<p><strong>ಅಸ್ತಾನ, ಕಜಕಸ್ತಾನ:</strong> ಫೆಡ್ ಕಪ್ ಟೆನಿಸ್ ಟೂರ್ನಿಯಲ್ಲಿ ವಿಶ್ವ ಗುಂಪು–2ಕ್ಕೆ ಅರ್ಹತೆ ಗಳಿಸುವ ಕನಸು ಹೊಂದಿರುವ ಭಾರತ ಮಹಿಳಾ ತಂಡ ಈ ಹಾದಿಯಲ್ಲಿ ಶುಭಾರಂಭ ಮಾಡುವ ವಿಶ್ವಾಸದಲ್ಲಿದೆ.</p>.<p>ಗುರುವಾರ ನಡೆಯುವ ಏಷ್ಯಾ ಒಸೀನಿಯಾ ಗುಂಪು–1ರ ತನ್ನ ಮೊದಲ ಹೋರಾಟದಲ್ಲಿ ಭಾರತ ತಂಡ ಥಾಯ್ಲೆಂಡ್ ಎದುರು ಸೆಣಸಲಿದೆ. ಶುಕ್ರವಾರ ನಡೆಯುವ ಹಣಾಹಣಿಯಲ್ಲಿ ಭಾರತಕ್ಕೆ ಬಲಿಷ್ಠ ಕಜಕಸ್ತಾನ ತಂಡದ ಸವಾಲು ಎದುರಾಗಲಿದೆ.</p>.<p>ಅಂಕಿತಾ ರೈನಾ ಮತ್ತು ಕರ್ಮನ್ಕೌರ್ ಥಾಂಡಿ ಅವರು ಸಿಂಗಲ್ಸ್ ವಿಭಾಗದಲ್ಲಿ ಭಾರತದ ಶಕ್ತಿಯಾಗಿದ್ದಾರೆ. ಇವರು ಥಾಯ್ಲೆಂಡ್ ತಂಡದ ಪೀಂಗ್ತರನ್ ಪ್ಲಿಪುಯೆಚ್ ಮತ್ತು ಪುನ್ನಿನ್ ಕೊವಾಪಿಟುಕ್ಟೆಡ್ ಅವರನ್ನು ಸುಲಭವಾಗಿ ಸೋಲಿಸುವ ಹುಮ್ಮಸ್ಸಿನಲ್ಲಿದ್ದಾರೆ.</p>.<p>‘ಹಿಂದಿನ ನಾಲ್ಕು ದಿನಗಳಿಂದ ಕಠಿಣ ಅಭ್ಯಾಸ ನಡೆಸಿದ್ದೇವೆ. ಅಂಕಿತಾ ಮತ್ತು ಕರ್ಮನ್ಕೌರ್ ಉತ್ತಮ ಲಯದಲ್ಲಿದ್ದಾರೆ. ಥಾಯ್ಲೆಂಡ್ ತಂಡದಲ್ಲಿರುವ ಸಿಂಗಲ್ಸ್ ವಿಭಾಗದ ಆಟಗಾರ್ತಿಯರು ರ್ಯಾಂಕಿಂಗ್ನಲ್ಲಿ ನಮ್ಮ ಆಟಗಾರ್ತಿಯರಿಗಿಂತಲೂ ಕೆಳಗಿನ ಸ್ಥಾನ ಹೊಂದಿದ್ದಾರೆ. ಹಾಗಂತ ಆ ತಂಡವನ್ನು ಹಗುರವಾಗಿ ಪರಿಗಣಿಸುವುದಿಲ್ಲ’ ಎಂದು ಭಾರತ ತಂಡದ ಕೋಚ್ ಅಂಕಿತಾ ಭಾಂಬ್ರಿ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಸ್ತಾನ, ಕಜಕಸ್ತಾನ:</strong> ಫೆಡ್ ಕಪ್ ಟೆನಿಸ್ ಟೂರ್ನಿಯಲ್ಲಿ ವಿಶ್ವ ಗುಂಪು–2ಕ್ಕೆ ಅರ್ಹತೆ ಗಳಿಸುವ ಕನಸು ಹೊಂದಿರುವ ಭಾರತ ಮಹಿಳಾ ತಂಡ ಈ ಹಾದಿಯಲ್ಲಿ ಶುಭಾರಂಭ ಮಾಡುವ ವಿಶ್ವಾಸದಲ್ಲಿದೆ.</p>.<p>ಗುರುವಾರ ನಡೆಯುವ ಏಷ್ಯಾ ಒಸೀನಿಯಾ ಗುಂಪು–1ರ ತನ್ನ ಮೊದಲ ಹೋರಾಟದಲ್ಲಿ ಭಾರತ ತಂಡ ಥಾಯ್ಲೆಂಡ್ ಎದುರು ಸೆಣಸಲಿದೆ. ಶುಕ್ರವಾರ ನಡೆಯುವ ಹಣಾಹಣಿಯಲ್ಲಿ ಭಾರತಕ್ಕೆ ಬಲಿಷ್ಠ ಕಜಕಸ್ತಾನ ತಂಡದ ಸವಾಲು ಎದುರಾಗಲಿದೆ.</p>.<p>ಅಂಕಿತಾ ರೈನಾ ಮತ್ತು ಕರ್ಮನ್ಕೌರ್ ಥಾಂಡಿ ಅವರು ಸಿಂಗಲ್ಸ್ ವಿಭಾಗದಲ್ಲಿ ಭಾರತದ ಶಕ್ತಿಯಾಗಿದ್ದಾರೆ. ಇವರು ಥಾಯ್ಲೆಂಡ್ ತಂಡದ ಪೀಂಗ್ತರನ್ ಪ್ಲಿಪುಯೆಚ್ ಮತ್ತು ಪುನ್ನಿನ್ ಕೊವಾಪಿಟುಕ್ಟೆಡ್ ಅವರನ್ನು ಸುಲಭವಾಗಿ ಸೋಲಿಸುವ ಹುಮ್ಮಸ್ಸಿನಲ್ಲಿದ್ದಾರೆ.</p>.<p>‘ಹಿಂದಿನ ನಾಲ್ಕು ದಿನಗಳಿಂದ ಕಠಿಣ ಅಭ್ಯಾಸ ನಡೆಸಿದ್ದೇವೆ. ಅಂಕಿತಾ ಮತ್ತು ಕರ್ಮನ್ಕೌರ್ ಉತ್ತಮ ಲಯದಲ್ಲಿದ್ದಾರೆ. ಥಾಯ್ಲೆಂಡ್ ತಂಡದಲ್ಲಿರುವ ಸಿಂಗಲ್ಸ್ ವಿಭಾಗದ ಆಟಗಾರ್ತಿಯರು ರ್ಯಾಂಕಿಂಗ್ನಲ್ಲಿ ನಮ್ಮ ಆಟಗಾರ್ತಿಯರಿಗಿಂತಲೂ ಕೆಳಗಿನ ಸ್ಥಾನ ಹೊಂದಿದ್ದಾರೆ. ಹಾಗಂತ ಆ ತಂಡವನ್ನು ಹಗುರವಾಗಿ ಪರಿಗಣಿಸುವುದಿಲ್ಲ’ ಎಂದು ಭಾರತ ತಂಡದ ಕೋಚ್ ಅಂಕಿತಾ ಭಾಂಬ್ರಿ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>