ಬರ್ಮಿಂಗ್ಹ್ಯಾಮ್: ಭಾರತದ ಟೇಬಲ್ ಟೆನಿಸ್ ಆಟಗಾರರಾದ ಅಚಂತ ಶರತ್ ಕಮಲ್ ಮತ್ತು ಜಿ.ಸತ್ಯನ್ ಅವರು ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ನಾಲ್ಕರ ಘಟ್ಟ ತಲುಪಿದರು.
ಶನಿವಾರ ನಡೆದ ಕ್ವಾರ್ಟರ್ಫೈನಲ್ ಪಂದ್ಯಗಳಲ್ಲಿ ಶರತ್ 11-6, 11-7, 11-4, 11-7ರಿಂದ ಸಿಂಗಪುರದ ಇಸಾಕ್ ಕ್ವೆಕ್ ಎದುರು ಗೆದ್ದರೆ, ಸತ್ಯನ್11-5, 11-7, 11-5, 8-11, 10-12, 11-9ರಿಂದ ಇಂಗ್ಲೆಂಡ್ನ ಸ್ಯಾಮ್ ವಾಕರ್ ಎದುರು ಜಯ ಸಾಧಿಸಿದರು.
ಭಾರತದ ಇನ್ನೋರ್ವ ಸ್ಪರ್ಧಿ ಸನಿಲ್ ಶೆಟ್ಟಿ ಸವಾಲು ಅಂತ್ಯವಾಯಿತು. ಎಂಟರಘಟ್ಟದ ಪಂದ್ಯದಲ್ಲಿ ಅವರು11-9, 6-11, 8-11, 8-11, 4-11ರಿಂದ ಸ್ಥಳೀಯ ಆಟಗಾರ ಲಿಯಾಮ್ ಪಿಚ್ಫೋರ್ಡ್ ಎದುರು ಸೋತರು.
ಮಹಿಳಾ ಡಬಲ್ಸ್ನ ಪ್ರೀಕ್ವಾರ್ಟರ್ಫೈನಲ್ ಪಂದ್ಯಗಳಲ್ಲಿ ಶ್ರೀಜಾ ಅಕುಲ್– ರೀತ್ ಟೆನ್ನಿಸನ್11-7, 11-4, 11-3ರಿಂದ ವೇಲ್ಸ್ನ ಕ್ಲೊ ಅನ್ನಾ ಥಾಮಸ್ ವು ಜಾಂಗ್– ಲಾರಾ ವಿಟ್ಟನ್ ಎದುರು ಗೆದ್ದರೆ, ಮಣಿಕಾ ಬಾತ್ರಾ– ದಿಯಾ ಚಿತಳೆ11-5, 11-5, 11-3ರಿಂದ ಮಾರಿಷಸ್ನ ಜಲೀಮ್ ನಂದೇಶ್ವರಿ ಮತ್ತು ಔಮೆಹನಿ ಹೊಸೆನಲ್ಲಿ ಎದುರು ಜಯಿಸಿದರು.