ಬೆಂಗಳೂರು: ದೇಶದ ಪ್ರಥಮ ಮಹಿಳಾ ಡಬಲ್ಸ್‌ ಬ್ಯಾಡ್ಮಿಂಟನ್‌ ಟೂರ್ನಿ ‘ರೆಡ್‌ ಬುಲ್‌ ಶಟ್ಲ್‌ ಅಪ್‌’ನ ಬೆಂಗಳೂರು ವಲಯದ ಅರ್ಹತಾ ಸುತ್ತಿನ ಪಂದ್ಯಗಳು ಇದೇ 16ರಂದು ನಗರದಲ್ಲಿ ನಡೆಯಲಿದೆ.
ಈ ಟೂರ್ನಿ ಜೆ.ಪಿ.ನಗರದ ಕೊತ್ತನೂರು ದಿಣ್ಣೆಯ ನೃಪತುಂಗಾ ನಗರದ ಫೇರ್‌ಪ್ಲೇ ಪ್ರದೇಶದಲ್ಲಿ ನಡೆಯಲಿದೆ. ಭಾಗವಹಿಸುವ ಸ್ಪರ್ಧಿಗಳು ಆನ್‌ಲೈನ್‌ನಲ್ಲಿ (https://bit.ly/2CEpPj0) ಅಥವಾ ಸ್ಥಳದಲ್ಲೇ ಹೆಸರು ನೋಂದಾಯಿಸಿಕೊಳ್ಳಬಹುದು.
ರಾಷ್ಟ್ರೀಯ ವಿಜೇತರು ಆಶ್ವಿನಿ ಪೊನ್ನಪ್ಪ ಮತ್ತು ಅವರ ಜೊತೆಗಾರ್ತಿಯ ಜೊತೆ ಆಡಲಿದ್ದಾರೆ. ದೆಹಲಿ, ಹೈದರಾಬಾದ್‌, ಗುವಾಹಟಿ, ಚಂಡೀಗಡದಲ್ಲಿ ಅರ್ಹತಾ ಸುತ್ತು ನಡೆದಿದೆ.
ಬೆಂಗಳೂರು ವಲಯದ ವಿಜೇತರು ಹೈದರಾಬಾದ್‌ನಲ್ಲಿ ಡಿ. 8ರಂದು ನಡೆಯುವ ರಾಷ್ಟ್ರೀಯ ಫೈನಲ್‌ನಲ್ಲಿ ಆಡಲಿದ್ದಾರೆ. ಮಾಹಿತಿಗೆ ಜೊನಾಥನ್‌ ( ಮೊ.ನಂ.9699950560) ಅವರನ್ನು ಸಂಪರ್ಕಿಸುವಂತೆ ಪ್ರಕಟಣೆ ತಿಳಿಸಿದೆ.
