ಗುರುವಾರ , ಆಗಸ್ಟ್ 6, 2020
28 °C

ವೇಟ್‌ಲಿಫ್ಟಿಂಗ್‌: ಮೂರು ದಾಖಲೆ ಬರೆದ ಜೆರೆಮಿ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಅಪಿಯಾ, ಸಮೊವಾ: ಯೂಥ್ ಒಲಿಂಪಿಕ್ಸ್‌ನಲ್ಲಿ ಚಿನ್ನದ ಸಾಧನೆ ಮಾಡಿದ್ದ ಭಾರತದ ಜೆರೆಮಿ ಲಾಲ್‌ರಿನ್ನುಂಗ ಇಲ್ಲಿ ಗುರುವಾರ ಮೂರು ದಾಖಲೆಗಳನ್ನು ಬರೆದರು.

ಕಾಮನ್‌ವೆಲ್ತ್ ವೇಟ್‌ಲಿಫ್ಟಿಂಗ್ ಚಾಂಪಿಯನ್‌ಷಿಪ್‌ನ ಮೂರನೇ ದಿನ, 16 ವರ್ಷದ ಜೆರೆಮಿ 67 ಕೆಜಿ ವಿಭಾಗದ ಸ್ಪರ್ಧೆಯಲ್ಲಿ 136 ಕೆಜಿ ಭಾರ ಎತ್ತಿ ಯೂಥ್‌ ವಿಭಾಗ, ಏಷ್ಯನ್‌ ಚಾಂಪಿಯನ್‌ಷಿಪ್‌ ಮತ್ತು ಕಾಮನ್‌ವೆಲ್ತ್ ಚಾಂಪಿಯನ್‌ಷಿಪ್‌ನ ದಾಖಲೆಗಳನ್ನು ಮುರಿದರು.

ಆದರೆ ಮಿಜೋರಾಂನ ಈ ಕ್ರೀಡಾಪಟುವಿಗೆ ಕ್ಲೀನ್ ಮತ್ತು ಜೆರ್ಕ್‌ನಲ್ಲಿ ನಿರೀಕ್ಷಿತ ಸಾಧನೆ ಮಾಡಲಾಗಲಿಲ್ಲ. ಹೀಗಾಗಿ ಮುಂಬರುವ ಟೋಕಿಯೊ ಒಲಿಂಪಿಕ್ಸ್‌ಗೆ ಅರ್ಹತೆ ಗಳಿಸುವ ಸಾಧ್ಯತೆಯೂ ಕಮರಿ ಹೋಯಿತು. 

ಭಾರತದ ಇತರ ಲಿಫ್ಟರ್‌ಗಳೂ ಉತ್ತಮ ಸಾಮರ್ಥ್ಯ ಮುಂದುವರಿಸಿ ನಾಲ್ಕು ಚಿನ್ನ, ಎರಡು ಬೆಳ್ಳಿ ಮತ್ತು ಒಂದು ಕಂಚು ಗೆದ್ದರು. 73 ಕೆಜಿ ವಿಭಾಗದಲ್ಲಿ ಅಚಿಂತಾ ಶೇಹುಲಿ ಒಟ್ಟು 305 (136+169) ಕೆಜಿ ಎತ್ತಿ ಸೀನಿಯರ್ ಮತ್ತು ಜೂನಿಯರ್ ಪುರುಷರ ಚಿನ್ನ ಗೆದ್ದರು. ಮಹಿಳೆಯರ 76 ಕೆಜಿ ವಿಭಾಗದಲ್ಲಿ ಮನ್‌ಪ್ರೀತ್ ಕೌರ್ 207 ಕೆಜಿ (91+116) ಎತ್ತಿ ಚಿನ್ನ ಗಳಿಸಿದರು. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು