ಸಿಡ್ನಿ: ಶುಕ್ರವಾರ ಇಲ್ಲಿ ನಡೆದ ಮಹಿಳೆಯರ ಸಿಂಗಲ್ಸ್ನ ಕ್ವಾರ್ಟರ್ಫೈನಲ್ನಲ್ಲಿ ಅಮೆರಿಕದ ವಿಶ್ವದ 12ನೇ ಶ್ರೇಯಾಂಕಿತ ಆಟಗಾರ್ತಿ ಬೀವೆನ್ ಜಾಂಗ್ ವಿರುದ್ಧ ನೇರ ಸೆಟ್ಗಳಿಂದ ಸೋತ ನಂತರ ಎರಡು ಬಾರಿಯ ಒಲಿಂಪಿಕ್ ಪದಕ ವಿಜೇತೆ ಪಿವಿ ಸಿಂಧು ಆಸ್ಟ್ರೇಲಿಯಾ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಿಂದ ಹೊರಬಿದ್ದಿದ್ದಾರೆ. ಈ ಮೂಲಕ ಸಿಂಧು ಅವರ ಸೆಮಿಫೈನಲ್ ಆಸೆ ಭಗ್ನಗೊಂಡಿದೆ.
4.2 ಲಕ್ಷ ಡಾಲರ್ ಮೊತ್ತದ ಸೂಪರ್ 500 ಟೂರ್ನಮೆಂಟ್ನ 39 ನಿಮಿಷಗಳ ಆಟದಲ್ಲಿ 12-21 17-21 ಸೆಟ್ಗಳಿಂದ ಸಿಂಧು ಸೋತರು.
ಬೀವೆನ್ ಜಾಂಗ್ ವಿರುದ್ಧದ ಕಳೆದ 10 ಬಾರಿಯ ಸೆಣೆಸಾಟದಲ್ಲಿ ಸಿಂಧು ಆರು ಬಾರಿ ಗೆದ್ದಿದ್ದರು.
ಪಂದ್ಯಾವಳಿಯ ಮೊದಲ ಎರಡು ಸುತ್ತುಗಳಲ್ಲಿ ಅಶ್ಮಿತಾ ಚಲಿಹಾ ಮತ್ತು ಆಕರ್ಷಿ ಕಶ್ಯಪ್ ಅವರನ್ನು ಸಿಂಧು ಮಣಿಸಿದ್ದರು. ಆದರೆ, ಅಮೆರಿಕದ ಆಟಗಾರ್ತಿ ವಿರುದ್ಧದ ಈ ಸೋಲು ಡೆನ್ಮಾರ್ಕ್ನ ಕೋಪನ್ಹೇಗನ್ನಲ್ಲಿ ನಡೆಯಲಿರುವ ವಿಶ್ವ ಚಾಂಪಿಯನ್ಶಿಪ್ಗೂ ಮುನ್ನ ಸಿಂಧು ಅವರಿಗೆ ದೊಡ್ಡ ನಿರಾಶೆಯನ್ನುಂಟುಮಾಡಿದೆ.