ಶನಿವಾರ, ಜನವರಿ 28, 2023
24 °C

ಟಾಟಾ ಓಪನ್ ಮಹಾರಾಷ್ಟ್ರ ಟೆನಿಸ್‌ ಟೂರ್ನಿ: ದಿಟ್ಟ ಆಟವಾಡಿ ಸೋತ ಧಾಮನೆ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಪುಣೆ: ಉದಯೋನ್ಮುಖ ಆಟಗಾರ, ಭಾರತದ ಮಾನಸ್‌ ಧಾಮನೆ ಅವರು ಇಲ್ಲಿ ನಡೆಯುತ್ತಿರುವ ಟಾಟಾ ಓಪನ್ ಮಹಾರಾಷ್ಟ್ರ ಟೆನಿಸ್‌ ಟೂರ್ನಿಯ ಮೊದಲ ಸುತ್ತಿನಲ್ಲೇ ಸೋತರು. ಆದರೆ 15 ವರ್ಷದ ಆಟಗಾರ ತೋರಿದ ದಿಟ್ಟ ಆಟ ಗಮನಸೆಳೆಯಿತು.

ಸೋಮವಾರ ಆರಂಭವಾದ ಟೂರ್ನಿಯ ಪುರುಷರ ಸಿಂಗಲ್ಸ್ ವಿಭಾಗದ ಮೊದಲ ಸುತ್ತಿನ ಪಂದ್ಯದಲ್ಲಿ ಸ್ಥಳೀಯ ಪ್ರತಿಭೆ ಮಾನಸ್‌ 2-6 4-6ರಿಂದ ಅಮೆರಿಕದ ಮೈಕೆಲ್‌ ಮೊಹ್ ಎದುರು ಸೋಲನುಭವಿಸಿದರು.

ವೈಲ್ಡ್‌ಕಾರ್ಡ್‌ ಪ್ರವೇಶ ಪಡೆದಿರುವ ಮಾನಸ್‌, ವಿಶ್ವ ಕ್ರಮಾಂಕದಲ್ಲಿ 115ನೇ ಸ್ಥಾನದಲ್ಲಿರುವ, ತನಗಿಂತ ದೈಹಿಕವಾಗಿ ಬಲಿಷ್ಠವಾಗಿರುವ ಆಟಗಾರನ ಎದುರು ಪ್ರಬುದ್ಧತೆಯ ಆಟ ತೋರಿದರು. 

ರ‍್ಯಾಲಿಗಳಲ್ಲಿ ಸ್ವಲ್ಪ ಮಂಕಾದರೂ ಮಾನಸ್‌ ಅವರ ಕೆಲವು ಬ್ಯಾಕ್‌ಹ್ಯಾಂಡ್‌ ಮತ್ತು ಫೋರ್‌ಹ್ಯಾಂಡ್‌ ಹೊಡೆತಗಳು ಆಕರ್ಷಕವಾಗಿದ್ದವು.

‘ಇಂತಹ ಪೈಪೋಟಿಯನ್ನು ನಾನು ನಿರೀಕ್ಷಿಸಿರಲಿಲ್ಲ. ಮಾನಸ್‌ ಆಟ ಅಚ್ಚರಿ ತಂದಿತು. ಆತನಿಗೆ ಉತ್ತಮ ಭವಿಷ್ಯವಿದೆ‘ ಎಂದು ಪಂದ್ಯದ ನಂತರ 24 ವರ್ಷದ ಮೊಹ್‌ ಪ್ರತಿಕ್ರಿಯಿಸಿದರು.

 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು