ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಸುಶೀಲ್ ಕುಮಾರ್ ಮಾತ್ರ ಭಾರತದ ಪರವಾಗಿ ಚಿನ್ನ ಗೆದ್ದಿದ್ದಾರೆ. ಚಿನ್ನದ ಸಾಧನೆ ಮಾಡಿದ ಎರಡನೇ ಕುಸ್ತಿಪಟು ಎಂಬ ಹಿರಿಮೆಯನ್ನು ತಮ್ಮದಾಗಿಸಿಕೊಳ್ಳುವ ಭರವಸೆಯೊಂದಿಗೆ ಬಜರಂಗ್ ಸ್ಪರ್ಧೆಗೆ ಇಳಿದಿದ್ದರು.ಫೈನಲ್ನಲ್ಲಿ ಗೆದ್ದಿದ್ದರೆ ಒಂದೇ ವರ್ಷದಲ್ಲಿ ಎಲ್ಲ ಪ್ರಮುಖ ಟೂರ್ನಿಗಳಲ್ಲೂ ಚಿನ್ನ ಗೆದ್ದ ಮೊದಲ ಭಾರತೀಯ ಎಂಬ ದಾಖಲೆಯೂ ಅವರದಾಗುತ್ತಿತ್ತು. ಆದರೆ 24 ವರ್ಷದ ಬಜರಂಗ್ ಜಪಾನ್ನ ‘ಎಳೆಯ’ ಪೈಲ್ವಾನನ ಮುಂದೆ ನಿರುತ್ತರರಾದರು.