯಲ್‌ನಲ್ಲಿ ರಾಘವೇಂದ್ರ ವಂದಾಲ, ಪ್ರತಾಪ ಪಡಚಿ, ಉದಯ ಗುಳೇದ ಮತ್ತು ಲಕ್ಷ್ಮೀಶ ಎಚ್‌.ಆರ್‌. ಅವರನ್ನೊಳಗೊಳಗೊಂಡ ತಂಡವು ಕಂಚು ಗೆದ್ದಿತು. ಕರ್ನಾಟಕದ ಈ ತಂಡವು 53 ನಿ. 30.94 ಸೆಕೆಂಡುಗಳಲ್ಲಿ ಸ್ಪರ್ಧೆ ಪೂರ್ಣಗೊಳಿಸಿತು.
