ನವದೆಹಲಿ: ಇಂಡೋನೇಷ್ಯಾದಲ್ಲಿ ನಡೆಯಲಿರುವ ಏಷ್ಯನ್ ಗೇಮ್ಸ್ನಲ್ಲಿ ಸ್ಪರ್ಧಿಸಲಿರುವ ಭಾರತ ಟೇಬಲ್ ಟೆನಿಸ್ ತಂಡದಲ್ಲಿ ಅಚಂತಾ ಶರತ್ ಕಮಲ್ ಮತ್ತು ಮಣಿಕಾ ಬಾತ್ರಾ ಸ್ಥಾನ ಪಡೆದುಕೊಂಡಿದ್ದಾರೆ.
ಒಟ್ಟು 10 ಆಟಗಾರರ ಟೇಬಲ್ ಟೆನಿಸ್ ತಂಡವನ್ನು ಭಾರತದ ಟೇಬಲ್ ಟೆನಿಸ್ ಫೇಡರೇಷನ್ (ಟಿಟಿಎಫ್ಐ) ಬುಧವಾರ ಪ್ರಕಟಿಸಿದೆ.
ಪುರುಷರ ತಂಡದಲ್ಲಿ ಸನಿಲ್ ಶೆಟ್ಟಿ ಬದಲಿಗೆ ಮಾನವ್ ಠಕ್ಕರ್ ಹಾಗೂ ಮಹಿಳೆಯರ ತಂಡದಲ್ಲಿ ಪೂಜಾ ಸಹಸ್ರಬುದ್ಧೆ ಬದಲಿಗೆ ಐಹಿಕಾ ಮುಖರ್ಜಿ ಅವರನ್ನು ಆಯ್ಕೆ ಮಾಡಲಾಗಿದೆ. ಅತ್ಯಾಚಾರದ ಆರೋಪ ಎದುರಿಸುತ್ತಿರುವ ಸೌಮ್ಯಜಿತ್ ಘೋಷ್ ಅವರಿಗೆ ಸ್ಥಾನ ದೊರೆತಿಲ್ಲ.ಆಗಸ್ಟ್ 18ರಿಂದ ಕೂಟವು ಆರಂಭವಾಗಲಿದೆ.