ನವದೆಹಲಿ: ಭಾರತದ ಮಹಿತ ಸಂಧು ಅವರು ಜರ್ಮನಿಯ ಹಾನೊವೆರ್ನಲ್ಲಿ ನಡೆಯುತ್ತಿರುವ ಶ್ರವಣದೋಷವುಳ್ಳವರ ವಿಶ್ವ ಶೂಟಿಂಗ್ ಚಾಂಪಿಯನ್ಷಿಪ್ನ ಮಹಿಳೆಯರ 50 ಮೀ ರೈಫಲ್ ಪ್ರಾನ್ ವಿಭಾಗದಲ್ಲಿ ಚಿನ್ನ ಗೆದ್ದರು.
ಪುರುಷರ 25 ಮೀ ಪಿಸ್ತೂಲ್ ಸ್ಪರ್ಧೆಯಲ್ಲಿ ಭಾರತದ ಅಭಿನವ್ ದೇಶ್ವಾಲ್ ಬೆಳ್ಳಿ ಗಳಿಸಿದರು.
ಈ ಎರಡು ಸಾಧನೆಗಳೊಂದಿಗೆ ಭಾರತವು ಇಲ್ಲಿ ಗೆದ್ದ ಪದಕಗಳ ಸಂಖ್ಯೆಯು 15ಕ್ಕೇರಿದೆ. ಇದರಲ್ಲಿ ನಾಲ್ಕು ಚಿನ್ನ, ಏಳು ಬೆಳ್ಳಿ ಮತ್ತು ನಾಲ್ಕು ಕಂಚಿನ ಪದಕಗಳಿವೆ.
