<p><strong>ಕೆನ್ಬೆರ್ರಾ:</strong> ಶರ್ಮಿಳಾ ದೇವಿ ಗಳಿಸಿದ ಎರಡು ಗೋಲುಗಳ ನೆರವಿನಿಂದ ಭಾರತ ಜೂನಿಯರ್ ಮಹಿಳೆಯರು ನ್ಯೂಜಿಲೆಂಡ್ ತಂಡವನ್ನು 4–1ರಿಂದ ಮಣಿಸಿದರು. ಇಲ್ಲಿನ ನಡೆಯುತ್ತಿರುವ ಮೂರು ರಾಷ್ಟ್ರಗಳ ಹಾಕಿ ಟೂರ್ನಿಯಲ್ಲಿ ಶನಿವಾರ ಭಾರತಕ್ಕೆ ನ್ಯೂಜಿಲೆಂಡ್ ಸಾಟಿಯಾಗಲೇ ಇಲ್ಲ.</p>.<p>ಪಂದ್ಯದ ಆರಂಭದಲ್ಲೇ ಕಿವೀಸ್ ತಂಡಕ್ಕೆ ಮುನ್ನಡೆ ಸಿಕ್ಕಿತ್ತು. ಆ ತಂಡದ ಒಲಿವಿಯಾ ಶಾನನ್ ಅವರುನಾಲ್ಕನೇ ನಿಮಿಷದಲ್ಲಿ ಪೆನಾಲ್ಟಿ ಕಾರ್ನರ್ ಅವಕಾಶವನ್ನು ಗೋಲಾಗಿಸಿ ಸಂಭ್ರಮಿಸಿದರು. ಆದರೆ 12ನೇ ನಿಮಿಷದಲ್ಲಿ ಮೊದಲ ಯಶಸ್ಸು ಕಂಡ ಶರ್ಮಿಳಾ ದೇವಿ ಪಂದ್ಯ ಸಮಬಲಕ್ಕೆ ತಂದರು. ಆ ಬಳಿಕ ಎರಡೂ ತಂಡಗಳು ಜಿದ್ದಾಜಿದ್ದಿನ ಪೈಪೋಟಿ ನಡೆಸಿದವು.</p>.<p>ಎರಡನೇ ಕ್ವಾರ್ಟರ್ನಲ್ಲಿ ಸಿಕ್ಕ ಪೆನಾಲ್ಟಿ ಕಾರ್ನರ್ ಅನ್ನು (27ನೇ ನಿಮಿಷ) ಗೋಲಾಗಿ ಪರಿವರ್ತಿಸುವಲ್ಲಿ ಬ್ಯೂಟಿ ಡಂಗ್ಡಂಗ್ ತಪ್ಪು ಮಾಡಲಿಲ್ಲ. ಭಾರತಕ್ಕೆ 2–1 ಮುನ್ನಡೆ ದೊರೆಯಿತು. ಆ ಬಳಿಕ ನ್ಯೂಜಿಲೆಂಡ್ ತಂಡ ನಡೆಸಿದ ಎರಡು ಪ್ರಯತ್ನಗಳನ್ನು ಗೋಲ್ಕೀಪರ್ ಬಿಚುದೇವಿ ಕರಿಬಮ್ ತಡೆದರು.</p>.<p>43ನೇ ನಿಮಿಷದಲ್ಲಿ ಮತ್ತೊಮ್ಮೆ ಫೀಲ್ಡ್ ಗೋಲು ದಾಖಲಿಸಿದ ಶರ್ಮಿಳಾ ಭಾರತ ತಂಡದಲ್ಲಿ ಸಂತಸದ ನಗೆ ಚಿಮ್ಮಿಸಿದರು. ಆ ನಂತರ ಮತ್ತಷ್ಟು ಆಕ್ರಮಣಕಾರಿಯಾದ ತಂಡಕ್ಕೆ 48ನೇ ಪೆನಾಲ್ಟಿ ಕಾರ್ನರ್ ದೊರೆಯಿತು. ಯುವ ಆಟಗಾರ್ತಿ ಲಾಲ್ರಿಂದಿಕಿ ಅವರು ಎದುರಾಳಿ ಗೋಲ್ಕೀಪರ್ ಕೆಲ್ಲಿ ಕಾರ್ಲೈನ್ ಅವರನ್ನು ವಂಚಿಸಿ ಭಾರತಕ್ಕೆ ನಾಲ್ಕನೇ ಗೋಲು ಗಳಿಸಿಕೊಡುವಲ್ಲಿ ಯಶಸ್ವಿಯಾದರು.</p>.<p>ಭಾರತ ನಾಲ್ಕನೇ ಹಾಗೂ ಕೊನೆಯ ಪಂದ್ಯದಲ್ಲಿ ಭಾನುವಾರ ಆತಿಥೇಯ ಆಸ್ಟ್ರೇಲಿಯಾ ತಂಡವನ್ನು ಎದುರಿಸಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೆನ್ಬೆರ್ರಾ:</strong> ಶರ್ಮಿಳಾ ದೇವಿ ಗಳಿಸಿದ ಎರಡು ಗೋಲುಗಳ ನೆರವಿನಿಂದ ಭಾರತ ಜೂನಿಯರ್ ಮಹಿಳೆಯರು ನ್ಯೂಜಿಲೆಂಡ್ ತಂಡವನ್ನು 4–1ರಿಂದ ಮಣಿಸಿದರು. ಇಲ್ಲಿನ ನಡೆಯುತ್ತಿರುವ ಮೂರು ರಾಷ್ಟ್ರಗಳ ಹಾಕಿ ಟೂರ್ನಿಯಲ್ಲಿ ಶನಿವಾರ ಭಾರತಕ್ಕೆ ನ್ಯೂಜಿಲೆಂಡ್ ಸಾಟಿಯಾಗಲೇ ಇಲ್ಲ.</p>.<p>ಪಂದ್ಯದ ಆರಂಭದಲ್ಲೇ ಕಿವೀಸ್ ತಂಡಕ್ಕೆ ಮುನ್ನಡೆ ಸಿಕ್ಕಿತ್ತು. ಆ ತಂಡದ ಒಲಿವಿಯಾ ಶಾನನ್ ಅವರುನಾಲ್ಕನೇ ನಿಮಿಷದಲ್ಲಿ ಪೆನಾಲ್ಟಿ ಕಾರ್ನರ್ ಅವಕಾಶವನ್ನು ಗೋಲಾಗಿಸಿ ಸಂಭ್ರಮಿಸಿದರು. ಆದರೆ 12ನೇ ನಿಮಿಷದಲ್ಲಿ ಮೊದಲ ಯಶಸ್ಸು ಕಂಡ ಶರ್ಮಿಳಾ ದೇವಿ ಪಂದ್ಯ ಸಮಬಲಕ್ಕೆ ತಂದರು. ಆ ಬಳಿಕ ಎರಡೂ ತಂಡಗಳು ಜಿದ್ದಾಜಿದ್ದಿನ ಪೈಪೋಟಿ ನಡೆಸಿದವು.</p>.<p>ಎರಡನೇ ಕ್ವಾರ್ಟರ್ನಲ್ಲಿ ಸಿಕ್ಕ ಪೆನಾಲ್ಟಿ ಕಾರ್ನರ್ ಅನ್ನು (27ನೇ ನಿಮಿಷ) ಗೋಲಾಗಿ ಪರಿವರ್ತಿಸುವಲ್ಲಿ ಬ್ಯೂಟಿ ಡಂಗ್ಡಂಗ್ ತಪ್ಪು ಮಾಡಲಿಲ್ಲ. ಭಾರತಕ್ಕೆ 2–1 ಮುನ್ನಡೆ ದೊರೆಯಿತು. ಆ ಬಳಿಕ ನ್ಯೂಜಿಲೆಂಡ್ ತಂಡ ನಡೆಸಿದ ಎರಡು ಪ್ರಯತ್ನಗಳನ್ನು ಗೋಲ್ಕೀಪರ್ ಬಿಚುದೇವಿ ಕರಿಬಮ್ ತಡೆದರು.</p>.<p>43ನೇ ನಿಮಿಷದಲ್ಲಿ ಮತ್ತೊಮ್ಮೆ ಫೀಲ್ಡ್ ಗೋಲು ದಾಖಲಿಸಿದ ಶರ್ಮಿಳಾ ಭಾರತ ತಂಡದಲ್ಲಿ ಸಂತಸದ ನಗೆ ಚಿಮ್ಮಿಸಿದರು. ಆ ನಂತರ ಮತ್ತಷ್ಟು ಆಕ್ರಮಣಕಾರಿಯಾದ ತಂಡಕ್ಕೆ 48ನೇ ಪೆನಾಲ್ಟಿ ಕಾರ್ನರ್ ದೊರೆಯಿತು. ಯುವ ಆಟಗಾರ್ತಿ ಲಾಲ್ರಿಂದಿಕಿ ಅವರು ಎದುರಾಳಿ ಗೋಲ್ಕೀಪರ್ ಕೆಲ್ಲಿ ಕಾರ್ಲೈನ್ ಅವರನ್ನು ವಂಚಿಸಿ ಭಾರತಕ್ಕೆ ನಾಲ್ಕನೇ ಗೋಲು ಗಳಿಸಿಕೊಡುವಲ್ಲಿ ಯಶಸ್ವಿಯಾದರು.</p>.<p>ಭಾರತ ನಾಲ್ಕನೇ ಹಾಗೂ ಕೊನೆಯ ಪಂದ್ಯದಲ್ಲಿ ಭಾನುವಾರ ಆತಿಥೇಯ ಆಸ್ಟ್ರೇಲಿಯಾ ತಂಡವನ್ನು ಎದುರಿಸಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
