ಇನಿಯನ್‌ಗೆ ವಿಶ್ವ ಆನ್‌ಲೈನ್‌ ಓಪನ್ ಚೆಸ್ ಪ್ರಶಸ್ತಿ

ಚೆನ್ನೈ: ಭಾರತದ ಗ್ರ್ಯಾಂಡ್ಮಾಸ್ಟರ್ ಪಿ. ಇನಿಯನ್ ವಿಶ್ವ ಓಪನ್ ಆನ್ಲೈನ್ ಚೆಸ್ ಟೂರ್ನಿಯಲ್ಲಿ ಪ್ರಶಸ್ತಿ ಗೆದ್ದಿದ್ದಾರೆ.

. ತಮಿಳುನಾಡಿನ ಇನಿಯನ್ ಅವರು ಆರು ಜಯ ಮತ್ತು ಮೂರು ಡ್ರಾ ಸಾಧಿಸಿ ಅಗ್ರಸ್ಥಾನ ಗಳಿಸಿದರು. ಈ ಟೂರ್ನಿಯಲ್ಲಿ ಅವರು ಅಗ್ರಶ್ರೇಯಾಂಕದ ಗ್ರ್ಯಾಂಡ್ಮಾಸ್ಟರ್ಗಳ ಪೈಪೋಟಿಯನ್ನೂ ಎದುರಿಸಿದರು ಎಂದು ಗುರುವಾರ ಬಿಡುಗಡೆಯಾಗಿರುವ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

. ಇನಿಯನ್ ಅವರು ಜಾರ್ಜಿಯಾದ ಬಾದುರ್ ಜೊಬಾಬಾ, ಅಮೆರಿಕದ ಸ್ಯಾಮ್ ಸೆವಿನ್ , ಸರ್ಗೇ ಎರೆನಬರ್ಗ್ ಮತ್ತು ಉಕ್ರೇನ್ನ ನೈಜಿಕ್ ಇಲಿಯಾ ವಿರುದ್ಧದ ಪಂದ್ಯಗಳಲ್ಲಿ ಜಯಿಸಿದರು.

. ಇನಿಯನ್ ಮತ್ತು ಸುಗಿರೊ ಸನನ್ ಅವರು ತಲಾ 7.5 ಪಾಯಿಂಟ್ಸ್ ಗಳಿಸಿದರು. ಉತ್ತಮ ಟೈ ಬ್ರೇಕ್ ಪಾಯಿಂಟ್ಸ್ಗಳನ್ನು ಗಳಿಸಿದ್ದ ಇನಿಯನ್ ಪ್ರಶಸ್ತಿ ಗೌರವಕ್ಕೆ ಪಾತ್ರರಾದರು.

. ಈ ಟೂರ್ನಿಯನ್ನು ಅಮೆರಿಕದ ಕಾಲಮಾನದ ಪ್ರಕಾರ ಆಯೋಜಿಸಲಾಗಿತ್ತು. ಅದರಿಂದಾಗಿ ಇನಿಯನ್ ಅವರು ಪ್ರತಿದಿನ ರಾತ್ರಿ 9.30 ರಿಂದ ಮಾರನೇ ದಿನದ ಬೆಳಿಗ್ಗೆ 6ರವರೆಗೆ ನಡೆಯುತ್ತಿದ್ದ ಪಂದ್ಯಗಳಲ್ಲಿ ಆಡುತ್ತಿದ್ದರು. 17 ವರ್ಷದ ಇನಿಯನ್ ಅವರು ಈ ಕಾಲಮಾನಕ್ಕೆ ತಕ್ಕಂತೆ ಆಡಲು ಬಹಳಷ್ಟು ಪೂರ್ವ ಸಿದ್ಧತೆ ಮಾಡಿಕೊಂಡಿದ್ದು ಫಲ ನೀಡಿತು.

. ಈ ಟೂರ್ನಿಯು ಆಗಸ್ಟ್ 7 ರಿಂದ 9ರವರೆಗೆ ನಡೆದಿತ್ತು. ಆದರೆ, ಫೇರ್ ಪ್ಲೇ ವಿಶ್ಲೇಷಣೆ ಮತ್ತು ಪರಿಶೀಲನೆಯನ್ನು ಕೂಲಂಕಷವಾಗಿ ನಡೆಸಿದ ನಂತರ ಈಚೆಗೆ ಫಲಿತಾಂಶವನ್ನು ಪ್ರಕಟಿಸಲಾಗಿದೆ.

. ‘ಇದಕ್ಕಾಗಿ ಬಹಳ ಶ್ರಮಪಟ್ಟು ಅಭ್ಯಾಸ ಮಾಡಿದ್ದೆ. ಅದರ ಫಲವಾಗಿ ಗೆಲುವು ಒಲಿದಿದೆ. ಅಲ್ಲದೇ ಶ್ರೇಷ್ಠ ಆಟಗಾರ ಬಾದುರ್ ಜೊಬಾವಾ ಅವರ ವಿರುದ್ಧ ಜಯಿಸಿದ ಪಂದ್ಯವು ನನಗೆ ಅವಿಸ್ಮರಣೀಯ’ ಎಂದು ಇನಿಯನ್ ಸಂತಸ ವ್ಯಕ್ತಪಡಿಸಿದ್ದಾರೆ.

. ಟೂರ್ನಿಯಲ್ಲಿ 16 ದೇಶಗಳ 120 ಆಟಗಾರರು ಸ್ಪರ್ಧಿಸಿದ್ದರು. ಅದರಲ್ಲಿ 30ಕ್ಕೂ ಹೆಚ್ಚು ಗ್ರ್ಯಾಂಡ್ಮಾಸ್ಟರ್ಗಳಿದ್ದರು.

. ಈಚೆಗೆ ನಡೆದಿದ್ದ ಆನ್ಲೈನ್ ಬ್ಲಿಟ್ಜ್ ಟೂರ್ನಿಯಲ್ಲಿ ವಿಶ್ವದ ಎರಡನೇ ಶ್ರೇಯಾಂಕದ ಆಟಗಾರ ಫ್ಯಾಬಿಯಾನೊ ಕ್ಯಾರೊನಾ ವಿರುದ್ಧ ಜಯಿಸಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಇನಿಯನ್‌ಗೆ ವಿಶ್ವ ಆನ್‌ಲೈನ್‌ ಓಪನ್ ಚೆಸ್ ಪ್ರಶಸ್ತಿ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ