ಬ್ಯಾಂಕಾಕ್:ಏಷ್ಯನ್ ಬಾಕ್ಸಿಂಗ್ ಚಾಂಪಿಯನ್ಷಿಪ್ ಟೂರ್ನಿಯಲ್ಲಿ ಭಾರತದ ಆರು ಬಾಕ್ಸರ್ಗಳು ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು.
ಶನಿವಾರ ನಡೆದ ಟೂರ್ನಿಯ 60 ಕೆ.ಜಿ ವಿಭಾಗದಲ್ಲಿ ಶಿವ ಥಾಪ ಅವರು ದಕ್ಷಿಣ ಕೊರಿಯಾದ ಕಿಮ್ ವೊನ್ಹೋ ಅವರನ್ನು 4–1ರಿಂದ ಸೋಲಿಸುವ ಮೂಲಕ ಭಾರತಕ್ಕೆ ಉತ್ತಮ ಆರಂಭ ಒದಗಿಸಿಕೊಟ್ಟರು.
ರೋಹಿತ್ ಟೋಕಸ್ ಅವರು 64 ಕೆ.ಜಿ ವಿಭಾಗದಲ್ಲಿ 5–0ರಿಂದ ಅಫ್ಘಾನಿಸ್ಥಾನದ ನೂರಿಸ್ತಾನಿ ಮೊಹಮ್ಮದ್ ಕಬೀರ್ ವಿರುದ್ಧ ಜಯ ಸಾಧಿಸಿದರು. ವೇಗ ಮತ್ತು ಆಕ್ರಮಣಕಾರಿ ಪಂಚ್ ಮೂಲಕ ಗಮನ ಸೆಳೆದರು.
ಮ್ಯಾಕ್ರಾನ್ ಕಪ್ನ ಚಿನ್ನದ ಪದಕ ವಿಜೇತ ಬಾಕ್ಸರ್ ದೀಪಕ್ ತಮ್ಮ ಜಯದ ಅಭಿಯಾನವನ್ನು ಮುಂದುವರಿಸಿದ್ದು, ಶ್ರೀಲಂಕಾದ ಮುತುನಕ ಪಿಡಿ ಗೆದಾರ ವಿರುದ್ಧ 5–0ಯಿಂದ ಗೆದ್ದರು.75 ಕೆ.ಜಿ ವಿಭಾಗದಲ್ಲಿ ಆಶೀಶ್ ಕುಮಾರ್ ಚೀನಾದ ತಾಂಗ್ಲತಿಹಾನ್ ತಾವೋಹಿತರ್ಬಯ್ಕೆ ಅವರನ್ನು 3–2ರಿಂದ ಮಣಿಸಿದರು.
ಮಹಿಳೆಯರ ಬಾಕ್ಸಿಂಗ್ನ 54 ಕೆ.ಜಿ ವಿಭಾಗದಲ್ಲಿ ಮನೀಷಾ ಮೌನ್ ಅವರು ವಿಯಟ್ನಾಂನ ದೊ ನಾ ಉಯೇನ್ ಅವರನ್ನು 5–0ರಿಂದ ಸೋಲಿಸಿದರು. ಲವ್ಲಿನಾ ಬೊರ್ಗೋಹಿನ್ ಅವರು ವಿಯೆಟ್ನಾಂನ ತ್ರನ್ ಥಿ ಲಿನಾ ವಿರುದ್ಧ 5–0ರಿಂದ ಜಯ ಸಾಧಿಸಿದರು.
ನೀತೂಗೆ ನಿರಾಸೆ: ಮಹಿಳೆಯರ ಬಾಕ್ಸಿಂಗ್ನ 48 ಕೆ.ಜಿ ವಿಭಾಗದಲ್ಲಿ ನೀತೂ ಅವರಿಗೆ ನಿರಾಸೆಯಾಯಿತು. ತೈವಾನ್ ಪಿನ್ ಮೆಂಗ್–ಚೇ ವಿರುದ್ಧ 1–4 ಅಂತರದಲ್ಲಿ ಸೋತರು.