ಗಾಲ್ಫ್‌: ತ್ವೇಸಾ ಮಲಿಕ್‌ಗೆ ಪ್ರಶಸ್ತಿ

ಬೆಂಗಳೂರು ಗಾಲ್ಫ್‌ ಕ್ಲಬ್‌ನಲ್ಲಿ ಶುಕ್ರವಾರ ನಡೆದ ಕೊನೆಯ ಸುತ್ತಿನ ಸ್ಪರ್ಧೆಯನ್ನು ಅವರು 64 ಸ್ಟ್ರೋಕ್‌ಗಳೊಂದಿಗೆ (3 ಅಂಡರ್‌) ಕೊನೆಗೊಳಿಸಿದರು. ಮೂರು ಸುತ್ತುಗಳಲ್ಲಿ ಒಟ್ಟು 202 ಸ್ಟ್ರೋಕ್‌ಗಳೊಂದಿಗೆ (1 ಓವರ್) ಅಗ್ರಸ್ಥಾನ ಪಡೆದರು.

ತ್ವೇಸಾ ಅವರು ಹೀರೊ ಮಹಿಳಾ ಪ್ರೊ ಗಾಲ್ಫ್‌ ಟೂರ್‌ನ ಕೊನೆಯ ಪ್ರಶಸ್ತಿಯನ್ನು 2021ರ ಮಾರ್ಚ್‌ನಲ್ಲಿ ಜಯಿಸಿದ್ದರು. ಈ ಋತುವಿನಲ್ಲಿ ಅವರು ಗೆದ್ದ ಮೊದಲ ಪ್ರಶಸ್ತಿ ಇದು.

ಬೆಂಗಳೂರಿನ ದುರ್ಗಾ ನಿಟ್ಟೂರ್ (205) ಅವರು ಎರಡನೇ ಸ್ಥಾನ ಪಡೆದರೆ, ಸ್ನೇಹಾ ಸಿಂಗ್ (207) ಮೂರನೇ ಸ್ಥಾನ ತಮ್ಮದಾಗಿಸಿಕೊಂಡರು.