ಟೋಕಿಯೊ ಒಲಿಂಪಿಕ್ಸ್‌ಗೆ ನೀರಜ್‌ ಚೋಪ್ರಾ

22 ವರ್ಷದ ನೀರಜ್‌, ಮೊಣಕೈ ಗಾಯದ ಕಾರಣ 2019ರ ವರ್ಷ ಆಟದಿಂದ ಸಂಪೂರ್ಣ ದೂರ ಇದ್ದರು. ಮಂಗಳವಾರ ಇಲ್ಲಿ ಅವರು ಒಲಿಂಪಿಕ್ಸ್‌ ಅರ್ಹತೆಗೆ ಬೇಕಾದ 85 ಮೀ. ಗಡಿ ದಾಟುವಲ್ಲಿ ಯಶಸ್ವಿಯಾದರು.

ಇದೇ ಕೂಟದಲ್ಲಿ ಭಾಗವಹಿಸಿದ್ದ ಭಾರತದ ಇನ್ನೋರ್ವ ಜಾವೆಲಿನ್‌ ಎಸೆತಗಾರ ರೋಹಿತ್‌ ಯಾದವ್‌ 77.61 ಮೀ.ದೂರ ಎಸೆದರು.

ಗಾಯದ ಹಿನ್ನೆಲೆಯಲ್ಲಿನೀರಜ್‌, ಐಎಎಫ್‌ ವಿಶ್ವ ಚಾಂಪಿಯನ್‌ಷಿಪ್‌, ಡೈಮಂಡ್‌ ಲೀಗ್‌ ಹಾಗೂ ಏಷ್ಯಾ ಚಾಂಪಿಯನ್‌ನಲ್ಲಿ ಕಣಕ್ಕಿಳಿದಿರಲಿಲ್ಲ. ಅವರು ಕೊನೆಯ ಬಾರಿ ಭಾಗವಹಿಸಿದ್ದು 2018ರ ಜಕಾರ್ತ ಏಷ್ಯನ್‌ ಕ್ರೀಡಾಕೂಟದಲ್ಲಿ. ಅಲ್ಲಿ 88.06 ದೂರ ಜಾವೆಲಿನ್‌ ಎಸೆಯುವ ಮೂಲಕ ರಾಷ್ಟ್ರೀಯ ದಾಖಲೆಯೊಂದಿಗೆ ಚಿನ್ನದ ಪದಕಕ್ಕೆ ಕೊರಳೊಡ್ಡಿದ್ದರು.