ಗುರುವಾರ , ಆಗಸ್ಟ್ 5, 2021
24 °C

ಚೆಸ್‌: ಮೆಂಡೋಕಾ ರನ್ನರ್‌ ಅಪ್‌

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಚೆನ್ನೈ: ಭಾರತದ ಇಂಟರ್‌ನ್ಯಾಷನಲ್‌ ಮಾಸ್ಟರ್‌ ಲಯನ್‌ ಲ್ಯೂಕ್‌ ಮೆಂಡೋಕಾ, ಸರ್ಬಿಯಾದಲ್ಲಿ ನಡೆದ ಪಾರಸಿನ್‌ ಓಪನ್‌ ಚೆಸ್‌ ಟೂರ್ನಿಯಲ್ಲಿ ರನ್ನರ್ ಅಪ್‌ ಆಗಿದ್ದಾರೆ.

ಗೋವಾದ 14 ವರ್ಷ ವಯಸ್ಸಿನ ಆಟಗಾರ, ಒಂಬತ್ತು ಸುತ್ತುಗಳಿಂದ ಒಟ್ಟು ಏಳು ಪಾಯಿಂಟ್ಸ್‌ ಕಲೆಹಾಕಿದರು.

ಭಾರತ ಸರ್ಕಾರವು ಅಂತರರಾಷ್ಟ್ರೀಯ ವಿಮಾನಯಾನದ ಮೇಲೆ ನಿರ್ಬಂಧ ಹೇರಿರುವ ಕಾರಣ ಮೆಂಡೋಕಾ ಹಾಗೂ ಅವರ ತಂದೆ ಲಿಂಡನ್‌ ಅವರು ಮೂರು ತಿಂಗಳುಗಳಿಂದ ಹಂಗರಿಯಲ್ಲಿ ಸಿಲುಕಿಕೊಂಡಿದ್ದಾರೆ.

ಜೂನ್‌ನಲ್ಲಿ ನಡೆದಿದ್ದ ಬಾಲಾಟನ್‌ ಚೆಸ್‌ ಉತ್ಸವದಲ್ಲಿ ಪಾಲ್ಗೊಂಡು ಪ್ರಶಸ್ತಿ ಗೆದ್ದಿದ್ದ ಮೆಂಡೋಕಾ ಅವರು ಶನಿವಾರದಿಂದ ಪಾರಸಿನ್‌ನಲ್ಲಿ ನಡೆಯುವ ಜಿಎಂ ರೌಂಡ್‌ ರಾಬಿನ್‌ ಟೂರ್ನಿಯಲ್ಲಿ ಸ್ಪರ್ಧಿಸಲಿದ್ದಾರೆ.

‘ಈ ಟೂರ್ನಿಯಲ್ಲಿ ನನ್ನಿಂದ ಉತ್ತಮ ಸಾಮರ್ಥ್ಯ ಮೂಡಿಬಂದಿದೆ. ಐದು ಪಂದ್ಯಗಳಲ್ಲಿ ಗೆದ್ದಿದ್ದರಿಂದ ತುಂಬಾ ಖುಷಿಯಾಗಿದೆ. ಅಂತಿಮ ಸುತ್ತಿನಲ್ಲಿ ಪರಿಣಾಮಕಾರಿಯಾಗಿ ಆಡಿದ್ದರೆ ಗ್ರ್ಯಾಂಡ್‌ ಮಾಸ್ಟರ್‌ ನಾರ್ಮ್‌ ಗಿಟ್ಟಿಸಿಕೊಳ್ಳಬಹುದಿತ್ತು. ಅದು ಕೈತಪ್ಪಿದ್ದಕ್ಕೆ ಕೊಂಚ ಬೇಸರವೂ ಆಗಿದೆ’ ಎಂದು ಮೆಂಡೋಕಾ ಹೇಳಿದ್ದಾರೆ.

ಮೆಂಡೋಕಾ ಅವರು ಏರೊಫ್ಲಾಟ್‌ ಓಪನ್‌ ಟೂರ್ನಿಯಲ್ಲಿ ಪಾಲ್ಗೊಳ್ಳುವ ಸಲುವಾಗಿ ಈ ವರ್ಷದ ಫೆಬ್ರುವರಿಯಲ್ಲಿ ಮಾಸ್ಕೊಗೆ ತೆರಳಿದ್ದರು. ವಿಯೆಟ್ನಾಂನಲ್ಲಿ ನಿಗದಿಯಾಗಿದ್ದ ಟೂರ್ನಿಯೊಂದು ರದ್ದಾಗಿದ್ದರಿಂದ ಅವರು ಬುಡಾಪೆಸ್ಟ್‌ಗೆ ಪ್ರಯಾಣ ಬೆಳೆಸಿದ್ದರು. 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.