ವಾಲಿಬಾಲ್‌: ಫೈನಲ್‌ ಪ್ರವೇಶಿಸಿದ ಚೆನ್ನೈ

ನೆಹರು ಒಳಾಂಗಣ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ಸೆಮಿಫೈನಲ್‌ನಲ್ಲಿ ಚೆನ್ನೈ 16–14, 9–15, 10–15, 15–8, 15–13ರಲ್ಲಿ ಕೊಚ್ಚಿ ಬ್ಲೂ ಸ್ಪೈಕರ್ಸ್‌ ತಂಡವನ್ನು ಸೋಲಿಸಿತು.

ಶುಕ್ರವಾರ ನಡೆಯುವ ಪ್ರಶಸ್ತಿ ಸುತ್ತಿನ ಪೈಪೋಟಿಯಲ್ಲಿ ಚೆನ್ನೈ ತಂಡ ಕ್ಯಾಲಿಕಟ್‌ ಹೀರೋಸ್‌ ಎದುರು ಪೈಪೋಟಿ ನಡೆಸಲಿದೆ.

ಚೆನ್ನೈ ತಂಡದ ರುಸ್ಲಾನ್ಸ್‌ ಸೊರೊಕಿನ್ಸ್‌ ಮೋಡಿ ಮಾಡಿದರು. ಅವರು ಒಟ್ಟು 17 ಪಾಯಿಂಟ್ಸ್‌ ಕಲೆಹಾಕಿದರು. ಸ್ಪೈಕ್ಸ್‌ಗಳ ಮೂಲಕವೇ 15 ಪಾಯಿಂಟ್ಸ್‌ ಹೆಕ್ಕಿದ್ದು ವಿಶೇಷ.

ಕೊಚ್ಚಿ ತಂಡದ ಮನು ಜೋಸೆಫ್‌ ಕೂಡಾ 17 ಪಾಯಿಂಟ್ಸ್‌ ಕಲೆಹಾಕಿ ಸೋಲಿನ ನಡುವೆಯೂ ಗಮನ ಸೆಳೆದರು.