ಬೆಂಗಳೂರು: ಕರ್ನಾಟಕದ ಗಗನಾ ಕೆ.ಎಸ್. ಹಾಗೂ ಬಿ.ಆರ್. ಸುರಭಿ ಅವರು ಏಷ್ಯನ್ ಯೂತ್ ನೆಟ್ಬಾಲ್ ಚಾಂಪಿಯನ್ಷಿಪ್ನಲ್ಲಿ ಆಡಲಿರುವ ಭಾರತ ಮಹಿಳಾ ತಂಡಕ್ಕೆ ಆಯ್ಕೆಯಾಗಿದ್ದಾರೆ. ಗಗನಾ ತಂಡದ ಉಪನಾಯಕಿಯೂ ಆಗಿದ್ದಾರೆ.
ಕರ್ನಾಟಕ ಅಮೇಚೂರ್ ನೆಟ್ಬಾಲ್ ಸಂಸ್ಥೆ ಪ್ರಧಾನ ಕಾರ್ಯದರ್ಶಿ ಸಿ. ಗಿರೀಶ ಅವರು ಈ ತಂಡಕ್ಕೆ ತರಬೇತುದಾರರಾಗಿ ನೇಮಕವಾಗಿದ್ದಾರೆ. ಗಗನಾ ಅವರು ಬೆಂಗಳೂರಿನ ಶೇಷಾದ್ರಿಪುರಂ ವಾಣಿಜ್ಯ ಮತ್ತು ನಿರ್ವಹಣಾ ಕಾಲೇಜಿನ ಬಿಬಿಎ ವಿದ್ಯಾರ್ಥಿನಿಯಾಗಿದ್ದಾರೆ. ಸುರಭಿ ಅವರು ಬಿಎಂಎಸ್ ಮಹಿಳಾ ಕಾಲೇಜಿನ ಬಿ.ಕಾಂ ವಿದ್ಯಾರ್ಥಿನಿಯಾಗಿದ್ದಾರೆ.
ದಕ್ಷಿಣ ಕೊರಿಯಾದ ಜಿಯಾಂಜುನಲ್ಲಿ ಇದೇ 10ರಿಂದ 17ರವರೆಗೆ ಟೂರ್ನಿ ನಡೆಯಲಿದೆ ಎಂದು ರಾಜ್ಯ ನೆಟ್ಬಾಲ್ ಸಂಸ್ಥೆಯ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ತಂಡ: ಪಲಕ್ (ನಾಯಕಿ), ಗಗನಾ ಕೆ.ಎಸ್. (ಉಪನಾಯಕಿ), ಅಮೃತಾ ಪಿ ಪ್ರಸಾದ್, ಬಿ.ಆರ್. ಸುರಭಿ, ಸುನೈನಾ, ಸೋನಮ್ ಶರ್ಮಾ, ಗೀತಾಂಜಲಿ ಬಗ್ಗಾ, ಖುಷಿ, ಮನೀಷಾ, ಮಹಿ, ದಿವ್ಯಾ ಸಿಂಗ್. ಕೋಚ್: ಸಿ. ಗಿರೀಶ, ಸಹಾಯಕ ಕೋಚ್: ಸೋನಮ್, ಮ್ಯಾನೇಜರ್: ಯಶಸ್ವಿ ಕೌಶಿಕ್, ಕಾಂಟಿಜೆಂಟ್ ಇನ್ಚಾರ್ಜ್: ನಿಶಾಂತ್ ಸಿಂಗ್.