ಡ್ರಾ ಸಾಧಿಸಿದ ಕಿರಿಯರ ಹಾಕಿ ತಂಡ

ಮಂಗಳವಾರ, ಜೂನ್ 18, 2019
23 °C

ಡ್ರಾ ಸಾಧಿಸಿದ ಕಿರಿಯರ ಹಾಕಿ ತಂಡ

Published:
Updated:

ಬ್ಯಾರನೊವಿಚಿ, ಬೆಲಾರಸ್‌: ಸೊಗಸಾದ ಪ್ರದರ್ಶನ ತೋರಿದ ಭಾರತ ಮಹಿಳಾ ಕಿರಿಯರ ಹಾಕಿ ತಂಡವು ಬೆಲಾರಸ್‌ ಹಿರಿಯರ ತಂಡದೊಂದಿಗೆ ಶುಕ್ರವಾರ 1–1ರ ಡ್ರಾ ಸಾಧಿಸಿತು. ಐದು ಪಂದ್ಯಗಳ ಸರಣಿಯಲ್ಲಿ ಭಾರತ ತಂಡ ಸದ್ಯ 1–2ರ ಹಿನ್ನಡೆಯಲ್ಲಿದೆ.

ಭಾರತದ ಪರ ಗಗನದೀಪ್‌ ಕೌರ್‌ ಗೋಲು ಗಳಿಸಿ ಮಿಂಚಿದರೆ, ಯುಲಿಯಾ ಮಿಕೆಚಿಕ್‌ ಬೆಲಾರಸ್‌ ತಂಡದ ಪರ ಯಶಸ್ಸು ಸಾಧಿಸಿದರು.

ಸ್ಪರ್ಧಾತ್ಮಕ ಪೈಪೋಟಿ ಕಂಡುಬಂದ ಮೊದಲ ಕ್ವಾರ್ಟರ್‌ನಲ್ಲಿ ಭಾರತ ವನಿತೆಯರು ಆಕ್ರಮಣಕಾರಿ ಹಾಗೂ ಸಂಘಟಿತ ಆಟವಾಡಿದರು. ಎದುರಾಳಿ ತಂಡಕ್ಕೆ ಗೋಲು ಗಳಿಸುವ ಯಾವುದೇ ಅವಕಾಶವನ್ನು ನೀಡದೆ ಪ್ರಾಬಲ್ಯ ಮೆರೆದರು.

ಎರಡನೇ ಕ್ವಾರ್ಟರ್‌ನಲ್ಲಿ ಬೆಲಾರಸ್‌ ಆಟಗಾರ್ತಿಯರು ಸ್ಪರ್ಧೆಯ ವೇಗ ಹೆಚ್ಚಿಸಿದರು. 23ನೇ ನಿಮಿಷದಲ್ಲಿ ಗೋಲು ಪೆಟ್ಟಿಗೆಗೆ ಚೆಂಡು ಸೇರಿಸಿದ ಯುಲಿಯಾ ಆತಿಥೇಯ ತಂಡದ ಮುನ್ನಡೆಗೆ ಕಾರಣವಾದರು. ಆ ಬಳಿಕ ಭಾರತ ಪೆನಾಲ್ಟಿ ಕಾರ್ನರ್‌ ಅವಕಾಶ ಪಡೆದರೂ ವಿಫಲವಾಯಿತು. ಮತ್ತೊಂದು ಪೆನಾಲ್ಟಿ ಬಳುವಳಿ ಪಡೆದ ಪ್ರವಾಸಿ ಆಟಗಾರ್ತಿಯರು ಈ ಬಾರಿ ಸೋಲಲಿಲ್ಲ. ಗಗನದೀಪ್‌ ಕೌರ್‌ ಅವರು ಎರಡನೇ ಕ್ವಾರ್ಟರ್‌ನ ಕೊನೆಯ ನಿಮಿಷಲದಲ್ಲಿ ಗೋಲು ಗಳಿಸಿ ಸ್ಕೋರ್‌ ಸಮಬಲಗೊಳಿಸಿದರು.

ಆ ಬಳಿಕ ಇತ್ತಂಡಗಳ ಮಧ್ಯೆ ಜಿದ್ದಾಜಿದ್ದಿನ ಪೈಪೋಟಿ ಕಂಡುಬಂದರೂ ಗೋಲು ದಾಖಲಾಗಲಿಲ್ಲ. ಜೂನ್‌ 15ರಂದು ಭಾರತ ಹಾಗೂ ಬೆಲಾರಸ್‌ ಕೊನೆಯ ಪಂದ್ಯ ನಡೆಯಲಿದೆ. 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !