<p><strong>ನವದೆಹಲಿ: </strong>ದೆಹಲಿಯ ಪೂರ್ವಭಾಗದಲ್ಲಿ ನಿರ್ಮಾಣವಾದ ಎಕ್ಸ್ಪ್ರೆಸ್ ಹೆದ್ದಾರಿಯ ಉದ್ಘಾಟನೆ ತಡವಾದುದಕ್ಕೆ ಕೆಂಡಾಮಂಡಲವಾದ ಸುಪ್ರಿಂಕೋರ್ಟ್ ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರವನ್ನು (NHAI) ತರಾಟೆಗೆ ತೆಗೆದುಕೊಂಡಿದೆ.</p>.<p>ಇದುವರೆಗೂ ಯಾಕೆ ಹೆದ್ದಾರಿಯನ್ನು ಉದ್ಘಾಟಿಸಲಿಲ್ಲ ಎಂದು ಕೇಳಿದ ಸುಪ್ರಿಂ, ಉದ್ಘಾಟನೆಗೆ ಪ್ರಧಾನಿ ನರೇಂದ್ರ ಮೋದಿಯವರನ್ನೇ ಯಾಕೆ ಕಾಯುತ್ತಿದ್ದೀರಿ? ಎಂದು ನ್ಯಾಯಮೂರ್ತಿಗಳಾದ ಮದನ್ ಬಿ ಲೋಕುರ್ ಹಾಗೂ ದೀಪಕ್ ಗುಪ್ತಾ ನೇತೃತ್ವದ ಪೀಠ ಮಾಲಿನ್ಯ ಸಂಬಂಧ ನಡೆಯುತ್ತಿದ್ದ ವಿಚಾರಣೆ ವೇಳೆ ಪ್ರಶ್ನಿಸಿದೆ.</p>.<p>ಇದಕ್ಕೆ ಪ್ರತಿಕ್ರಿಯಿಸಿದ ಪ್ರಾಧಿಕಾರವು ಏ.29ರಂದು ಉದ್ಘಾಟನೆ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು. ಆದರೆ ಮೋದಿ ಅವರು ಬೇರೆ ಕಾರ್ಯಗಳಲ್ಲಿ ನಿರತರಾದ ಕಾರಣ ಉದ್ಘಾಟನೆ ನಡೆಯಲಿಲ್ಲ ಎಂದು ತಿಳಿಸಿತು.</p>.<p>ಮೇಘಾಲಯ ಹೈಕೋರ್ಟ್ ಯಾವುದೇ ಅಧಿಕೃತ ಉದ್ಘಾಟನೆಯಿಲ್ಲದೇ ಸತತ ಐದು ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿರುವ ಬಗ್ಗೆ ನಿದರ್ಶನ ನೀಡಿದ ಪೀಠ ಯಾಕೆ ಹೆದ್ದಾರಿಯ ಉದ್ಘಾಟನೆಗೆ ಕಾಯಬೇಕು ಎಂದು ಕೇಳಿದೆ.</p>.<p>ಈಗಾಗಲೇ ದೆಹಲಿ ಟ್ರಾಫಿಕ್ ಸಮಸ್ಯೆಯಿಂದ ಹೈರಾಣವಾಗಿದೆ. ಹೆದ್ದಾರಿಯ ಉದ್ಘಾಟನೆ ತಡವಾದಲ್ಲಿ ಜನರು ಆಸಕ್ತಿ ಕಳೆದುಕೊಳ್ಳುವ ಸಾಧ್ಯತೆ ಇದೆ. ಆದ ಕಾರಣ ಯಾರಿಗೂ ಕಾಯದೇ ಇದೇ ಮೇ31 ಅಥವಾ ಅಷ್ಟರೊಳಗೆ ಹೆದ್ದಾರಿಯ ಉದ್ಘಾಟನೆ ನಡೆಯಬೇಕು ಎಂದು ಸುಪ್ರೀಂ, ಪ್ರಾಧಿಕಾರಕ್ಕೆ ನಿರ್ದೇಶನ ನೀಡಿದೆ.</p>.<p>ಟ್ರಾಫಿಕ್ ನಿಯಂತ್ರಣಕ್ಕೆ ನಗರದ ಹೊರಗೆ ಪೂರ್ವ ಪೆರಿಪೆರಲ್ ಕಾರಿಡಾರ್ ಒಳಗೊಂಡಂತೆ 135 ಕಿ.ಮೀ ಉದ್ದದ ಎಕ್ಸ್ಪ್ರೆಸ್ ಹೆದ್ದಾರಿ ನಿರ್ಮಾಣಕ್ಕೆ ಸುಪ್ರಿಂಕೋರ್ಟ್ 2006ರಲ್ಲೇ ಆದೇಶ ಹೊರಡಿಸಿತ್ತು. ಆದರೆ 2015ರಲ್ಲಿ ₹5763 ವೆಚ್ಚದಲ್ಲಿ ಪೂರ್ವ ಪೆರಿಪೆರಲ್ ಕಾರಿಡಾರ್ ನಿರ್ಮಾಣ ಕಾಮಗಾರಿ ಆರಂಭಿಸಿದ ಸರ್ಕಾರ 400 ದಿನಗಳ ಗಡುವು ನೀಡಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ದೆಹಲಿಯ ಪೂರ್ವಭಾಗದಲ್ಲಿ ನಿರ್ಮಾಣವಾದ ಎಕ್ಸ್ಪ್ರೆಸ್ ಹೆದ್ದಾರಿಯ ಉದ್ಘಾಟನೆ ತಡವಾದುದಕ್ಕೆ ಕೆಂಡಾಮಂಡಲವಾದ ಸುಪ್ರಿಂಕೋರ್ಟ್ ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರವನ್ನು (NHAI) ತರಾಟೆಗೆ ತೆಗೆದುಕೊಂಡಿದೆ.</p>.<p>ಇದುವರೆಗೂ ಯಾಕೆ ಹೆದ್ದಾರಿಯನ್ನು ಉದ್ಘಾಟಿಸಲಿಲ್ಲ ಎಂದು ಕೇಳಿದ ಸುಪ್ರಿಂ, ಉದ್ಘಾಟನೆಗೆ ಪ್ರಧಾನಿ ನರೇಂದ್ರ ಮೋದಿಯವರನ್ನೇ ಯಾಕೆ ಕಾಯುತ್ತಿದ್ದೀರಿ? ಎಂದು ನ್ಯಾಯಮೂರ್ತಿಗಳಾದ ಮದನ್ ಬಿ ಲೋಕುರ್ ಹಾಗೂ ದೀಪಕ್ ಗುಪ್ತಾ ನೇತೃತ್ವದ ಪೀಠ ಮಾಲಿನ್ಯ ಸಂಬಂಧ ನಡೆಯುತ್ತಿದ್ದ ವಿಚಾರಣೆ ವೇಳೆ ಪ್ರಶ್ನಿಸಿದೆ.</p>.<p>ಇದಕ್ಕೆ ಪ್ರತಿಕ್ರಿಯಿಸಿದ ಪ್ರಾಧಿಕಾರವು ಏ.29ರಂದು ಉದ್ಘಾಟನೆ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು. ಆದರೆ ಮೋದಿ ಅವರು ಬೇರೆ ಕಾರ್ಯಗಳಲ್ಲಿ ನಿರತರಾದ ಕಾರಣ ಉದ್ಘಾಟನೆ ನಡೆಯಲಿಲ್ಲ ಎಂದು ತಿಳಿಸಿತು.</p>.<p>ಮೇಘಾಲಯ ಹೈಕೋರ್ಟ್ ಯಾವುದೇ ಅಧಿಕೃತ ಉದ್ಘಾಟನೆಯಿಲ್ಲದೇ ಸತತ ಐದು ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿರುವ ಬಗ್ಗೆ ನಿದರ್ಶನ ನೀಡಿದ ಪೀಠ ಯಾಕೆ ಹೆದ್ದಾರಿಯ ಉದ್ಘಾಟನೆಗೆ ಕಾಯಬೇಕು ಎಂದು ಕೇಳಿದೆ.</p>.<p>ಈಗಾಗಲೇ ದೆಹಲಿ ಟ್ರಾಫಿಕ್ ಸಮಸ್ಯೆಯಿಂದ ಹೈರಾಣವಾಗಿದೆ. ಹೆದ್ದಾರಿಯ ಉದ್ಘಾಟನೆ ತಡವಾದಲ್ಲಿ ಜನರು ಆಸಕ್ತಿ ಕಳೆದುಕೊಳ್ಳುವ ಸಾಧ್ಯತೆ ಇದೆ. ಆದ ಕಾರಣ ಯಾರಿಗೂ ಕಾಯದೇ ಇದೇ ಮೇ31 ಅಥವಾ ಅಷ್ಟರೊಳಗೆ ಹೆದ್ದಾರಿಯ ಉದ್ಘಾಟನೆ ನಡೆಯಬೇಕು ಎಂದು ಸುಪ್ರೀಂ, ಪ್ರಾಧಿಕಾರಕ್ಕೆ ನಿರ್ದೇಶನ ನೀಡಿದೆ.</p>.<p>ಟ್ರಾಫಿಕ್ ನಿಯಂತ್ರಣಕ್ಕೆ ನಗರದ ಹೊರಗೆ ಪೂರ್ವ ಪೆರಿಪೆರಲ್ ಕಾರಿಡಾರ್ ಒಳಗೊಂಡಂತೆ 135 ಕಿ.ಮೀ ಉದ್ದದ ಎಕ್ಸ್ಪ್ರೆಸ್ ಹೆದ್ದಾರಿ ನಿರ್ಮಾಣಕ್ಕೆ ಸುಪ್ರಿಂಕೋರ್ಟ್ 2006ರಲ್ಲೇ ಆದೇಶ ಹೊರಡಿಸಿತ್ತು. ಆದರೆ 2015ರಲ್ಲಿ ₹5763 ವೆಚ್ಚದಲ್ಲಿ ಪೂರ್ವ ಪೆರಿಪೆರಲ್ ಕಾರಿಡಾರ್ ನಿರ್ಮಾಣ ಕಾಮಗಾರಿ ಆರಂಭಿಸಿದ ಸರ್ಕಾರ 400 ದಿನಗಳ ಗಡುವು ನೀಡಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
