ನವದೆಹಲಿ: ಭಾರತದ ಜೂಡೊ ಪಟು ಸುಶೀಲಾ ದೇವಿ ಅವರು ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಪಾಲ್ಗೊಳ್ಳಲು ಅವಕಾಶ ಪಡೆದುಕೊಂಡಿದ್ದಾರೆ. ಏಷ್ಯಾದ ಕೋಟಾ ಅಡಿ ಅವರು ಅರ್ಹತೆ ಗಿಟ್ಟಿಸಿಕೊಂಡಿದ್ದಾರೆ ಎಂದು ಅಂತರರಾಷ್ಟ್ರೀಯ ಜೂಡೊ ಫೆಡರೇಷನ್ ಶುಕ್ರವಾರ ತಿಳಿಸಿದೆ.
48 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸುವ ಸುಶೀಲಾ 989 ಪಾಯಿಂಟ್ ಹೊಂದಿದ್ದು ಏಷ್ಯಾದ ಅಗ್ರ ಜೂಡೊ ಪಟುಗಳ ಪಟ್ಟಿಯಲ್ಲಿ ಏಳನೇ ಸ್ಥಾನ ಗಳಿಸಿದ್ದಾರೆ. ಏಷ್ಯಾದಿಂದ 10 ಮಂದಿಗೆ ಒಲಿಂಪಿಕ್ಸ್ನಲ್ಲಿ ಪಾಲ್ಗೊಳ್ಳುವ ಅವಕಾಶವಿದೆ. 26 ವರ್ಷದ ಸುಶೀಲಾ ಮೊದಲ ಬಾರಿ ಒಲಿಂಪಿಕ್ಸ್ನಲ್ಲಿ ಪಾಲ್ಗೊಳ್ಳಲಿದ್ದಾರೆ.
2016ರ ರಿಯೊ ಒಲಿಂಪಿಕ್ಸ್ನಲ್ಲಿ ಅವತಾರ್ ಸಿಂಗ್ (90 ಕೆಜಿ) ಭಾರತದ ಪರವಾಗಿ ಪಾಲ್ಗೊಂಡ ಏಕೈಕ ಜೂಡೊ ಪಟು ಆಗಿದ್ದರು.