<p><strong>ಭುವನೇಶ್ವರ:</strong> ಆಟದ ಎಲ್ಲಾ ವಿಭಾಗಗಳಲ್ಲೂ ಪ್ರಾಬಲ್ಯ ಮೆರೆದ ನೆದರ್ಲೆಂಡ್ಸ್ ತಂಡ ಹಾಕಿ ವಿಶ್ವಕಪ್ನ ಪಂದ್ಯದಲ್ಲಿ ಗೆದ್ದಿದೆ.</p>.<p>ಕಳಿಂಗ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ‘ಡಿ’ ಗುಂಪಿನ ಹಣಾಹಣಿಯಲ್ಲಿ ನೆದರ್ಲೆಂಡ್ಸ್ 5–1 ಗೋಲುಗಳಿಂದ ಪಾಕಿಸ್ತಾನವನ್ನು ಸೋಲಿಸಿತು.</p>.<p>ವಿಶ್ವಕಪ್ನಲ್ಲಿ ಈ ಹಿಂದೆ ಉಭಯ ತಂಡಗಳು 10 ಸಲ ಮುಖಾಮುಖಿಯಾಗಿದ್ದವು. ಈ ಪೈಕಿ ಪಾಕ್ ಆರರಲ್ಲಿ ಗೆದ್ದಿತ್ತು.</p>.<p>ಕ್ವಾರ್ಟರ್ ಫೈನಲ್ಗೆ ನೇರ ಅರ್ಹತೆ ಗಳಿಸುವ ಗುರಿಯೊಂದಿಗೆ ಅಂಗಳಕ್ಕಿಳಿದಿದ್ದ ನೆದರ್ಲೆಂಡ್ಸ್ ಏಳನೇ ನಿಮಿಷದಲ್ಲಿ ಖಾತೆ ತೆರೆಯಿತು. ಥಿಯೆರಿ ಬ್ರಿಂಕ್ಮನ್ ಗೋಲು ಗಳಿಸಿದರು. ಈ ಖುಷಿ ಎದುರಾಳಿ ಪಾಳಯದಲ್ಲಿ ಹೆಚ್ಚು ಸಮಯ ಉಳಿಯಲು ಪಾಕ್ ತಂಡದ ಉಮರ್ ಭಟ್ ಅವಕಾಶ ನೀಡಲಿಲ್ಲ. ಒಂಬತ್ತನೇ ನಿಮಿಷದಲ್ಲಿ ಲಭಿಸಿದ ಪೆನಾಲ್ಟಿ ಕಾರ್ನರ್ ಅವಕಾಶವನ್ನು ಗೋಲಾಗಿ ಪರಿವರ್ತಿಸಿದ ಅವರು 1–1 ಸಮಬಲಕ್ಕೆ ಕಾರಣರಾದರು.</p>.<p>ನಂತರ ಉಭಯ ತಂಡಗಳು ಜಿದ್ದಾಜಿದ್ದಿನ ಪೈಪೋಟಿ ನಡೆಸಿದವು. ಎರಡನೇ ಕ್ವಾರ್ಟರ್ನಲ್ಲಿ ನೆದರ್ಲೆಂಡ್ಸ್ ಮೋಡಿ ಮಾಡಿತು. ಈ ತಂಡದ ವ್ಯಾಲೆಂಟಿನ್ ವೆರ್ಗಾ 27ನೇ ನಿಮಿಷದಲ್ಲಿ ಗೋಲು ಬಾರಿಸಿ 2–1 ಮುನ್ನಡೆಗೆ ಕಾರಣರಾದರು. 37ನೇ ನಿಮಿಷದಲ್ಲಿ ಬಾಬ್ ಡಿ ವೂಗ್ಡ್ ಕೈಚಳಕ ತೋರಿದರು. ಹೀಗಾಗಿ ಮುನ್ನಡೆ 3–0ಗೆ ಹೆಚ್ಚಿತು.</p>.<p>ಅಂತಿಮ ಕ್ವಾರ್ಟರ್ನಲ್ಲೂ ನೆದರ್ಲೆಂಡ್ಸ್ ಆಟಗಾರರು ಅಬ್ಬರಿಸಿದರು. 47ನೇ ನಿಮಿಷದಲ್ಲಿ ಈ ತಂಡಕ್ಕೆ ಪೆನಾಲ್ಟಿ ಕಾರ್ನರ್ ಲಭಿಸಿತು. ಈ ಅವಕಾಶದಲ್ಲಿ ಜೋರಿಟ್ ಕ್ರೂನ್ ಚೆಂಡನ್ನು ಗುರಿ ಸೇರಿಸಿದರು. 59ನೇ ನಿಮಿಷದಲ್ಲಿ ಸಿಕ್ಕ ಪೆನಾಲ್ಟಿ ಕಾರ್ನರ್ ಅವಕಾಶವನ್ನು ವ್ಯಾನ್ ಡರ್ ವೀರ್ಡನ್ ಮಿಂಕ್ ಗೋಲಾಗಿ ಪರಿವರ್ತಿಸಿ ತಂಡದ ಸಂಭ್ರಮಕ್ಕೆ ಕಾರಣರಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಭುವನೇಶ್ವರ:</strong> ಆಟದ ಎಲ್ಲಾ ವಿಭಾಗಗಳಲ್ಲೂ ಪ್ರಾಬಲ್ಯ ಮೆರೆದ ನೆದರ್ಲೆಂಡ್ಸ್ ತಂಡ ಹಾಕಿ ವಿಶ್ವಕಪ್ನ ಪಂದ್ಯದಲ್ಲಿ ಗೆದ್ದಿದೆ.</p>.<p>ಕಳಿಂಗ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ‘ಡಿ’ ಗುಂಪಿನ ಹಣಾಹಣಿಯಲ್ಲಿ ನೆದರ್ಲೆಂಡ್ಸ್ 5–1 ಗೋಲುಗಳಿಂದ ಪಾಕಿಸ್ತಾನವನ್ನು ಸೋಲಿಸಿತು.</p>.<p>ವಿಶ್ವಕಪ್ನಲ್ಲಿ ಈ ಹಿಂದೆ ಉಭಯ ತಂಡಗಳು 10 ಸಲ ಮುಖಾಮುಖಿಯಾಗಿದ್ದವು. ಈ ಪೈಕಿ ಪಾಕ್ ಆರರಲ್ಲಿ ಗೆದ್ದಿತ್ತು.</p>.<p>ಕ್ವಾರ್ಟರ್ ಫೈನಲ್ಗೆ ನೇರ ಅರ್ಹತೆ ಗಳಿಸುವ ಗುರಿಯೊಂದಿಗೆ ಅಂಗಳಕ್ಕಿಳಿದಿದ್ದ ನೆದರ್ಲೆಂಡ್ಸ್ ಏಳನೇ ನಿಮಿಷದಲ್ಲಿ ಖಾತೆ ತೆರೆಯಿತು. ಥಿಯೆರಿ ಬ್ರಿಂಕ್ಮನ್ ಗೋಲು ಗಳಿಸಿದರು. ಈ ಖುಷಿ ಎದುರಾಳಿ ಪಾಳಯದಲ್ಲಿ ಹೆಚ್ಚು ಸಮಯ ಉಳಿಯಲು ಪಾಕ್ ತಂಡದ ಉಮರ್ ಭಟ್ ಅವಕಾಶ ನೀಡಲಿಲ್ಲ. ಒಂಬತ್ತನೇ ನಿಮಿಷದಲ್ಲಿ ಲಭಿಸಿದ ಪೆನಾಲ್ಟಿ ಕಾರ್ನರ್ ಅವಕಾಶವನ್ನು ಗೋಲಾಗಿ ಪರಿವರ್ತಿಸಿದ ಅವರು 1–1 ಸಮಬಲಕ್ಕೆ ಕಾರಣರಾದರು.</p>.<p>ನಂತರ ಉಭಯ ತಂಡಗಳು ಜಿದ್ದಾಜಿದ್ದಿನ ಪೈಪೋಟಿ ನಡೆಸಿದವು. ಎರಡನೇ ಕ್ವಾರ್ಟರ್ನಲ್ಲಿ ನೆದರ್ಲೆಂಡ್ಸ್ ಮೋಡಿ ಮಾಡಿತು. ಈ ತಂಡದ ವ್ಯಾಲೆಂಟಿನ್ ವೆರ್ಗಾ 27ನೇ ನಿಮಿಷದಲ್ಲಿ ಗೋಲು ಬಾರಿಸಿ 2–1 ಮುನ್ನಡೆಗೆ ಕಾರಣರಾದರು. 37ನೇ ನಿಮಿಷದಲ್ಲಿ ಬಾಬ್ ಡಿ ವೂಗ್ಡ್ ಕೈಚಳಕ ತೋರಿದರು. ಹೀಗಾಗಿ ಮುನ್ನಡೆ 3–0ಗೆ ಹೆಚ್ಚಿತು.</p>.<p>ಅಂತಿಮ ಕ್ವಾರ್ಟರ್ನಲ್ಲೂ ನೆದರ್ಲೆಂಡ್ಸ್ ಆಟಗಾರರು ಅಬ್ಬರಿಸಿದರು. 47ನೇ ನಿಮಿಷದಲ್ಲಿ ಈ ತಂಡಕ್ಕೆ ಪೆನಾಲ್ಟಿ ಕಾರ್ನರ್ ಲಭಿಸಿತು. ಈ ಅವಕಾಶದಲ್ಲಿ ಜೋರಿಟ್ ಕ್ರೂನ್ ಚೆಂಡನ್ನು ಗುರಿ ಸೇರಿಸಿದರು. 59ನೇ ನಿಮಿಷದಲ್ಲಿ ಸಿಕ್ಕ ಪೆನಾಲ್ಟಿ ಕಾರ್ನರ್ ಅವಕಾಶವನ್ನು ವ್ಯಾನ್ ಡರ್ ವೀರ್ಡನ್ ಮಿಂಕ್ ಗೋಲಾಗಿ ಪರಿವರ್ತಿಸಿ ತಂಡದ ಸಂಭ್ರಮಕ್ಕೆ ಕಾರಣರಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
