ಡೇವಿಸ್‌ ಕಪ್‌ ಟೆನಿಸ್‌: ಪಾಕ್‌ ವಿರುದ್ಧ ಭಾರತಕ್ಕೆ 4–0 ಗೆಲುವು

ನೂರ್ ಸುಲ್ತಾನ್, ಕಜಕ್ಸ್ತಾನ: ಹಿರಿಯ ಆಟಗಾರ ಲಿಯಾಂಡರ್ ಪೇಸ್ ಡೇವಿಸ್ ಕಪ್ ಡಬಲ್ಸ್ನಲ್ಲಿ 44ನೇ ಗೆಲುವನ್ನು ಪಡೆದು ತಮ್ಮದೇ ದಾಖಲೆಯನ್ನು ಉತ್ತಮಪಡಿಸಿದರು. ಜೀವನ್ ನೆಡುಂಚೆಳಿಯನ್ ಜೊತೆಗೂಡಿ ಅವರು ಶನಿವಾರ ಗಳಿಸಿದ ಗೆಲುವಿನಿಂದ ಭಾರತ ನಿರೀಕ್ಷೆಯಂತೆ 4–0 ಅಂತರದಿಂದ ಪಾಕಿಸ್ತಾನ ತಂಡವನ್ನು ಸದೆಬಡಿಯಿತು.

. ಈ ಗೆಲುವಿನೊಡನೆ ಭಾರತ ಮುಂದಿನ ವರ್ಷ ಡೇವಿಸ್ ಕಪ್ ಟೆನಿಸ್ ವಿಶ್ವ ಗುಂಪಿನಲ್ಲಿ ಆಡುವ ಅರ್ಹತೆ ಗಿಟ್ಟಿಸಿಕೊಂಡಿತು. ಹಳೆಯ ಹುಲಿ ಪೇಸ್– ಉತ್ಸಾಹಿ ಯುವಕ ಜೀವನ್ ಜೋಡಿಗೆ ಪಾಕ್ ತಂಡದ ಹದಿಹರೆಯದ ಆಟಗಾರರಾದ ಮೊಹಮ್ಮದ್ ಶೋಯೆಬ್– ಹುಫೈಜಾ ಅಬ್ದುಲ್ ರೆಹಮಾನ್ ಅವರಿಂದ ಹೆಚ್ಚು ಪ್ರತಿರೋಧ ಎದುರಾಗಲಿಲ್ಲ. ಭಾರತದ ಜೋಡಿ 6–1, 6–3 ರಿಂದ ಜಯಗಳಿಸಿತು.

. ಪೇಸ್, ಡೇವಿಸ್ ಕಪ್ ಡಬಲ್ಸ್ನಲ್ಲಿ 44ನೇ ಗೆಲುವಿನಿಂದ ಅತ್ಯಂತ ಯಶಸ್ವಿ ಆಟಗಾರ ಎನಿಸಿದರು. ಇಟಲಿಯ ಆಟಗಾರ ನಿಕೊಲಾ ಪೀಟ್ರಾಂಗೆಲಿ ಅವರ 42 ಗೆಲುವಿನ ದಾಖಲೆಯನ್ನು ಅವರು ಮುರಿದರು. 42 ವರ್ಷ ವಯಸ್ಸಿನ ಪೇಸ್ 56 ಪಂದ್ಯಗಳನ್ನು ಆಡಿದ್ದರೆ, ಪೀಟ್ರಾಂಗೆಲಿ 66 ಪಂದ್ಯಗಳನ್ನು (1960 ಮತ್ತು 70’ರ ದಶಕದ ಅವಧಿ) ಆಡಿದ್ದಾರೆ.

. ಬೆಲಾರಸ್ನ ಮ್ಯಾಕ್ಸ್ ಮಿರ್ನಿ 36 ಗೆಲುವನ್ನು ಕಂಡಿದ್ದು ಮೂರನೇ ಸ್ಥಾನದಲ್ಲಿದ್ದಾರೆ. ಅವರು 2018ರ ನಂತರ ಯಾವುದೇ ಪಂದ್ಯಗಳನ್ನು ಆಡಿಲ್ಲ. ಹೀಗಾಗಿ ಪೇಸ್ ಅವರ ದಾಖಲೆ ಸದ್ಯಕ್ಕೆ ಸುರಕ್ಷಿತವಾಗಿ ಉಳಿಯುವಂತೆ ಕಾಣುತ್ತಿದೆ.

. ‘ಡೇವಿಸ್ ಕಪ್ ಪಂದ್ಯದಲ್ಲಿ ಮೊದಲ ಬಾರಿ ಪಾಲ್ಗೊಂಡ ಜೀವನ್ ಜೊತೆ ಆಡುವುದು ಖುಷಿ ಎನಿಸಿತು. ಆರಂಭದಿಂದಲೇ ಚೆನ್ನಾಗಿ ಆಡಿದ. ಅವನ ಜೊತೆ ಅಂಕಣ ಹಂಚಿಕೊಂಡಿದ್ದು ಹೆಮ್ಮೆ ಮೂಡಿಸಿತು’ ಎಂದು ಕಿರಿಯ ಜೊತೆಗಾರನ ಬಗ್ಗೆ ಪೇಸ್ ಪ್ರಶಂಸೆಯ ಮಾತುಗಳನ್ನಾಡಿದರು.

. ರಿವರ್ಸ್ ಸಿಂಗಲ್ಸ್ ಪಂದ್ಯದಲ್ಲಿ ಸುಮಿತ್ ನಗಾಲ್ 6–1, 6–0 ಯಿಂದ ಯೂಸುಫ್ ಖಲೀಲ್ ಅವರನ್ನು ಸೋಲಿಸಿದರು. ಭಾರತ 4–0 ಗೆಲುವಿನ ಅಂತರ ಸಾಧಿಸಿದ್ದ ಕಾರಣ ಔಪಚಾರಕ್ಕಷ್ಟೇ ಆಡಬೇಕಾಗಿದ್ದ ಕೊನೆಯ ಸಿಂಗಲ್ಸ್ ಆಡದೇ ಇರಲು ಉಭಯ ತಂಡಗಳು ನಿರ್ಧರಿಸಿದವು.

. ಭಾರತ, 2014 ಫೆಬ್ರುವರಿ ನಂತರ ಮೊದಲ ಬಾರಿ ಡೇವಿಸ್ ಕಪ್ನಲ್ಲಿ ಎದುರಾಳಿಗಳ ವಿರುದ್ಧ ಆಡಿದ ಎಲ್ಲ ಪಂದ್ಯಗಳನ್ನು ಗೆದ್ದಂತಾಯಿತು. ಆ ವರ್ಷ ಚೀನಾ ತೈಪಿ ವಿರುದ್ಧ ಭಾರತ ಇಂದೋರ್ನಲ್ಲಿ 5–0 ಅಂತರದ ಜಯಗಳಿಸಿತ್ತು.

. ಭಾರತ, ಮುಂದಿನ ವರ್ಷ ನಡೆಯುವ ವಿಶ್ವ ಗುಂಪಿನ ಪಂದ್ಯದಲ್ಲಿ ಕ್ರೊವೇಷಿಯಾ ವಿರುದ್ಧ ಅಲ್ಲಿಯೇ ಆಡಲಿದೆ. ಡೇವಿಸ್ ಕಪ್ ಫೈನಲ್ ಹಂತದಲ್ಲಿ 12 ತಂಡಗಳಿಗೆ ಆಡುವ ಅವಕಾಶವಿದೆ. ಇದಕ್ಕಾಗಿ 24 ತಂಡಗಳು ಸೆಣಸಲಿವೆ. ಸೋಲುವ 12 ತಂಡಗಳು, 2020ರ ಸೆಪ್ಟೆಂಬರ್ನಲ್ಲಿ ವಿಶ್ವ ಗುಂಪು 1ರಲ್ಲಿ ಆಡಲಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಡೇವಿಸ್‌ ಕಪ್‌ ಟೆನಿಸ್‌: ಪಾಕ್‌ ವಿರುದ್ಧ ಭಾರತಕ್ಕೆ 4–0 ಗೆಲುವು

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು

ಒಂದೇ ಓವರ್‌ನಲ್ಲಿ 2 ವಿಕೆಟ್; ಪ್ಯಾಟ್ ಕಮಿನ್ಸ್‌ ಸಲಹೆ ಸ್ಮರಿಸಿದ ನಿತೀಶ್

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು