ನನ್ನ ಆಟದ ಕಡೆಗಷ್ಟೆ ಗಮನ ಕೇಂದ್ರೀಕರಿಸಿದ್ದೆ: ಗ್ರ್ಯಾಂಡ್‌ಮಾಸ್ಟರ್‌ ದಿವ್ಯಾ

ನಾಗ್ಪುರ: ‘ನಾನು ಕಳೆದುಕೊಳ್ಳುವುದು ಏನೂ ಇರದ ಕಾರಣ ಕೋನೇರು ಹಂಪಿ ವಿರುದ್ಧ ಫಿಡೆ ಮಹಿಳಾ ಚೆಸ್ ವಿಶ್ವಕಪ್ ಫೈನಲ್ ಪಂದ್ಯ ಆಡುವಾಗ ಯಾವುದೇ ಒತ್ತಡದಲ್ಲಿ ಇರಲಿಲ್ಲ’ ಎಂದು ಗ್ರ್ಯಾಂಡ್ಮಾಸ್ಟರ್ ದಿವ್ಯಾ ದೇಶಮುಖ್ ಹೇಳಿದರು.

. ಜಾರ್ಜಿಯಾದ ರಾಜಧಾನಿ ಬಟುಮಿಯಿಂದ ಬುಧವಾರ ತಡರಾತ್ರಿ ಮುಂಬೈ ಮೂಲಕ ಇಲ್ಲಿಗೆ ಮರಳಿದ ಯುವ ಸಾಧಕಿಗೆ ವಿಮಾನ ನಿಲ್ದಾಣದಲ್ಲಿ ಆತ್ಮೀಯ ಸ್ವಾಗತ ನೀಡಲಾಯಿತು.

. ಕ್ಲಾಸಿಕಲ್ ಸುತ್ತಿನ ಎರಡು ಪಂದ್ಯಗಳು ‘ಡ್ರಾ’ ಆದ ನಂತರ ಕಾಲಮಿತಿಯ ಟೈಬ್ರೇಕರ್ನಲ್ಲಿ 19 ವರ್ಷ ವಯಸ್ಸಿನ ದಿವ್ಯಾ, 38 ವರ್ಷ ವಯಸ್ಸಿನ ಅನುಭವಿ ಎದುರಾಳಿಯನ್ನು ಮಣಿಸಿದ್ದರು.

. ಫೈನಲ್ ಆಡುವಾಗ ಒತ್ತಡ ಎದುರಾಗಿತ್ತೇ ಎಂಬ ಪ್ರಶ್ನೆಗೆ, ‘ನಾನು ಅಪಾಯದಲ್ಲಿದ್ದೆ ಎಂಬ ಭಾವನೆಯೇ ನನಗೆ ಮೂಡಿರಲಿಲ್ಲ. ಆಕೆ (ಹಂಪಿ) ಮಾಡಿದ ತಪ್ಪು ನನಗೆ ಗೆಲುವು ತಂದುಕೊಟ್ಟಿತು’ ಎಂದು ದಿವ್ಯಾ ಪಿಟಿಐ ವಿಡಿಯೋಸ್ಗೆ ಗುರುವಾರ ತಿಳಿಸಿದರು.

. ‘ಫಲಿತಾಂಶ ನನ್ನ ಕೈಯಲ್ಲಿಲ್ಲದ ಕಾರಣ ನಾನು ನನ್ನ ಆಟದ ಕಡೆಗಷ್ಟೇ ಗಮನ ಕೇಂದ್ರೀಕರಿಸಿದೆ. ಬೇರೇನೂ ಯೋಚಿಸಿರಲಿಲ್ಲ’ ಎಂದು ಹೇಳಿದರು.

. ದಿವ್ಯಾ ಈ ಟೂರ್ನಿಗಿಳಿಯುವಾಗ ಪ್ರಶಸ್ತಿಗೆ ನೆಚ್ಚಿನ ಆಟಗಾರ್ತಿಯಾಗಿರಲಿಲ್ಲ. ಒಂದೂ ಗ್ರ್ಯಾಂಡ್ಮಾಸ್ಟರ್ ನಾರ್ಮ್ ಇರಲಿಲ್ಲ. ಆದರೆ ದಿವ್ಯಾ ವಿಶ್ವಕಪ್ ವಿಜೇತೆ ಆದ ಅವರು ಗ್ರ್ಯಾಂಡ್ಮಾಸ್ಟರ್ ಆಗಿ ಹೊರಹೊಮ್ಮಿದರು.

. ತಮ್ಮ ಯಶಸ್ಸಿನಿಂದ ಮಹಿಳಾ ಚೆಸ್ಗೆ ದೊಡ್ಡ ಮಟ್ಟದ ಉತ್ತೇಜನ ಸಿಗಬಹುದು ಎಂಬ ವಿಶ್ವಾಸ ಅವರದು. ‘ಈ ಯಶಸ್ಸಿನಿಂದ ಹೆಣ್ಣುಮಕ್ಕಳು ಹೆಚ್ಚಿನ ಸಂಖ್ಯೆಯಲ್ಲಿ ಈ ಆಟದತ್ತ ಆಕರ್ಷಿತರಾಗಬಹುದು’ ಎಂಬ ಆಶಯ ವ್ಯಕ್ತಪಡಿಸಿದರು.

. ‘ಯುವ ಜನಾಂಗಕ್ಕೆ ನನ್ನದೇನೂ ಸಂದೇಶವಿಲ್ಲ. ಆದರೆ ತಂದೆ–ತಾಯಿ ಉತ್ತೇಜನ ಬಹುಮುಖ್ಯ. ಯಶಸ್ಸಿಗಿಂತ ವೈಫಲ್ಯದ ವೇಳೆಯೇ ಅವರಿಗೆ ಪೋಷಕರ ನೆರವು ಹೆಚ್ಚು ಅಗತ್ಯವಿರುತ್ತದೆ’ ಎಂದು ದಿವ್ಯಾ ಅಭಿಪ್ರಾಯಪಟ್ಟರು.

. ವಿಮಾನ ನಿಲ್ದಾಣಕ್ಕೆ ಬಂದಿಳಿಯುವಾಗ ತಮ್ಮ ಯಶಸ್ಸಿನ ಶ್ರೇಯವನ್ನು ಅವರು ತಂದೆ–ತಾಯಿಗೆ ಸಮರ್ಪಿಸಿದ್ದರು.

. ‘ನನ್ನ ವೃತ್ತಿಜೀವನದಲ್ಲಿ ತಂದೆ–ತಾಯಿ ವಹಿಸಿದ ಪಾತ್ರ ಬಲುದೊಡ್ಡದು. ಅವರ ನೆರವಿಲ್ಲದೇ ಹೋಗಿದ್ದಲ್ಲಿ ನಾನು ಈ ಹಂತಕ್ಕೆ ತಲುಪಲು ಆಗುತ್ತಿರಲಿಲ್ಲ. ನನ್ನ ಕುಟುಂಬ, ನನ್ನ ಪೋಷಕರು, ಸೋದರಿ ಆರ್ಯಾ, ನನ್ನ ಮೊದಲ ಕೋಚ್ ರಾಹುಲ್ ಜೋಶಿ ಅವರಿಗೆ ಶ್ರೇಯ ಸಲ್ಲಬೇಕು. ನಾನು ಗ್ರ್ಯಾಂಡ್ಮಾಸ್ಟರ್ ಆಗಬೇಕೆಂದು ಜೋಶಿ ಸರ್ ಸದಾ ಆಶಿಸುತ್ತಿದ್ದರು. ಈ ಗೆಲುವು ಅವರಿಗಾಗಿ’ ಎಂದು ದಿವ್ಯಾ ತಮ್ಮ ಮೊದಲ ಕೋಚ್ ಅವರನ್ನು ಸ್ಮರಿಸಿದರು. 2020ರಲ್ಲಿ ಜೋಶಿ ಅವರು 40ನೇ ವಯಸ್ಸಿನಲ್ಲಿ ನಿಧನರಾಗಿದ್ದರು.

.ದಿವ್ಯಾ ದೇಶಮುಖ್ ಮಹಿಳಾ ಗ್ರ್ಯಾಂಡ್ಮಾಸ್ಟರ್. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನನ್ನ ಆಟದ ಕಡೆಗಷ್ಟೆ ಗಮನ ಕೇಂದ್ರೀಕರಿಸಿದ್ದೆ: ಗ್ರ್ಯಾಂಡ್‌ಮಾಸ್ಟರ್‌ ದಿವ್ಯಾ

ದಿವ್ಯಾ ದೇಶಮುಖ್‌ ಮಹಿಳಾ ಗ್ರ್ಯಾಂಡ್‌ಮಾಸ್ಟರ್‌

ನಾಳೆ 'ಭಾರತ ಬಂದ್‌' | ಏನೇನಿರುತ್ತೆ, ಏನಿರಲ್ಲ?: ಇಲ್ಲಿದೆ ಸಂಪೂರ್ಣ ಮಾಹಿತಿ..

ಚಿನಕುರುಳಿ: ಬುಧವಾರ, 11 ಫೆಬ್ರುವರಿ 2026

ಜಂತುಹುಳು ನಿವಾರಣೆಗಾಗಿ ಕೊಟ್ಟ ಮಾತ್ರೆ ಸೇವಿಸಿ ಆಸ್ಪತ್ರೆ ಸೇರಿದ 120 ಮಕ್ಕಳು!

ಗುಂಡಣ್ಣ: ಬುಧವಾರ, 11 ಫೆಬ್ರುವರಿ 2026

T20 WC: ಭಾರತ–ಪಾಕ್ ಪಂದ್ಯ ನಡೆಯದೇ ಇದ್ದಿದ್ದರೆ ಅಪಾರ ನಷ್ಟ; ಯಾರಿಗೆ ಎಷ್ಟು?

T20 World Cup: ಸೂರ್ಯ ಪಡೆಗೆ ಸುಲಭ ಜಯದ ನಿರೀಕ್ಷೆ

ಎಚ್‌ಐಎಚ್‌ ಹಾಕಿ ಪ್ರೊ ಲೀಗ್‌ | ಬೆಲ್ಜಿಯಂ ಶುಭಾರಂಭ: ಭಾರತಕ್ಕೆ ನಿರಾಸೆ

ಬೌಲಿಂಗ್‌ ಶೈಲಿ: ಪಾಕ್ ಸ್ಪಿನ್ನರ್ ಉಸ್ಮಾನ್ ತಾರಿಕ್‌‌ಗೆ ಅಶ್ವಿನ್ ಬೆಂಬಲ

ಒಳನೋಟ: ಅನಿಶ್ಚಿತತೆ ನಡುವೆ ದಾಖಲೆಯ ಗಳಿಕೆ

ಒಳನೋಟ: ಚಿನ್ನ, ಬೆಳ್ಳಿ ಬೆಲೆ ಏರಿಳಿತ; ಅಕ್ಕಸಾಲಿಗರ ಹೊಟ್ಟೆಗೆ ಬರೆ

ಒಳನೋಟ | ಕುಸಿದ ಬೆಲೆ: ರಬ್ಬರ್‌ ಉಳಿಯುವುದೇ?

ಒಳನೋಟ: ಪ್ರತಿಜೀವಕಗಳೇ ಜೀವಕ್ಕೆ ಕುತ್ತು?

ನಾಳೆ 'ಭಾರತ ಬಂದ್‌' | ಏನೇನಿರುತ್ತೆ, ಏನಿರಲ್ಲ?: ಇಲ್ಲಿದೆ ಸಂಪೂರ್ಣ ಮಾಹಿತಿ..

ಚಿನಕುರುಳಿ: ಬುಧವಾರ, 11 ಫೆಬ್ರುವರಿ 2026

ಜಂತುಹುಳು ನಿವಾರಣೆಗಾಗಿ ಕೊಟ್ಟ ಮಾತ್ರೆ ಸೇವಿಸಿ ಆಸ್ಪತ್ರೆ ಸೇರಿದ 120 ಮಕ್ಕಳು!

ಗುಂಡಣ್ಣ: ಬುಧವಾರ, 11 ಫೆಬ್ರುವರಿ 2026